Kuh in Ahkkweye Luhlahlfongi
Ke kom oracack poum in ahkkweye, kom orwaclah olwelah se nuh sin God, ac nuh sin mwet kuhlwacnsap inge, lah kom ac ahkkweyaclos.
Pacl puhs nga lohng mwet kol ke pristut sang kuloh ke ahkkweye luhn luhlahlfongi nuh selos suc kuhlwacnsap. Ke puhsrwaclos, kom ac etuh kuloh lalos lah loal ac pwacye. Srihpac luhn mihsenge uh pa in tahfwelah kuloh luhn Leum ke ahkkweye Mwet Kuhlwacnsap Lal ke Alu lal. Ac ahkkweyeyuc kowos in srike ac ahkkapye kuh in ahkkweye mwet sahyac ke luhlahlfongi.
Met liki kom isuslac, kom srike kuh se. Nuhnkuh ke pacl met ma kuh etuh ke nguhn luhn facluh met liki kuht isuslac. Pahpah tuhmasr Inkuhsrao placnwelah nuh sin tuhlihk Nahtuhl. Kuht oasr in pacl sac. Lucifer, tamuhlwel in nguhn wiacsr, lain ke plwacn se ma lwelah nuh sesr sukohsohk in sulwaclah. Jehovah, Wen Sacohk nuhtin Pahpah Inkuhsrao, el ahkkweye placn sac. Lucifer el kol in lain. Puhsrwen Leum kahslah, ac el volunteer in Mwet Lahngo lasr.
Ma na pwacye se oruh kuht moul suhkawihl ingena uh ahkpwacyeye lah kom ahkkweye Pahpah ac Mwet Lahngo. Enenuh in oasr luhlahlfongi in Jisus Kraist in ahkkweye plwacn in engan ac ac Jisus Kraist el oasr we uh ke kom etuh kuhtuh srihk ke ma upac ac sikyak ke moul suhkawihl se inge.
Luhlahlfongi lom in ahkkweye mwet kuhlwacnsap luhn God oasr ke sie insiac engan ke moul se inge. Ke kom lohng ke sie ma upac nuh sin missionary se in pruhe in etuh lah Puk luhn Mormon kahs luhn God, oasr luhlahlfongi in ahkkweye met kuhlwacnsap luhn God sacn. Ke kom eis sie solsol nuh ke pacptais se, kom ahkkweye sie mwet kuhlwacnsap puhsisacl luhn God.
Ke kom lwelah sie mwet in filiyac paho fin sifom ac fahk, “Eis Nguhn Muhtahl,” kom ahkkweye mwet sacn in eis ke Mechizedek Pristut.
Ke lwen sacn, kom ac, fin kuhlwacnsap ke luhlahlfongi, ahkkweye sie mwet suc usot nuh sim ke pristut ac kais sie suc ahkmuhsrai komlac nuh ke sie office in pristut.
Ke puhla lom emet ke pristut, kais sie ahkkweye inge el atacn luhlahlfongi ke mwet kuhlwacnsap luhn God. Ingena, puhs suwos ac som nuh luhng ke sie can ma akkeye uh ahkfahsrweyeyuck yohk kac uh.
Kom in sulwaclah lah kom ac ahkkweye nohfohn ma suc Leum el pahngon—lah mac se Leum elac pahngloltahl nuh kac. Sulwaclah sacn sikyak ke toeni fin facluh nohfohn. Sikyak ke toeni se inge. Ke miting uh, inen mukul ac muhtwacn—mwet kuhlwacnsap luhn God—elos rit, ac kowos suliyuck in sruhlwack pouwos in ahkkeye. Kom kuh in tiac vote, kuh kom kuh in ahkkahlwemye vote lom an. Ke kom sruhlwack poum in ahkkweye, kom orwaclah olwelah se. Kom orwaclah olwelah se nuh sin God, ac nuh sin mwet kuhlwacnsap inge, lah kom ac ahkkweyaclos.
Mwet inge tiac suwos, oacpacna kom. Sruokyacna olwelah lom ac oruh fokoko na luhlahlfongi lom ke Leum elac pahng uh. Sruokyacna olwelah ingacn use engan ma pahtpaht. Fin tiac sruokyacna ac oruh ahsor nuh sum ac selos suc kom luhngese—ac finne nuh ke misac nuh ke kuh ma luhmweyuck uh.
Kom ac na siyuck, kuh ac siyuck, lah kom ahkkweye bishop lom, stake prestuhn lom, General Authorities, ac General officers ke Alu uh. Ac kuh in sikyak fin kom ac siyuck in ahkkweye officers ac mwet kol ke toeni sacn. Kuhtuh pacl uh ac kihsensiyuck nuh sin bishop sacn kuh stake prestuhn se.
Mwet kahsruh luhk pa kowos in siyuck kihsensiyuck ngan sum met, ke taran ac pruhe. Ke kom oruh, kom ac liye nuhnak met lom, kahs lom, ac orekma lom. Srike in esam ac ahkolah top kom ac sang nuh sin Leum ke elac kisensiyuck sum, etuh lah Elac tuhkuh sie lwen. Kom kuh in ahkolah siyuck kain kihsensiyuck inge:
-
Yac nga nuhnkuh kuh sramsram ahkmuhnahsye mwet ma nga oruh in ahkolah in ahkkweye inge?
-
Yac nga suk ke mwe ahkpwacye lah Leum el kohlohlos?
-
Yac nga ukwe kolyuck lalos pacl nuh kwewa ke luhlahlfongi?
-
Lah nga sramsram ke mwe ahkpwacye ma nga kuh in liye ke mwet kuhlwacnsap luhn God inge?
-
Kuh nga pruhe kaclos pacl nuhkwewa ke inne ac ke puhla in luhngse?
Kihsensiyuck ingacn, nuh sesr, kol nuh ke kuhtuh puhla tiac wo ac enenuh in auliyak. Kuht sapkihnyuck sin God in tiac nuhnuhnkuh mwet sahyac ke tiac suwohs lalos, tuhsruhk in srike, kuht tiac kuh in tiac. Apkuhran in ma nuhkwewa kuht oruh ke orekma nuh sin mwet kol kuht in liye ma elos oruh. Ac kuht pacl ke moul lasr, kuht in srihke kuht nuh sin mwet sahyac. Kuht ac oruh ke srihpac puhkantwen, kuhtuh tiac ma oasr srihpac, tuhsruhk kuhtuh ac kol kuht in tuntun.
Prestuhn George Q. Cannon el use mwe sensen se nga in tahfweoht nuh suwos in muh ma luhk. Nga luhlahlfongi muh el fahk ke ma pwacye: “God el sulwaclah mwet kuhlwacnsap Lal. El fahk lah ke kuh Lal in kaiyacloslac, suc enenuh in kaiyucklac. El tiacna use nuh sesr kais sie in ahk kolukyacl tahl. Wangin sie mwet, lah fuhkah fokoko lal ke luhlahlfongi lal, lah fuhkah fuhlwactiyacn Pristut uh, kuh in sramsram koluk ke akmuhsrahlah luhn Leum ac sokwack koluk sin kuh luhn God fin fwaclah kuh in ahkkweye ahngyang Lal. Nguhn Muhtahl ac som liki kain mwet sacn, ac elac som nuh ke lohsr mahtoltol. Ke sripac se inge, kom tiac liye yohk srihpaciyac ke kuht enenuh in sensenkihn?”1
Liye luhk pa mempucr ke Alu fin facluh nohfohn arulacna insese sin sie ac elos suc karihngihn an pac. Oasr, mwe nahweyuck kuht kuh ac enenuh in oruh. Kuht kuh in mayak nuh lucng ke kuh in ahkkweye kais sie. Ac enenuh luhlahlfongi ac kampare. Mwe nuhnak ahkosr nga orwaclah nuh sesr in oruh ke toeni se inge.
-
Kuht kuh in akihlen orekma mwet fahkwack ahkkahlwemye ac muhtwacwacack in fahkwelihk kac. Ke kuht oruh, kuh lasr in ahkkweyaclos ac kapwack.
-
Kuht kuh in pruhe kaclos ke elos sramsram lah Nguhn Muhtahl ac fahkwelihk kahs nuh sin kais sie insiacn mwet kuht luhngse. Ke kuht lotwelah tohkoh lah pruhe lasr ac topukyuck, kuh lasr in ahkkweye mwet kol lasr ac kapwack.
-
Kuht kuh in pruhe tuh mwet sramsram lasr in ahkinsewowoyeyuck ac kahsrweyuck ke elso oruh sramsram lalos. Ke kuht liye ma elos ahkkahlwemye, kuht ac kapwack ke luhlahlfongi lasr uh in ahkkweyaclos, ac muhtwacnglah.
-
Kuht kuh in lohng ke mwe fahk sin mwet sramsram ma tuhkuh muh mwe top nuh ke pruhe lasr uh. Ke top an ac tuhkuh an, suc ac tuhkuh, kuht ac kapwack ke luhlahlfongi lasr in ahkkweye mwet kuhlwacnsap luhn Leum.
Wi pac in ahkwoye ahkkweye nuh selos suc kuhlwacnsap ke alu uh kuht in luti lah ac oasr ma ac sikyak kapwack liki na ke kuh. Ke acn sacn, uh in use mwe insewowo yohk nuh sesr. Oasr ke lohm sesr ac sucu uh.
Nga sramsram nuh sin pristut fuhsr an suc muhta ke lohm sin pahpah tuhma an. Lwelah nga in fahk nuh sum ke puhlal luhk lah meac kalmac nuh sin pahpah se in puhla ahkkweye luhn lahlfongi lom an. Elac luhlahlfongi kom. Tuhsruhk el ac puhla ma upac yohk kom tiac etuh. Ke kuhtuh pacl el tiac kuhin liye ma upac met luhkwel.
Nuhnak lom nuh sel ac kahsrwel kuhtuh. Luhngse lom nuh sel ac kahsrwel yohk liki. Tuhsruhk ma se ac kahsruh yohk pa kahs kuhlwacng oacna inge: “Pahpah, nga pruhe keim, ac nga puhlah lah Leum elac kahsrwekom. Ma nuhkwewa ac fahlac wo. Nga etuh El ac oruh.”
Kahs kain se inge oacyacpac oasr kuh in kol, pahpah se nuh sin tuhlihk mukul se nahtuhl. Ke pacl se tuhlihk mukul se el orwaclah tahfonglac yohk se, sahp ke ma luhn nguhn, elac puhla muh el tiacna orwaclah. In ekihn pahpah se tuhmwacl, ke pacl sacn kom ac lut pac, tukun kom pruhe in etuh lah meac ac oruh, Nguhn Muhtahl ac sang kahs inge nuh inwaclum: “Wen , nga oasr yurum pacl ne tok, Leum El luhngse kowos yohk. Ke kahsruh Lal, kom kuh in orwaclah fohlohk. Nga etuh lah kom kuh ac kom ac oruh. Nga luhngse kom.”
Ke un pristut ac sucu, ahkyohkye luhlahlfongi in ahkkweye kais sie ke inkacnek se ma kuht muhsaheack Zion ma Leum el luhngse kuht in oruh. Ke kahsruh Lal, kuht kuh ac kuht ac oruh. Ac oruh lutlut in luhngse Leum ke insiacsr nohfohn, kuhiacsr, nuhnak, ac kuh ac in luhngse sie sin sie oacna kuht luhngse kuht.
Ke kuht kapwack in luhngse nwacsnwacs sin Kraist, insiacsr fihsrwacsruh. Luhngse sacn ac ahkpuhsisaclyekuht ac kol kuht in auliyak. Luhlahlfongi lasr in Leum ac sin sie ac kapwack. Ac kuht ac fahsr nuh met in sie, oacna Leum el olwelah muh kuht kuh.2
Nga fahkwack lah Pahpah Inkuhsrao el etuh ac luhngse kom. Jisus El pa Kraist moul. Pa inge Alu Lal. Kuht sruok pristut lal. El ac ahkfuhlwactye kampare lasr in yohkwelihk ke kuh lasr in kampare ac ahkkweye kais sie. Nga fahkwack luhlahlfongi ke inne muhtahl luhn Jisus Kraist, amen.