No Tene Miedu: Kere Solamente!
Kuminsá boso búskeda pa felisidat dor di ta grasediso pa e abundansia ku nos a risibí kaba for di e Dunadó di tur bon don.
Mi ta dirigí mi remarkenan awe na e hendenan hóben di Iglesia, ker men tur hende di edat di Presidente Russell M. Nelson òf mas yòn. Poko biaha mi sa uza imágennan, pero mi no por resistí pa kompartí esaki.
Esaki cri de coeu aki ta bin di mi amiga di seis aña Marin Arnold skirbí tempu e tabatin shete [aña]. Lo mi tradusí pa boso di su Egypcio reformá antiguo:
Kerido Obispu
konfrens general
tabata laf dikon
Nos tin ke
Hasié? bisa mi dikon
Sinsermente, Marin
Arnold.1
Wèl Marin, e diskurso ku mi ta bai duna kasi sigur lo desepshoná bo atrobe. Pero ora bo skirbi bo obispu pa keha, ta importante pa bo bisé ku mi nòmber ta “Kearon. Elder Patrick Kearon.”
Pa kasi dos aña un pandemia di proporshonnan bíbliko a yena nos planeta, i miéntras e plaga ei a pone un paro na kasi tur kos sosial, opviamente, e no a trese un paro na brutalidat, violensia, i agreshon polítikamente kruel—nashonalmente i internashonalmente. Manera ku no tabata sufisiente, ainda nos ta enfrentá desafionan sosial i kultural di durashon largu, ku ta bin for di privashon ekonómiko te profanashon ambiental, desigualdat rasial i mas.
Tempunan difísil i skur por desanimá e hóbennan entre nos, esnan na kual nos ta mira na dje pa optimismo i entusiasmo relashoná ku e futuro di nos bida. A wòrdu bisá ku “e poder di e hubentut ta e rikesa komun di e mundu. Esnan … hóben … ta e karanan di nos … futuro.”2 Mas ainda, nos yunan ta e ehekutivonan den kual su mannan e destino di e Iglesia aki lo wòrdu poné.
Mirando e tempu aktual ta komprendibel si e idealismo di e hóbennan ta disminuí un poko. Dr. Laurie Santos, un profesor na Universidat di Yale, resientemente a krea un klas titulá Sikologia i e Bon Bida. “E promé aña ku e klas a wòrdu ofresé, kasi [un kuart] di [henter] grupo di studiantenan ku no a gradua ainda a inskribí.”3 Mas di 64 mion hende a bishitá su podcast despues. Skirbi tokante e fenómeno aki, un periodista a nota kon doloroso ta pa mira asina tantu, studiante sabí hóben—i adultonan—ku desesperashon “ta buska algu ku nan a pèrdè” òf, pió ainda, anhelá pa algu ku nunka nan tabatin.4
Mi súplika awe nos hóbennan, i pa boso mayornan i adultonan ku ta konsehá nan, ta pa kuminsá boso búskeda pa felisidat dor di ta grasediso pa e abundansia ku nos a risibí kaba for di e dunadó di tur bon don.5 Na e momentu presis hopi den e mundu ta hasiendo preguntanan profundo di e alma, ku nos mester ta kontestando ku e “bon nobo”6 di e evangelio di JesuCristo. E Iglesia di JesuCristo di e Santunan di e Delaster dianan, kual ta mantené e posishon importante e mishon i mensahe di e Salbador di e mundu, ta ofresé e kaminda eterno signifikante pa haña tantu bon i hasi bon den un tempu asina importante.
Presidente Russell M. Nelson a bisa ku e generashon aki di hendenan yòn tin e kapasidat pa tin “mas impakto [pa bon] na e mundu ku kualke generashon anterior.”7 Nos, di tur hende, mester “kanta[ndo] e kansion di amor redentor,”8pero esei ta tuma disiplina—“disipulado,” si bo ke—e tipo ku ta kuida kontra di aktitutnan negativo i kustumbernan destruktivo ku lo saka nos for di tono ora e nos ta trata di kanta e kantika ei di salbashon eterno.
Hasta ora nos keda “na e banda di kaya ku solo,”9 nos ta kore topa ratu ratu ku e hende ei ku tin determinashon pa haña algu negativo tokante tur kos. Bo konosé e lema aki: “Semper ta mas skur djis promé ku bira pretu-pretu.” Esta un vishon maligno i esta un eksistensia miserabel! Si, tin bia nos por ke kore bai for di kaminda nos ta, pero sigur nunka nos no tin ku kore bai for di ken nos ta—yunan di e Dios bibu ku ta stima nos, Kende ta semper kla pa pordoná nos, i Kende nunka lo no bandoná nos. Boso ta Su posieshonnan di mas presioso. Bo ta Su yu, na ken El a duna profetanan i promesanan, donnan spiritual i revelashonnan, milagernan i mensahenan, i angelnan na kada banda di e velo.10
El a duna bo tambe un iglesia ku ta fortalesé famianan pa mortalidat i ta mara nan huntu pa eternidat. E ta proveé mas di 31,000 barionan i ramanan kaminda hende por reuní i kanta i yuna i hasi orashon pa otro i duna di nan medionan na e pobernan. Aki ta kaminda tur persona ta wòrdu nombrá, kontá, i ministrá i na unda amigunan i bisiñanan laiko boluntariamente ta sirbi otro den yamamentunan ku ta varia for di trabou atministrativo pa deber di kustodia. Adultonan hóben—i pareha mayor— ta sirbi míles di mishonnan for di nan mes saku sin por opiná unda nan ta bai traha, i miembronan hóben i di edat ta bai tèmpel pa efektuá ordenansanan nesesario pa uni e famia humano—un aktividat di kurashi den un mundu dividí pero un kual ta deklará ku tal divishon ta solamente temporal. Esakinan ta algun di e motibunan ku nos ta duna pa “e speransa ku ta den [nos].”11
Klaro, den e dia presente, asuntunan hopi difísil ta enfrentá kualke disípulo di JesuCristo. E lidernan di esaki, Su Iglesia, ta dunando nan bida pa buska guia di Señor den e resolushon di e desafionan aki. Si algun no ta solushoná na satisfakshon di tur hende, kisas nan ta konstituí parti di e krus Jesus a bisa nos lo tin ku tuma riba nos pa por sigui E.12 Ta eksaktamente pasó lo bai tin dianan skur i asuntunan difísil ku Dios a primintí ku E lo, bai nan dilanti den un pilá di nubia i un pilá di kandela den anochi, guia profetanan, duna un bara di heru, habri un porta smal ku ta hiba na un kaminda smal, i riba tur kos duna nos e poder pa terminá e mishon.13
P’esei por fabor, keda pa henter e fiesta hasta ora bo no ta sigur tokante e broccoli. Gosa den Su lus i duna boso bela pa e obra.14 Nan tin e korekto den Primaria: Jesus realmente ke “[ke pa bo] ta un rayo di solo.”15
Ora e lider hudiu Jairo a roga Jesus pa sana su yu muhé di 12 aña, ku tabata drumi muriendo na kas, e multitut ku rondó di dje a tene e Salbador okupá asina tantu tempu ku un kriá a bini lihé bisando e tata angustiá, “Bo yu muhé a muri: no molestiá e Maestro mas.”
“Pero ora Jesus a tende esaki, el a kontest’é bisando, No tene miedu: kere solamente, i bo yu lo kura.”16
I el a wòrdu saná. I asina bo tambe lo ta. “No tene miedu: kere solamente.”
Pasó kada un di boso den e ouditorio aki ta presioso pa Dios i pa Su Iglesia, i mi ta klousurá ku e deklarashon apostóliko spesial aki. Promé ku hasta bo a yega di risibí e don di e Spiritu Santu, boso tabatin e Lus di Cristo plantá den bo alma,17 e “lus ku ta den tur kos, … ta duna bida na tur kos,”18 i ta e influensia pa bon den e kurasonnan di tur hende ku a yega di biba òf lo biba. E lus ei a wòrdu duná pa protehá bo i siña bo. Un di e mensahenan sentral ta ku e don di mas presioso ku tur don, un don ta optené eternamente solamente pa medio di e Ekspiashon di Señor JesuCristo. Komo e Lus i Bida di e Mundu,19e Yu Unigénito di Dios a bini pa duna nos bida pa medio di konkistá morto.
Nos mester komprometé nos mes kompletamente na e don ei di bida i kore na yuda esnan ku ta na peliger di entregá e don sagrado aki. Lidernan, konseheronan, amigunan, famianan—paga tinu na e siñalnan di depreshon, desesperashon, òf kualke kos ku ta mustra ku un persona ke hasi daño na su mes. Ofresé bo yudansa. Skucha. Hasi un tipo di intervenshon si ta apropiá.
Na kualke di nos hóbennan pafó ku ta batayá, kualke sea bo preokupashon òf problema, morto dor di suisidio evidentemente no tae solushon. Esaki lo no aliviá e doló ku bo ta sinti òf ku bo ta pensa di ta kousando.E lo no aliviá e doló ku bo ta kere ku ya bo por ta kousando. Den un mundu ku yen di desesperashon tin mester di e tur e lus ku e por haña, por fabor no minimalisá e lus eterno ku Dios a pone den bo alma promé ku e mundu aki a eksistí. Papia ku un hende. Pidi yudansa. No destruí un bida ku Cristo a duna Su bida pa preservá. Bo por karga e batayanan di e bida mortal aki pasó nos lo yuda bo Skuch’É. Bo ta mas fuerte ku bo ta pensa. Yudansa ta disponibel, for di otronan i spesialmente di Dios. Bo ta stimá i balorá i mester di bo. Nos tin mester di boso! “No tene miedu: kere solamente.”
Un hende ku a enfrentá sirkunstansianan muchu mas desesperá ku hasta abo i ami a grita un biaha: “Sigui dilanti [mi kerido amigunan hóben]. Kurashi … ; i sigui, sigui pa e viktoria! Laga boso kurason regosihá, i sea ekstremadamente alegre.”20 Nos tin asina tantu pa ta kontentu. Nos tin otro, i nos tin E. No nenga nos e oportunidat pa por tin bo, mi ta roga den e sagrado i santu nòmber di e Señor JesuCristo, amèn