Pasó Dios a Stima Nos Asina Tantu
Dios a stima nos asina tantu ku El a manda Su Yu Unigénito—no pa kondená nos, pero pa salba nos.
“Pasó Dios a stima e mundu asina tantu ku El a duna su úniko Yu, pa tur esnan ku kere den djE no bai pèrdí, pero haña bida eterno.” (Juan 3:16). E promé biaha ku mi a ripará e versíkulo aki, mi no tabata na iglesia òf na un nochi di hogar. Mi tabata wak un evento deportivo na televishon. No ta importa kua di e kanalnan ku mi wak, i no ta importa kua wega e tabata, sikiera un persona a tene un bòrchi ku ta bisa “Juan 3:16
Mi a bin ta stima igualmente versiskulo 17: “Pasobra Dios no a manda Su Yu den mundu pa kondená mundu; pero pa salba mundu pa medio di DjE.”
Dios a manda JesuCristo, Su Yu Unigénito den e karni, pa duna Su bida pa kada un di nos. Esaki El a hasi pasobra E stima nos i a diseñá un plan pa kada un di nos por regresá kas serka DjE.
Pero esaki no ta plan bashí, di gara tur òf wak kua ta haña. E ta personal, prepará pa un Tata Selestial amoroso, ku konosé nos kurasonnan, nos nòmbernan, i loke E tin mester pa nos hasi. Dikon nos ta kere esei? Pasobra e skrituranan ta siña nos esei.
Moises vários biaha a skucha Tata Selestial bis’é palabranan “Moises, mi yu” (wak Moises 1:7, 40; wak tambe versííkulo 7, 40). Abraham a siña ku e ta un yu di Dios, skohé pa su mishon asta promé ku el a nase (wak Abraham 3:12, 23). Pa medio di e man di Dios, Ester a wòrdu poné den un posishon di influensia pa salba su pueblo (wak Ester 4. I Dios a konfia un hòmber hóben, un siervo, pa tèstifiká di un profeta bibu asina Naaman por wòrdu saná (wak 2 Reinan 5:1-15).
Ami spesialmente ta stima e bon hòmber ei, kòrtiku na estatura, ku a subi un palu pa wak Jesus. E Salbador tabata sa ku e ta einan, El a para, wak ariba den e takinan, i bisa e palabranan: “Zakeo, … baha for di einan” (Lukas 19:5). I nos no por lubidá e hóben di 14 aña ku a bai den e arboleda i siña kon personal e plan berdaderamente ta: “[José,] esaki ta Mi Yu Stimá. Skuch’É” (José Smith—Historia 1:17).
Rumannan, nos ta e enfoke di e plan di Tata Selestial i e rason pa e mishon di nos Salbador. Kada un di nos, individualmente, ta Nan obra i Nan gloria.
Pa ami, ningun buki di skritura ta ilustrá esaki mas klaramente ku mi estudio di e Tèstamènt Bieu. Kapítulo tras di kapítulo nos ta diskubrí ehèmpelnan di kon Tata Selestial i Yehova ta íntimamente enbolbí den nos bidanan.
Resientemente nos a bin ta studia tokante di José, e yu di Jakob. For di su hubentut, José tabata altamente faboresé dor di Señor, tòg el a eksperensiá hopi tribulashon na man di su rumannan. Dos siman pasá, hopi di nos a wòrdu toká pa kon José a pordoná su rumannan. Den Come, Follow Me [Bin, Sigui mi] nos ta lesa: “Den hopi manera, José su bida ta paralelo na esun di JesuCristo. Ounke nos pikánan a kous’É hopi sufrimentu, e Salbador a ofresé pordon, sakando nos tur for di un destino mas pió ku hamber. Si nos tin mester di risibí pordon òf dun’é —na un momento dado nos tur mester di ámbos—José su ehèmpel ta mustra nos na Señor, e berdadero fuente di sanashon i rekonsiliashon.”1
Un enseñansa ku mi gusta den e relato ta bin for di e ruman di José, Juda, ken a hunga un parti den Dios Su plan personal pa José. Ora José a wòrdu traishoná pa su rumannan, Juda a konvensé nan pa no kita José su bida pero bendé den sklabitut (wak Genesis 37:26–27).
Hopi aña despues, Juda i su rumannan tabata tin mester di hiba nan ruman menor, Benjamin, pa Egipto. Inisialmente nan tata a resistí. Pero Juda a hasi un promesa na Jakob—ku e lo trese Benjamin kas.
Na Egipto, Juda a wòrdu di tèst. E hóben Benjamin a wòrdu akusá falsamente di un krimen. Juda, kumpliendo ku su promesa, a ofresé pa wòrdu será na lugá di Benjamin. “Pasobra,” el a bisa, “kon mi por bai serka mi tata, i e mucha no ta ku mi?” (wak Génesis 44:33–34). Juda tabata determiná pa kumpli ku su promesa i hiba Benjamin bon bèk. Bo a yega di sinti pa otronan e manera ku Juda a sinti pa Benjamin?
No ta asina aki mayornan ta sinti pa nan yunan? Kon e misioneronan ta sinti pa e hendenan ku nan ta sirbi? Kon lidernan di Primaria i hóbennan ta sinti pa esnan ku nan ta siña i stima?
No ta importá ken bo ta òf bo sirkunstansianan aktual, tin un hende ku ta sinti eksaktamente asina aki pa bo. Tin un hende ku ke regresá serka Tata Selestial ku bo.
Mi ta agradesido pa esnan ku nunka a entrega pa ku nos, ku a kontinuá na drama nan alma den orashon pa nos, i ku a kontinuá na siña i yuda nos kualifiká pa regresá kas na nos Tata den Shelu.
Resientemente un amigu kerido a pasa 233 dia den hospital ku COVID-19. Durante e tempu ei, el a wòrdu bishitá dor di su tata, ku a fayesé kende a puntra pa entregá un mensahe na su ñetunan. Asta mas ayá di e velo, e bon tawela aki a deseá pa yuda su ñetunan regresá na nan hogar selestial.
Mas i mas, disípulonan di Cristo ta kordando riba e “Benjaminnan” den nan bida. Rònt mundu nan a skucha a yamada kla di Dios Su profeta bibu, Presidente Russell M. Nelson. Hombres Jovenes i Mujeres jovenes ta ta komprometé den Señor Su batayon. Individuonan i famianan por duna man den un spiritu di ministrá—amoroso, di kompartí, i invitá amigunan i bisiñanan pa bin na Cristo. Hóben i adulto ta kòrdando i luchando pa warda nan kombenionan—yena Dios su tèmpelnan, hañando nòmbernan di famianan ku a fayesé, i risibí ordenansanan pa nan.
Dikon Tata Selestial su plan personalisá pa nos ta inkluí yuda otronan regresá na dj’E? Pasobra esaki ta e manera ku nos por bisa manera JesuCristo. Finalmente, e relato di Juda i Benjamin ta siña nos tokante di e Salbador su sakrifisio pa nos. Pa medio di Su Ekspiashon, El a entregá Su bida pa trese nos kas. Juda su palabranan ta ekspresá e amor di e Salbador: “Kon mi por bai serka mi tata, i [abo] no ta huntu ku mi?” Komo kohedónan di Israel, eseinan por ta nos palabranan tambe.
E Tèstamènt Bieu ta yená ku milagernan di miserikòrdia tierno ta e marka prinsipal di Tata Selestial Su plan. Den 2 Reinan 4e frase “el a kai riba un dia” ta wòrdu usá tres bia pa enfatisá na mi ku eventonan importante ta sosodé di akuerdo ku Dios Su tempu, i ningun detaye ta muchu chikitu p’E.
Mi amigu nobo Paul ta tèstifiká di e bèrdat aki. Paul a krese den un hogar ku tabata abusadó tin biaha i semper intolerante pa ku religion. Miéntras e tabata asistiendo na skol den un base militar na Alemania, el a ripará dos ruman muhé ku tabata parse di tin un lus spiritual. Puntrando dikon nan tabata diferente a trese e kontesta ku nan ta pertenesé na E Iglesia di JesuCristo di e Santunan di Delaster Dianan.
Pronto Paul a kuminsá topa ku e misioneronan i a wòrdu invitá pa bai iglesia. E siguiente djadumingu, ora e tabata baha for di bus, el a ripará dos hòmber den kamisa blanku i dashi. El a puntra nan si nan tabata eldernan di e Iglesia. Nan a kontest’é si, asina ku Paul a sigui nan.
Durante di e servisio, un predikadó a mustra na e hendenan den e kongregashon i invitá nan pa tèstifiká. Na final di kada testimonio, un tokadó di drùm a toka un saludo i e kongregashon tabata grita, “Amèn.”
Ora e predikadó a mustra na Paul, el a lanta para i bisa, “Mi sa ku José Smith tabata un profeta i ku e Buki di Mormon ta bèrdat.” No tabatin ningun saludo di drum ni amèn. Paul eventualmente a realisá ku el a bai e iglesia robes. Pronto, Paul a haña su kaminda na e lugá korekto i a wòrdu boutisá.
Riba dia di Paul su boutismo, un miembro ku e no konosé a bis’é, “Bo a salba mi bida.” Algun siman promé, e hòmber aki a disidí di buska un otro iglesia i a asistí na e servisio ku drùm i amèn. Ora e hòmber a skucha Pablo duna su testimonio di José Smith i e Buki di Mormon, el a realisá ku Dios tabata konosé, rekonosé su luchanan, i ta tin un plan p’e. Pa nan dos Paul i e hòmber, “el a kai riba un dia,” bèrdat!
Nos tambe sa ku Tata Selestial tin un plan personal di felisidat pa kada un di nos. Pasobra Dios a manda Su Yu Amoroso pa nos, e milagernan ku nos mester lo “[kai] riba eksaktamente e dia” nesesario pa Su plan wòrdu kumplí.
Mi ta tèstifiká ku e aña aki nos por siña mas tokante di e plan di Dios pa nos den e Tèstamènt Bieu. E volúmen sagrado ei ta siña nos e ròl di profetanan den tempunan insigur i di Dios Su man den e mundu ku tabata konfuso i ku hopi kontenshon. E ta tambe tokante kreyentenan humilde ken fielmente ta wak dilanti na e binida di nos Salbador, meskos ku nos ta wak dilanti i prepará pa Su Segunda Binida—Su regreso glorioso, profetisá for di antaño.
Te e dia ei, nos no por wak, ku nos wowonan natural, e diseño di Dios pa tur aspekto di nos bida (wak Doctrina y Convenios 58:3. Pero nos por kòrda Nefi su kontesta ora el a enfrentá algu ku e no tabata komprondé; miéntras e no tabata sa e nifikashon di tur kos, e tabata sa ku Dios ta stima Su yunan (wak 1 Nefi 11:17).
Esaki ta mi testimonio e mainta bunita di Sabat aki. Ku nos por skibi den nos kurasonnan i permití e yena nos almanan ku pas, speransa i goso eterno; Dios a stima nos asina tantu ku El a manda Su Yu Unigénito—no pa kondená nos, pero pa salba nos. Den e nòmber di JesuCristo, amèn.