Kombershon Ta Nos Meta

Dor di Mark L. Pace

Presidente General di Eskuela Dominikal

No tin supstituto pa tempu ku bo ta pasa den eskritura, skuchando e Spiritu Santu papia direktamente ku bo

Pa un poko mas ku tres aña, nos ta riba un biahe huntu komo miembronan di Iglesia di Señor. Ta den òktober 2018 ora e Promé Presidensia i e Quorum di e Diesdos Apòstelnan a invitá nos pa siña di JesuCristo dpr di studia e skrituranan di un manera nobo i inspirá, ku e rekurso Come, Follow Mekomo nos guia.

Den kualkier biahe, ta bon pa tene un pousa den bes e kuando pa evaluá nos progreso i pa sigurá nos mes ku nos ta moviendo direkshon di nos meta.

Kombershon Ta Nos Meta

Konsiderá e deklarashon profundo aki di e introdukshon di Come, Follow Me:

“E propósito di tur e enseñansanan di evangelio ta pa profundisá nos kombershon na nos Tata Selestial i JesuCristo. …

“… E manera di siñamentu di Evangelio, ku ta fortalesé nos fe i ta hiba nos na e milager di kombershon no ta pasa mesora. E ta ekstendé mas leu ku den un klas i ta penetrá den nos kurason i hogar. E ta rekerí esfuerso diario i konstante, pa komprondé i biba e evangelio. Enseñansa di evangelio ku ta kondusí na un berdadero kombershonta rekerí e influensia di e Spiritu Santu.”¹

Esaki ta e milager ku nos ta buska—ora un persona tin un eksperensia ku skritura² i ku e eksperensia ei ta bendishoná pa medio di e influensia di e Spiritu Santu. Eksperensianan asina ta piedra di un fundeshi presioso pa nos kombershonpa ku e Salbador. I komo Presidente Russell M. Nelson resientemente a rekordá nos, fundeshi spiritual mester wòrdu fortifiká konstantemente.³ Un kombershonduradero ta un proseso di henter un bida.⁴ Kombershon ta nos meta.

Pa ta mas efektivo, bo eksperensia ku skritura mester ta di bo mes.⁵ Lesa 149f skucha un otro persona tokante su eksperensianan i su punto di bista por ta di yudansa, pero esei lo no trese e mesun poder di kombershon No tin supstituto pa tempu ku bo ta pasa den eskritura, skuchando e Spiritu Santu papia direktamente ku bo.

Kiko e Spiritu Santu ta siña mi?

Tur siman ora mi habri mi manual, Come, Follow Me mi ta skirbí e pregunta aki riba e parti ariba di e página: “Kiko e Spiritu Santu ta siña mi e siman aki miéntras mi ta lesa e kapítulonan?”

Ora ku mi ta studiando skritura, mi ta reflekshoná riba e pregunta kada bes. I sin falta, impreshonnan spiritual ta yega, i mi ta notanan den mi manual.

Awor, ta kon mi ta sa ki ora e Spiritu Santu ta siña mi? Awèl, generalmente e ta sosodé di un manera simpel i chikitu. Tin biaha, un parti di skritura ta bula for di e página i ta hala mi atenshon. Otro biaha, mi ta sinti ku mi mente ta wòrdu iluminá ku un komprenshon mas amplio di un prinsipio di evangelio. Mi ta sinti e influensia di e Spiritu Santu tambe ora ku mi esposa, Anne Marie, ku mi ta papia riba e lokual nos ta lesa. Su perspektiva semper ta evitá e Spiritu.

E Profeta i Pasku

E aña aki nos ta studia Tèstamènt Bieu—e sagrado skritura ku ta yena nos alma ku lus. Miéntras mi ta lesa e Tèstamènt Bieu, mi ta sinti ku mi ta pasando tempu ku guia di konfiansa: Adam, Enoch, Noah, Abraham, i muchu mas.

E siman aki, miéntras nos ta studiando Eksodo kapítulo 7–13, nos ta siña kon Señor a libra e yunan di Israel for di siglo di koutiverio den Egipto. Nos ta lesa di nuebe plaga—nuebe manifestashon impreshonante di Dios Su poder—ku Fárao a presensia sin su kurason suavisá.

E ora ei Señor a bisa Su profeta, Moises, tokante e di dies plaga—i kon kada famia den Israel por prepará pe. Komo parti di un ritual ku ta wòrdu yama Pasku, e Israelitanan mester a sakrifiká un lamchi sin mancha. Despues nan tin ku marka nan kozeinnan di porta di nan kas ku e sanger di e lamchi. Señor a primintí ku tur e kasnan ku ta marka ku e sanger lo wòrdu protehé for di e teribel plaga ku ta pa bini.

E skritura ta bisa: “Ku e yunan di Israel … a hasi manera Señorl … a manda Moises” (Eksodo 12:28). Tin algu masha poderoso den e simpel deklarashon di obedensha

Debí ku e yunan di Israel a siguí konseho di Moises i aktua den fe, nan a wòrdu librá for di e plaga i, ku tempu, librá for di koutiverio.

Awor, kiko e Spiritu Santu ta siña mi den e kapítulonan aki?

Aki ta algun pensamentu ku ta den mi mente:

Señor ta traha pa medio di Su profeta pa protehé i salba Su pueblo.
E fe i humildat pa siguí e profeta ehekutá e milager di protekshon i liberashon.
E sanger na e kozeinnan di e porta ta un señal eksterior di e fe interior den JesuCristo, e lamchi di Dios.

E Profeta i Señor ta Primintí.

Ami ta impreshoná ku e paralelo entre e forma ku Señor ta bendishoná Su pueblo den e relato di e Tèstamènt Bieu i e manera ku E ta bendishoná Su pueblo tambe awendia.

Ora e profeta bibiente di Señor, Presidente Nelson, a introdusí na nos Come, Follow Me{ komo un medio pa skudriñá skritura, e la invitá nos pa transformá nos hogar den un santuario di fe i un sentro di enseñansa di evangelio.

Despues e la primintí kuater bendishon spesífiko.

boso dianan di Sabat lo ta un enkanto.
boso yunan lo ta ansioso pa siña i pa bibá e enseñansa nan di e Salbador.
e influensia di e atversario den boso bida i den bo hogar lo alegá, i
e kambionan aki den boso famia lo ta drástiko i duradero.⁶

Awor, nos no tin niun diario di esnan ku a eksperensiá Pasku ku Moises den Egipto. Sin embargo, nos tin hopi testimonio di e santunan kende, ku e mesun fe, ta siguí e konseho di presidente Nelson awe i ta risibí bendishonnan primintí

Ata ki algun di e testimonionan:

Un mama di un famia yòn a bisa: “Nos ta papia di Cristo i gosa den Cristo den nos hogar. Pa mi esei ta e mihó bendishon—ku mi yunan por krese den e kombershon di evangelio aki den e hogar ku ta trese nan serka di e Salbador. ⁷

Un hermano mayor su estudio di eskritura dor di Come, Follow Me “un kanal yen di lus dibino ku ta yuda nos mira doktrina di evangelio ku ta nesesario pa nos bienestar spiritual.”⁸

Un esposa hóben a deskribí e bendishonnan di su matrimonio: “Mi tabata apto pai konos e kurason di mi esposo mas profundo, i mi tabata por a habri mi kurason mas p’e ora ku nos ta studia huntu.”⁹

Un mama di un famia grandi a notá kon su esfuerso pa siña su famia a kambia. El a menshoná: “Mirando bèk, tabata manera ku mi tabata toká un piano ku hanskun pa sneu bisti. Mi tabata siguí e movementunan, pero e músika no tabata korekto. Awor mi a kita e hanskunnan, i ounke e músika no ta perfekto, mi ta skucha e diferensia. Come, Follow Me a duna mi vishon, abilidat, focus, i propósito.”¹⁰

Un esposo hóben a bisa: “Mi prioridatnan mas importante na kas a bira mas kla for di ora ku mi hasi Come, Follow Me un parti regular di mi mainta. Skrudiñá a guia mi na pensa mas tokante e kosnan ku ta importante pa mi, manera e tèmpel, mi relashon ku mi esposa, i mi yamamentu. Mi ta gradisí ku mi hogar ta un santuario kaminda Dios ta na promé lugá.”¹¹

Un hermana a kompartí: “Mi eksperensiá diario ku Come, Follow Me no ta remarkabel, pero ku tempu mi por a mira dor di studia konstante i focus den eskritura kon mi a kambia. E tipo di estudio aki ta hasi mi humilde, e ta siña mi, i e ta kambia mi tikitiki.”¹²

Un eks mishonero a informá: “E programa Come, Follow Me a hisa mi nivel studia eskritura kasi manera mi tabata hasi den mi mishon, i mi por a desviá for di un lista di chèk mentalmente di estudio di skritura na seshonnan berdaderamente riku na konosementu di Dios.”¹³

Un hermano a bisa: “Mi ta sinti e Spiritu Santu ku ta wòrdu risibí mas den mi bida i mi ta sinti e guia di revelashon di Dios den desishonnan ku mi ta tuma. Mi tin kòmbersashonnan mas profundo riba e bunita i simpel di e doktrina di Cristo Su Ekspiashon.¹⁴

Un mucha di shete aña a kompartí: “Mi ta bai boutisa un bes aki,i Come, Follow Me ta prepará mi. Mi famia i ami ta papia tokante boutismo i mi no ta sinti mi nervioso pa mi boutisa awor aki. Come, Follow Me ta yuda e Spiritu Santu drenta mi kurason, i mi ta sinti kalor ora mi ta lesa skritura.”¹⁵

I despues finalmente, di un mama ku vários yu: “Ora nos ta studia e palabra di Dios, E ta yuda nos famia pasa riba e preokupashonnan di poder; di prueba i desafio di libertat; for di pleitu i kritiká pa stima i pas; i for di influensia di e atversario pa ku e influensia di Dios.”¹⁶

Esakinan i hopi otro seguidornan fiel di Cristo simbólikamente a pone e sanger di lamchi di Dios riba e entrada di nan hogarnan. Nan ta demostrando nan kompromiso interior di siguí e Salbador. Bo fe ta presedé e milager. Ta e milager di un persona tin un eksperensia den eskritura i ta e eksperensia ei ta bendishon pa e influensianan di e Spiritu Santu.

Ora nos ta studia skritura, no tin hamber spiritual den e tera. Manera Nefi a bisa, “I Mi a bisa na nan…ken ku skucha e palabra di Dios, i gara duru na dje, nan lo no bai pèrdí; tampoko e tentashonnan i e flecha nan ardiente di e atversario lo dominá nan den seguridat, i guia nan den distrukshon” (1 Nefi 15:24).

Den antigwedat, ora e yunan di Israel a siguí Señor su direkshon duna pa medio di e profeta Moises, nan a wòrdu bendishoná ku seguridat i libertat. Awendia, ora nos siguí e direkshon Señor duna pa medio di nos profeta bibiente, Presidente Nelson, nos ta igualmente bendishoná ku kombershon den nos kurason i protekshon den nos hogarnan.

Mi ta testifiká ku Jesus ta biba. E Iglesia aki, restorá na tera pa medio di e Profeta José Smith. Presidente Russell M. Nelson ta e profeta bibiente awendia. Mi ta sostené i stim’é. Den e nòmber di JesuCristo, amèn.