E Tèmpel i Bo Fundeshi Spiritual

Dor di Presidente Russell M. Nelson

Presidente di E Iglesia di JesuCristu di e Santunan di e Delaster Dianan

Ki ora ku kualke konvulshon sosodé den boso bida, e lugá mas sigur pa ta spiritualmenteta bibando padendi bo konvenionan di tèmpel!

Mi kerido rumannan, mi ta gradisí di por ta ku boso den e mainta aki i kompartí e sentimentunan di mi kurason.

Manera boso sa, nos ta hasiendo renobashonnan grandi den e Tèmpel historiko di Lago Salado. E proyekto kompleho aki ta inklui refuerso grandi i e fundeshi original, ku a bin ta sirbi bon pa mas ku un siglo. Pero e tèmpel aki mester tei pa hopi mas tempu. Na final di Mei, mi a inspekshoná e progreso di e proyekto enorme aki. Mi a pensa ku lo bo apresiá di wak loke mi kasá ku mi a wak. Mi ta pensa ku lo bo mira dikon e himno “Que Firmes Cimientos”¹a bin na tin un nifikado nobo pa nosi.

2:4

Video di e bista di e renovashon di e Tèmpel di Salt Lake: “Nos ta mirando e fundeshi original di Tèmpel di Salt Lake:. Mi ta pará den e area bou di loke tabata Kuarto di Hardin. Miéntras mi ta eksaminá e obra di konstrukshon di e edifisio kompletu, mi ta maraviá na loke e pioneronan a logra. Mi ta totalmente den asombro ora mi konsiderá ku nan a konstruí e tèmpel magnifiko aki ku solamente hèrmènt i teknikanan disponibel na nan mas ku un siglo pasá.

“Hopi dekadánan despies, sinembargo, si nos eksaminá e fundeshi mas di aserka, nos por mira e efektonan di eroshon, buraku den e obra di piedra original, i varios etapa di stabilidat den e konstrukshon.

“Awor ora mi ta testigu di loke ingenieronan moderno, arkitektonan, i ekspertonan di konstrukshon por hasi pa reforsá e fundeshi original aki, mi ta totalmente asombra. Nan obra ta impresionante!

“E fundeshi di kualke edifisio, partikularmente uno di e grandura di esaki, mester ta fuerte i resiliente sufisiente pa resistí temblor, koroshon, bientunan fuerte, i e movishon inevitabel di e tera ku ta afekta tur edifisio. E tarea kompleho di fortalesé ku awor ta na kaminda lo reinforsá e tèmpel sagrado ku e fundeshi ku ta i lo wanta e tèst di tempu.”

Nos no ta spar ningun esfuerso pa duna e tèmpel venerá aki, ku a bira mas i mas vulnerabel, un fundeshi ku lo por soporta e forsanan di naturalesa bayendo den Milenio. Na e mesun manera, ta awor tempu pa kada un di nos implementá medidanan ekstraordinario—kisas medidanan ku nos no a yega di tuma nunka—pa fortalesé nos fundeshi spiritual personal. Tempunan impresendente ta yama pa medidanan impresedente.

Mi kerido rumannan, esakinan ta e lastu dianan. Si abo i ami ke por soportá e peligernan i preshonnan ku ta na kaminda, ta imperativo pa kada un di nos tin un fundeshi spiritual firme konstrui riba e baranka di nos Redentor, JesuCristu.²

E ora ei, mi ta puntra kada un di boso, “kon firme bo fundeshi ta? I ki refuersonan na bo testimonio i bo entendimentu di e evangelio ta nesesario?”

E tèmpel ta na e sentro di fortalesé nos fé i nos fortalisa spiritual pasobra e Salbador di Su doktrina ta na e kurason di e tèmpel. Tur kos ku wòrdu siñá na nos den e tèmpel, pa medio di instrukshon i pa medio di e Espiritu, ta alsa nos entendimenti di JesuCristu. Su ordenansanan esensial ta uni nos na DjE pa medio di e kombenionan sagrado di e saserdosio. E ora ei, miéntras nos ta warda su kombenionan, E ta investí nos ku Su poder di sanashon i fortalesa.³ I oh, kon nos lo bai tin mester di Su poder den e dianan ku ta bini.

Nos a wòrdu primintí ku “si [nos] ta prepará [nos] lo no tin miedu.”⁴ E siguransa aki in implikashon profundo awendia. Señor a deklará ku maske e desafionan impresedente di awendia, esnan ku konstrui nan fundeshi riba JesuCristo, i a siña kon pa depende di Su poder, no mester sukumbi na e ansiedatnan uniko di e era aki.

Ordenansanan i konvenionan di tèmpel ta antiguo. Señor a instrui Adam i Eva pa hasi orashon, hasi konvenio, i ofresé sakrifisio.⁵ En bèrdat, “kada bia ku Señor ta tin su pueblo na tera ku ta obedesé Su palabra, nan a wòrdu mandá pa konstrui tèmpelnan.”⁶ E obranan kanoniko ta repleto ku referensianan di enseñansan di tèmpel, bestidura, lenguahe, i mas.⁷Tur kos nos ta kere i kada promesa ku Dios a hasi na Su pueblo di kombenio ta bin huntu den e tèmpel. Den kada epoka, e tèmpel a suprayá e bèrdat presioso ku esnan ku hasi konvenio ku Dios i warda esakinan ta yunan di e konvenio.

Kermen, den e kas di Señor, nos por hasi e mesun kombenio ku Dios ku Abraham, Isaak, i Jacob a hasi. I nos por risibí e mesun bendishonnan!

Tèmpelnan a bin ta parti di e dispensashonaki for di e promé dianan.⁸ Elias a entregá e yabinan di e outoridat pa seya na José Smith den e Tèmpel di Kirtland. E plenitut di e saserdosio a wòrdu restorá den e Tèmpel di Nauvoo.⁹

Te na su martirio, José Smith a sigui risibí revelashon ku a kontinua e restorashon di e ordenansanan di investidura i seyamentu.¹⁰ E la rekonosé, sinembargo, ku mas refinamentu tabata nesesario. Despues di a atministrá e investidura na Brigham Young na Mei 1842, José a bisa Brigham, “Esaki no ta regla bon, pero nos a hasi tur loke nos por a hasi bou di e sirkumstansianan den kua nos a wòrdu poné, i mi ta desea pa bo tuma e asuntu aki den bo man i traha un sistema di tur e seremonianan aki.”¹¹

Despues di e morto di e Profeta, Presidente Young a supervisá e kabamentu di e Tèmpel di Nauvoo¹² i despues a konstrui tèmpelnan den e Teritorio di Utah. Na e dedikashon di e pisonan abou di e Tèmpel di St. George, Brigham Young ku hopi animo a deklará e urgensia di e obra vikario di tèmpel ora e la bisa, “Ora mi pensa riba e topiko aki, mi ke pa e lenganan di shete bos zona pa lanta e hendenan for di soño.”¹³

For di e tempu ei, ordenansanan di tèmpel a wòrdu rafinám gradualmente. Presidente Harold B. Lee a splika dikon proseduranan, polisia, i asta e atministrashon di e ordenansanan di tèmpel ta kontinuá ta kambia den e Iglesia restorá di e Salbador. Presidente Lee a bisa: “E prinsipionan di e Evangelio di JesuCristu ta divino. Ningun hende ta kambia e prinsipionan i [doktrinanan] di e Iglesia eksepto Señor pa medio di revelashon. Pero e métodonan ta kambia ora e guia inspirá ta bin na esnan ku ta presidí na e momentu ei.”¹⁴

Konsiderá kon e atministrashon di e sakramento a kambia durante e añanan. Den komienso, e awa di e sakramento tabata wòrdu ofresé na e kongregashon den un resipiente grandi. Tur tabata bebe for di dje. Awor nos ta usa kopa individual ku bo por benta afo. E prosedura a kambia, pero e konvenio a keda mesun kos.

Skudriñá e tres bèrdatnan aki:

E Restorashon ta un proseso, no un evento, i lo kontinuá te ora Señor bin atrobe.
E ophetivo final di rekohimentu di Israel¹⁵ta pa trese e bendishonnan di e tèmpel na Dios Su yunan fiel.
Mientras nos ta buska pa kumpli ku eophetivo ei mas efektivo, Señor ta revelá mas konosimentu. E Restorashon kontinuo mester di revelashon kontinuo.

E Promé Presidensia i e Quorum di Diesdos Apòstel hopi bia a puntra si tin maneranan mihó pa hiba e bendishonnan di e tèmpelnan na Su yunan fiel. Nos ta buska guia regularmente kon pa sigurá presishon mundial i konsistensia den e instrukshon di tèmpel, konvenionan, i ordenansanan a pesar di e diferensianan den idioma i kultura.

Bou di e direkshon di Señor i kontesta nan nos orashonnan, ahuste di prosedura a wòrdu hasí resientemente. E ta Esun ku ke pa bo komprondé ku gran klaridat eksaktamente pa kiko bo ta hasiendo kombenio. E ta Esun ku ke pa bo eksperensiá mas kompletu Su ordenansa sagrado. E ke pa bo komprondé bo privilegionan, promesanan, i responsabilidatnan. E ke pa bo tin vishon spiritual i konosimentu ku nunka bo ta tin promé. Esaki E ta deseá pa tur partisipante den tèmpel, sin importá unda nan ta biba.

Ahustenan aktual den e prosedura di tèmpel, i otronan ku lo sigui, ta evidensianan kontinuo ku Señor ta aktivamente dirigí Su Iglesia. E ta preveé oportunidatnan na kada un di nos pa reforsa nos fundeshi spiritual mas efektivamente dor di sentra nos bida riba DjE i riba e ordenansanan i konvenionan di Su Tèmpel. Ora bo trese bo rekomendashon di tèmpel, un kurason kontrito, i un mente buskando na Señor su kas di enseñansa, E lo siña bo.

Si distansia, desafionan di salú, òf otro limitashonnan prohibí bo asistensia na tèmpel pa kualke rason, mi ta invitá bo pa pone un tempu regular pa ensaya den bo mente e konvenionan ku bo a hasi.

Si ainda bo no stima pa asistí e tèmpel, bai mas bia—no menos. Laga Señor, pa medio di Su Espiritu, siña i inspirá bo einan. Mi ta primintí ku despues di tempu, e tèmpel lo bira un lugá di siguridat, solas, i revelashon.

Si tabata posibel pa mi por papia un pa un ku kada hoben adulto, lo mi roga ku boso pa buska un kompañero ku kua bo por seya den tèmpel. Lo bo ta puntra kua diferensia esaki lo hasi den bo bida. Mi ta primintí bo ku e lo hasi tur e diferensia! Si bo kasa den tèmpel i regresá frekuentemente, lo bo wòrdu fortalesé i guiá den bo desishonnan.

Si mi por papia ku kada kasa ku ainda no a wòrdy seyá den tèmpel, mi ta roga na b oso pa tuma e pasonan nesesario pa risibí e ordenansa mas importante i ku ta kambia bida.¹⁶ Kiko lo hasi e diferensia? Solamente si boso ke progresá pa semper i ta huntu pa semper. Deseando di ta huntu pa semper lo no laga esaki sosodé. Ningun otro seremonia òf kontrakt lo hasi esaki.¹⁷

Si mi por papia ku kada hòmber of muhé ku ta deseá matrimonio pero ku ainda no a haña nan kompañero [òf kompañer] eterno, mi ta urgi boso pa no warda te ora di matrimonio pa ta investi den e kas di Señor. Kuminsá awó pa siña i eksperensiá kiko ta nifika pa ta armá ku e poder di saserdosio.

I na kada un di boso ku a hasi konvenionan di tèmpel, mi ta roga boso pa buska—den orashon i konsistentemente—pa komprondé e konvenionan i ordenansanan di tèmpel. Portanan spiritual lo habri. Lo bo siña kon pa parti e velo entre shelu i tera, kon pa puntra Dios su angelnan pa asistí bo, i kon pa risibí direkshon for di shelu mihó. Bo esfuersonan diligente pa hasi asina lo reforsa i fortalesé bo fundeshi spiritual.

Mi kerido rumannan, ora renobashon di e Tèmpel di Lago Salado ta kompletá, lo no tin ningun lugá mas sigur durante un temblor den e Vaye di Lago Salado ku e parti interior di e tèmpel ei.

Meskos, ki ora ku kualke konvulshon sosodé den boso bida, e lugá mas sigur pa ta spiritualmente ta bibando paden di bo konvenionan di tèmpel!

Por fabor kere mi ora mi bisa ku ora bo fundeshi spiritual ta konstruí solido riba JesuCristo, bo no tin nodi di tin miedu. Ora bo ta fiel na bo kombenionan hasí den tèmpel, lo bo wòrdu fortalesé pa medio di Su poder. E ora ei, ora temblornan spiritual sosodé, lo bo por para fuerte pasobra bo fundeshi spiritual ta solido i no por move.

Mi stima boso, mi kerido rumannan. E bèrdatnan aki mi sa: Dios, nos Tata Selestial, ke pa boso skohé pa bin kas serka DjE. Su plan di progreso eterno no ta kompliká, i e ta honra nos albedrio. Bo ta liber pa skohé ken lo bo ta—i ku ken bo ke ta—den e mundu benidero!

Dios ta biba! Jesus ta e Cristu! Esaki ta Su Iglesia, restorá ku ta yuda bo kumpli ku bo destino divino. Mi ta testifiká asina den e nòmber sagrado di JesuCristu, amèn.