Profundisando Nos Kombershon den JesuCristu
E skritura i nos konosementu di Dios ta donnan—donnan ku nos demasiado biaha nos no ta balorá. Laga nos atesorá e bendishonnan aki.
Masha danki, Elder Nielson, pa bo bunita mensahe. Nos tabatin mester di esei.
Mi kerido rumannan, Presidente Russell M. Nelson a siña nos resientemente: “Pa hasi algu ta rekerí esfuerso. Bira un disípulo berdadero di JesuCristu no ta eksepshon. Oumentá boso fé i konfiansa den Dj’E ta rekerí esfuerso.” Entre e rekomendashonnan ku el a duna pa alsa nos fé den JesuCcristu ta pa bira studiantenan komprometé, pa nos sumergí nos mes den e skrituranan pa komprondé miho Cristu su mishon i ministerio. (Wak “Christ Is Risen; Faith in Him Will Move Mountains,” LiahonaMay 2021.)
Nos ta siña den e Buki di Mormon ku e skrituranan tabata un parti importante di e famia di Lehi—asina tantu ku Nefi i su rumannan a regresá na Yerusalèn pa optené e palnchanan di bròns (wak 1 Nef 3–4).
E skrituranan ta revelá Dios Su boluntat pa nos, mesun kos ku e Liahona a hasi pa Nefi i su tata. Ora el a kibra su arko, Nefi mester a sa na unda e tin ku bai pa optené alimento. Su tata, Lehi, a wak den e Liahona i mira e kosnan ku ta tin skibi. Nefi a mira ku e anguanan tabata funshoná di akuerdo ku e fé, diligensia, i atenshon duná na nan. Tambe el a mira eskritonan ku tabata fasil pa lesa i ku a dun’e entendimentu tokante e kaminda di e Señor. El a bira konsiente ku Señor ta kumpli ku kosnan grandi dor di medionan chikí. E tabata obediente tokante e direkshon duná pa medio di e Liahona. El a bai riba un seru i optené alimento pa su famia, ku a sufri asina tantu pa falta di esaki (wak 1 Nefi 16:23–30 (Wak 1 Nefi 16:23–31.)
Ta parse n’ami ku Nefi tabata un studiante dediká di e skrituranan. Nos ta lesa ku Nefi tabata deleitá den e skrituranan, meditá riba nan den su kurason, i skibi nan pa enseñansa i probecho di su yunan (wak 2 Nefi 4:15–16).
Presidente Russell M. Nelson a bisa:
“Si boso pusha dilanti, alimentando boso ku e palabra di Cristu, i perseverá te na fin, ata ki, asina e Tata ta bisa: [nos] lo tin bida eterno” (2 Nefi 31:20
“Deleitá ta nifiká mas ku djis purba. Deleitá ta nifiká saboriá. Nos ta saboria e skrituranan dor di studianan den unspiritu di diskubrimentu enkantador i obediensia fiel. Ora nos ta deleitá den e palabranan di Cristu, nan ta grabá ‘den e tablanan di karni di e kurason.’ [2 KSorintionan 3:3]. Nan ta bira un part integral di nos naturalesa” (“Living by Scriptural Guidance,” LiahonaJan. 2001).
Kiko Ta Algun di e Kosnan Ku Nos Lo Hasi si Nos Alma ta Deleitá den e sSkrituranan?
Nos deseo di ta parti di e rekohimentu di Israel na ambos banda di e velo lo krese. Lo ta normal i natural pa nos pa invitá nos famia i amistatnan pa skucha e misioneronan. Nos lo ta digno, i nos lo tin un rekomendashon di tèmpel aktual p’asina por bai tèmpel mas tantu ku ta posibel. Nos lo traha pa haña, prepará, i entregá nòmbernan di nos antepasadonan na e tèmpel. Nos lo warda e Sabat fielmente, asistiendo na iglesia kada djadumingu pa renobá nos kombenionan ku Señor miéntras nos ta partisipá den tuma e Santa Sena. Nos lo keda riba e kaminda di kombenio, bibando pa medio di kada palabra ku ta sali for di e boka di Dios (wak Doctrina y Convenios 84:44).
Kiko E ta Nifiká p’abo pa deleitá den e kosnan di Señor?
Deleitando den e skrituranan ta mas ku tin hamber i set pa konosimentu. Nefi a eksperensiá gran goso durante su bida. Sinembargo, el a enfrentá difikultanan i tristesa (wak 2 Nefi 4:12–13). “Sinembargo”, el a bisa, “mi sa den ken mi akonfia” (2 Nefi 4:19). Miéntras nos ta studia e skritutanan, nos lo komprondé mihó Dios sSu plan di salbashon i eksaltashon, i nos lo konfia den e promesanan ku El a hasi na nos den e skrituranan, meskos ku den e promesanan i bendishonnan di profetanan moderno.
Un atardi, mi kasá i ami a wòrdu invitá na kas di un amigu. Nan yu hòmber di shete aña, David, nunka a skucha e historia di beibel di David i Goliat, i e ke a skuché. Méentras mi a kuminsá konta e historia, el a wòrdu konmové pa e manera ku David, ku su fe i den e nòmber di Dios di Israel, a heridá i mata e Filisteo ku un chincha, sin tin un spada den su man (wak 1 Samuel 17).
Mirando n’ami ku wowonan grandi i skur, el a puntra firme, “Ken ta Dios?” Mi a splika na dje ku Dios ta nos Tata Selestial i ku nos ta siña tokante di dj’E den e skrituranan.
E ora e la puntra mi, “Kiko ta e skrituranan?” Mi a bis’e ku e skrituranan ta e palabranan di Dios i ku den nan e lo haña historianan bunita ku por yud’ pa konosé Dios mihó. Mi a puntra su mama pa usa e Beibel ku e ta tin den su hogar i pa no laga David bai drumi sin lesa e historia kompletu tokante di dj’e. E tabata enkantá miéntras e tabata skuchando. E skritura i nos konosementu di Dios ta donnan—donnan ku nos demasiado biaha nos no ta balorá. Laga nos atesorá e bendishonnan aki.
Miéntras sirbiendo mishon komo un hòmber hóben, mi a opservá ku e enseñansa ku huntu ku e skrituranan, e bida di hopi hende a wòrdu transformá. Mi a bira konsiente di e poder den nan i kon nan por kambia nos bida. Kada persona na kua nos a siña e evangelio restourá tabata un individuo úniko ku nesesidatnan diferente. E skrituranan santu—si, e profesianan skirbí dor di profetanan santu—a hiba nan na un fe den Señor i na arepentimentu i kambio di nan kurason.
E skrituranan a yena nan ku goso miéntras nan tabata risibí inspirashon, direkshon, konsuelo, fortalesa, i kontesta na nan nesesidatnan. Hopi di nan a disidí di hasi kambionan den nan bida i kuminsa warda e mandamentunan di Dios.
Nefi a enkurashá nos pa deleitá den e palabranan di Cristu, pasobra e palabranan di Cristu ta bisa nos tur kos ku nos mester hasi (wak 2 Nephi 32:3).
Mi ta invitá boso pa por tin un plan permanente pa studia e skrituranan. Bini Sigui Mi ta un gran fuente ku nos tin pa siña i studia e evangelio, profundisando nos kombershon den JesuCristu, i yudando nos pa bira manera E. Ora nos studia e evangelio, nos no ta simplemente buskando informashon nobo, mas bien, nos ta buskando pa bira un “kriatura nobo” (wak 2 Korintionan 5:17
E Spiritu Santu ta guia nos na e bèrdat i ta tèstifiká na nos di e bèrdat (wak Juan 16:13). E ta iluminá nos mente, renobá nos entendimentu, i toka nos kurasonnan pa medio di Dios Su revelashon, e fuente di tur bèrdat. E Spiritu Santu ta purifiká nos kurason. E ta inspirá den nos un deseo pa biba di akuerdo ku e bèrdat i susurá na nos maneranan pa hasi esaki. “E Spiritu Santu lo siña nos tur kos” (Juan 14:26
Papiando di e palabranan ku El revelá na Profeta José Smith, nos Salbador a bisa:
“Estas palabras no son de hombres, ni de hombre, sino mías; …
“Porque es mi voz la que os las declara; porque os son dadas por mi Espíritu … ;
“Por tanto, podéis testificar que habéis oído mi voz y que conocéis mis palabras” (Doktrina i Konvenio 18:34–36).
Nos mester buska e kompania di e Spiritu Santu. E meta aki lo goberná nos desishonnan i guia nos pensamentu i akshonnan. Nos mester buska tur kos ku ta invitá e influensia di e Spiritu i rechasá loke sea ku ta desvia for di e influensha aki.
Mi ta tèstifiká ku JesuCristu ta e Yu stimá di nos Tata Selestial. Mi stima mi Salbador. MI ta gradesido pa Su skrituranan i pa Su profetanan bibiente. Presidente Nelson ta Su profeta. Den e nòmber di JesuCristu, amèn.