Kòrda Riba Bo Santunan ku ta Sufri, O nos Dios

Pa Elder Anthony D. Perkins

Di e Setenta

Wardando e kombenionan ta kita e lòk di e poder di e sakrifisio di ekspiashon di JesuCristu pa proveé forsa i asta goso na abo ku ta sufri.

E plan di felisidat di Nos Tata Selestial ta inkluí un eksperensia mortal kaminda tur Su yunan lo wòrdu di tèst i enfrentá pruebanan.¹ Sinko aña pasá mi a wòrdu diagnostiká ku kanser. Mi a sinti i te ainda ta sintiendo e doló físiko di e operashonnan, tratamentunan di radiashon i e efektonan sekundario di remedi. Mi a eksperensiá luchanan emoshonal durante fuerte anochinan sin por drumi. Statistiknan médiko ta indiká ku probablemente lo mi laga inmortalidat mas tempran ku mi ta spera, lagando atras, pa un temporada, un famia ku ta nifiká tur kos pa mi.

No ta importá unda bo ta biba, sufrimentu físiko òf mental di diferente pruebanan i debilidatnan mortal tabata, ta òf lo bira parti di bo bida un dia.

Sufrimentu físiko por ta resultado di behes natural, malesanam inesperá, aksidentenan kasual, hamber, desamparo; òf abusu, aktonan di violensia i guera.

Sufrimentu emoshonal por bini di ansiedat i depreshon; e traishon di un kasá; mayor òf un lider ku bo ta konfia; trabou òf revershon finansiero; inhustamente husgá pa otro; e eskoho di amigunan, muchanan òf otro miembronan di famia; abusu den diferente forma; soñonan di kas a òf haña yunan ku no a wòrdu kumplí; malesa severo òf morto tempran di ser kerínan; òf asina tantu otro fuentenan.

Kon bo por posiblemente soportá e sufrimentu úniko i ku tin biaha e ta hasi bo debil i ku ta yega serka kada un di nos?

Afortunadamente, speransa a wòrdu hañá den e evangelio di JesuCristu i speransa por ta parti di bo bida tambe. Awe mi ta kompartí kuater prinsipio di speransa saká for di skritura, enseñansanan profétiko, hopi bishitanan ministrante i e kurso di mi propio prueba di salú. E prinsipionan aki no ta solamente pa aplikashon general pero pofundamente personal tambe.

Promé, sufrimentu no ta nifiká ku Dios no ta kontentu ku bo bida. Dos mil aña pasá, e disípulonan di Jesus a mira un hòmber siegu na tèmpel i a puntra, “Rabi, piká di ken a kousa ku e hòmber ei a nase siegu; di dje mes òf di su mayornan?”

Ta parse ku Su disípulonan ta kere inkorektamente, manera hopi hende di awendia, ku tur difikultat i sufrimentu den bida ta resultado di piká. Pero Señor a kontestá, “No ta su mes piká ni piká di su mayornan a pon’é nase siegu, ma e ta siegu pa hende por mira poder di Dios traha den dje.”²

E obra di Dios ta pa trese pa nos inmortalidat i bida eterno.³, Pero kon pruebanan i sufrimentu por—espesialmente sufrimentu imponé pa uso pikaminoso di alberio di otro personanan⁴—al final avansá obra di Dios?

Señor a bisa Su pueblo di kombenio, “M’a refiná bo… ; IMi a skohe bo den e fòrnu di aflikshon.” ⁵ Kualke sea e kousa di bo sufrimentu, Bo amoroso Tata Selestial por dirigí nan pa refiná bo alma.⁶ Almanan refiná por soportá karganan di otro ku berdadero empatia i kompashon.⁷ Almanan refiná ku ta bini “ for di tribulashonnan grandi ” ta prepará pa biba alegremente den presensia di Dios pa semper, i “Dios lo seka tur lágrima for di nan wowo.”⁸

Di dos, Tata Selestial ta intimamente konsiente di bo sufrimentu. Mientras meimei di pruebanan, eróneamente nos por pensa ku Dios ta hopi leu i indeferente pa nos doló. Asta e Profeta José Smith a ekspresá e sintementu aki na un punto di su bida. Ora e tabata será den e prison di Liberty miéntras miles di Santunan di Delaster dianan tabata saká for di nan kas, José Smith a buska komprendementu pa medio di orashon: “Oh Dios, ¿en dónde estás? “¿Y dónde está el pabellón que cubre tu morada oculta? El a kaba ku su supliká: “Acuérdate de tus santos que sufren, oh Dios nuestro.”⁹

Señor Su kontesta ta duna seguransa atrobe na José i tur ku ta sufri:

“Mi yu, pas sea ku bo alma; bo atversidat i bo aflikshonnan lo ta pa un momentu breve;

“I e ora ei, si abo persever’é bon, Dios lo eksaltá bo den altura.”¹⁰

Hopi santunan ku ta sufri a kompartí ku mi kon nan a sinti Dios su amor durante nan pruebanan. Mi ta kòrda manera ta ayera mi propio eksperensia na dado momentu den mi lucha kontra e kanser ora e dòkteran no a dianostiká ainda e kousa di algun doló severo. Mi a sinta ku mi kasá, tratando di ofresé un bendishon pa nos almuerso. Ma, tur loke mi por a hasi tabata simplemente yora, “Tata Selestial, yuda mi por fabor. Mi ta hopi malu.” Pa e sigiuiente binti pa trinta sekonde, mi a wordu rondoná pa Su amor. No a duna mi niun rason pa mi enfermedat, niun indikashon di e resultado final, i niun alivio pa e doló. Simplemente mi a sinti Su amor puru, i esei tabata i ta sufisiente.

Mi ta tèstifiká ku Nos Tata Selestial, ku sa hasta ora un simpel para chikí kai, ta konsiente di bo sufrimentu.¹¹

Di tres, JesuCristu a ofresé Su poder habilitador pa yuda bo haña e forsa pa soportá bo sufrimentu bon. E poder habilitador ta posibel dor di Su Ekspiashon.¹² Mi tin miedu ku demasiado miembro di Iglesia ta pensa si nan ta djis un tiki mas fuerte, nan por pasa dor di kualke sufrimente riba nan mes. Esaki ta un manera duru pa biba. Bo momentu di forsa temporal nunka no por wòrdu kompará ku e suministro infinito di energia pa fortifiká bo alma.¹³

E Buki di Mormon ta siña ku JesuCristu lo “tuma riba Dje” nos dolónan, malesanan, infermedatnan asina E por sokoré nos.¹⁴ Kon bo por probechá di e poder ku JesuCristu ta ofresé pa sokoré bo i fortalesé bo den tempunan di sufrimentu? E yabi ta mara bo mes na e Salbador wardando e kombenionan ku bo a hasi kun‘E. Nos ta hasi e kombenionan aki ora nos risibí e ordenansanan di saserdosio.¹⁵

E pueblo di Alma e drenta den e kombenio di boutismo. Despues na a sufri den koutiverio i a wòrdu prohibí pa adorá pubklikamente òf hasi orashon na bos haltu. Asina mes nan a warda nan kombenionan mihó ku nan tabata por dor di grita den silensio den nan kurason. Komo resultado, poder divino a bini. “Señor a duna nan forsa pa nan por a soportá nan karganan fásilmente.”¹⁶

Awendia, Señor ta invitá, “Wak na Mi den tur pensamentu, no duda, no tene miedu.”¹⁷ Ora nos warda nos kombenio sakramental di kòrd‘E semper, E ta primintí nos ku Su Spiritu lo ta huntu ku nos. E Spiritu ta duna nos forsa pa soportá pruebanan i hasi loke posiblemente nos no por hasi riba nos mes. E Spiritu por sana nos, aunke manera Presidente James E. Faust a deklará, “Algun di e sanashonnan lo tuma lugá den otro mundu.”¹⁸

Tambe nos ta bendishoná ku kombenionan i ordenansanan di tèmpel, kaminda “E poder di divinidat ta manifestá.”¹⁹ Mi a bishitá un señora ku a pèrdè un yu muhé hòben den un aksidente teribel i depues su kasá di kanser. Mi a puntra kon e por a soportá un perdidá i sufrimentu asina. El a kontestá ku forsa a bini di e garantianan spiritual di un famia eterno, risibí durante un adorashon regular den tèmpel. Manera a primintí, e ordenansanan di e kas di Señor a arm‘e ku poder di Dios.²⁰

Di Kuater, skohe pa haña goso tur dia. Esunnan ku ta sufri kada bia ta sinti ku e anochi ta sigui i sigui, i e lus di dia nunka no ta bini. Ta OK pa yora.²¹ Aunke, si bo haña bo mes den nochinan skur di sufrimentu, skohiendo fe bo por lanta den un mainta briyante i di goso.

Por ehèmpel mi a bishitá un mama hóben ku tabata wòrdu trata pa kanser, sonriendo mahestosamente den su stul apesar di doló i e falta di kabei. Mi a konosé un pareha di edat mediano alegremente sirbiendo komo lidernan di hubentut aunke nan no por a konsibí un yu. Mi a sinta ku un hende muhé kerí—un wela hóben, mama, i kasá— ku lo fayesé den un par di dia, pero meimei di lagrimanan tabatin harimentu i rekuerdonan ye goso.

E Santunan ku ta sufri ta duna bida na ehèmpel ku Presidente Russell M. Nelson a siña:

“E felisidat ku nos ta sinti tin poko di ber ku e sirkunstansianan di nos bida i tur kos di aber ku e enfoke di nos bida.

Ora e enfoke di nos bida ta riba Dios Su plan di salbashon … i JesuCristu i Su evangelio, nos por sinti e alegria sin importá loke ta pasando—òf no ta pasando—den nos bida.”²³

Mi por tèstifiká²⁴ ku nos Tata Selestial ta kòrda Su Santunan ku ta sufri. E stima bo i E ta intimamente konsiente di bo. Nos Salbador sa kon bo ta sinti. “Sigur El a soportá nos penanan, i karga nos dolornan.”²⁵ Mi sa—komo un benifisario diario²⁶—ku wardando kombenionan ta habri e lòk di e poder di e sakrifisio di ekspiashon di JesuCristu pa proveé forsa i hasta goso pa esunnan ku ta sufri.

Pa tur ku ta sufri , Mi ta pidi den orashon, “Laga Dios konsedé boso ku boso karga lo bira lihé pa medio di e goso di Su Yu. “²⁷ Den e nòmber di JesuCristu, amèn.