Dios Su Amor: E Mayor Goso pa e Alma
Dios Su amor no ta wòrdu hañá den sirkunstanshanandi nos bida, pero den Su presensiaden nos bida.
Rumannan, boso sa kuantu Dios, nos Tata Selestial, stima boso? Bo a yega di sinti Su amor profundo den bo alma?
Ora ku bo sa i ta komprondé kon stimá bo ta komo un yu di Dios, e ta kambia tur kos. E ta kambia e manera ku bo ta sinti di bo mes ora ku bo kometé erornan. E ta kambia bo manera di sinti ora ku kosnan difísil pasa. E ta kambia bo manera di mira e mandamentunan di Dios. E ta kambia bo manera di mira otronan, i di bo kapasidat pa hasi diferensia.
Elder Jeffrey R. Holland a siña: “E promé gran mandamentu di tur eternidat ta pa stima Dios ku tur nos kurason, alma, mente, i forsa—esei ta e promé gran mandamentu. Pero e promé gran bèrdat di hinter eternidat ta ku Dios ta stima nosku tur Sukurason, alma, mente, i forsa.”1
Kon kada un di nos por sa e gran bèrdat di eternidat aki den profundidat di nos alma?
E profeta Nefi a mira den un vishon e evidensia mas poderoso di Dios Su amor. Ora ku el a wak e palu di bida, Nefi a puntra pa sa e interpretashon di esaki. Komo kontesta, un angel a mustra Nefi un siudat, un mama, i un baby. Segun Nefi tabata wak e siudat di Nazaret i e mama rekto Maria, kargando su baby Jesus den su brasanan, e angel a deklará,“Ata aki e Yu di Dios, si, aki e Lamchi di Dios, si, e Yu di e Tata Eterno!”2
Na e momentu sagrado ei, Nefi a komprondé ku den e nasementu di e Salbador, Dios tabata mustrando Su amor puru i kompletu. Nefi a testifiká ku e amor di Dios“ta drama su mes den e kurason di e yunan di hende.”3
Nos por imaginá e amor di Dios manera un lus saliendo for di e palu di bida, dramando su mes riba hinter e mundu den e kurason di e yunan di hende. Dios su lus i amor ta penetrá den tur Su kreashonnan.4
Tin biaha nos ta kometé e eror di pensa ku nos por sinti Dios Su amor solamente despues ku nos a sigui e bara di heru i a partisipá di e fruta. Sinembargo, Dios Su amor no solamente ta wòrdu risibí dor di esnan ku bin na e palu pero ta e poder mes ta motivá nos pa buska e palu ei.
“P’esei e ta mas deseá riba tur kos, ”Nefi a siña, i e angel a sklama, “Si, i e mas gososo na e alma.”5
20 aña pasá, un miembro di famia stima a distansia for di Iglesia. E tabatin hopi pregunta sin kontesta. Su kasá, un hende konvertí, a keda fiel na su kreensia. Nan a traha duru pa mantené nan matrimonio den e diferensianan ku a surgi.
Aña pasá el a skibi tres pregunta tokante e Iglesia ku tabata difísil pa e por a rekonsiliá i a mand’é pa dos pareha ku tabata amigunan pa varios aña. El a invitá nan pa reflekshoná riba e preguntanan aki i bin almuerso pa kompartí nan pensamentunan.
Despues di e bishita aki ku amigunan, el a bai su kamber i a kuminsa traha riba un proyekto. E kombersashon di anochi i e amor ku su amigunan a demostrá na e a bin dilanti den su mente. El a skibi despues ku e tabata obligá na stòp su trabou, “ El a bisa: “un lus briyante a yena mi alma. … Mi tabata konosí ku e sintimentu profundo di iluminashon aki, pero den e kaso aki el a sigui krese mas fuerte ku nunka ántes i a dura algun minüt. Mi a sinta ketu ku e sintimentu, kual mi a bin komprondé komo un manifestashon di Dios su amor pa mi. … Mi a sinti un impreshon spiritual ku a bisa mi ku mi por a bai Iglesia bèk i ekspresá e amor di Dios aki den loke mi ta hasi ei nan.”
Despues el a keda asombrá tokante su preguntanan. E sintimentu ku el a risibí tabata ku Dios a honra su preguntanan i ku no tin kontesta kla no mester a stòp e di sigui move pa dilanti.6 E lo mester kompartí e amor di Dios miéntras e ta sigui meditá. Ora ku el a aktua ku e impreshon ei, el a sinti un parentesko ku Jose Smith, ken a komentá despues di su Promé Vishon, “Mi alma a wòrdu yená ku amor, i pa hopi dia mi por a regosihá ku gran goso.”7
Remarkabelmente, un par di luna despues, e miembro di famia aki a haña e mesun yamamentu ku e tabatin 20 aña pasá. E promé bes ku el a haña e yamamentu, el a kumpli ku su responsabilidatnan komo un miembro obediente di Iglesia. Awor e pregunta pa e no tabata “Kon ami por kumpli ku e yamamentu aki?” pero “Kon mi por mustra Dios su amor pa medio di mi servisio?” Ku e enfoke nobo aki, el a sinti goso, signifikativo, i propósito den tur aspekto di su yamamentu.
Rumannan, kons nos por risibí e poder di transformashon di e amor di Dios? E profeta Mormon ta invitá nos pa “resa na e Tata ku tur e energia di kurason, pa boso por ta yen di e amor aki, ku el a duna na tur esnan ku ta siguidornan fiel di su Yu, JesuCristu ”8 Mormon ta invitando nos pa no solamente pa hasi orashon pa nos por sinti e amor di Dios pa otronan pero hasi orashon pa nos por sa di Dios su amor puru pa nos mes.9
Ora nos ta risibí Su amor, nos ta hañan gran goso den esforsá pa stima i sirbi manera E a hasi, birando “bèrdadero siguidónan di Su Yu, JesuCristu.”10
Dios Su amor no ta wòrdu hañá den sirkunstanshanan di nos bida, pero den Su presensia den nos bida. Nos sa di Su amor ora nos risibí fortalesa mas ayá ku di nos mes i ora Su Espiritu ta trese pas, konsuelo i guia. Tin bia e por ta difisil pa sinti Su amor. Nos por hasi orashon pa por habri nos wowonan pa mira Su man den nos bida i pa mira Su amor den e bunitesa di Su kreashon.
Ora nos skudriñá riba e Salbador su bida i Su sakrifisio infinito, nos por kuminsá komprondé Su amor pa nos. Reverentemente nos ta kanta e palabranan di Eliza R. Snow: “Su sanger presioso e la duna libremente; Su bida e la duna libremente.”11 Su humildat den sufrimentu pa nos ta destilá riba nos alma, habriendo nos kurason pa buska pordon di E i yena nos ku un deseo pa biba manera El a hasi.12
Presidente Russell M. Nelson a skirbi, “Mas nos komprometé pa hasi nos bida manera E, mas puru i divino nos amor lo bira. ”13
Nos yu a relatá: “Tempu mi tabatin 11 aña, mi amigunan i ami a disidí di skonde pa nos maestro i pa falta e promé parti di nos klas di Primaria. Ora por fin ku nos a yega, e maestro a saludá nos kalurosamente. Despues el a ofresé un orashon di kurason durante kual el a ekspresá gratitut sinsero na Señor ku nos a disidí na bin e lès e dia ei di nos propio boluntat Mi no por kòrda di kiko e lès tabata ni sikiera nos maestro su nòmber, pero awor, un 30 aña despues, te ainda mi ta konmové dor di e amor puru ku el a demostrá na mi e dia ei.”
Sinku aña pasá, mi a opservá un ehèmpel di amor divino miéntras mi a asistí na Primaria den un bario na Rusia. Mi a mira un hermana fiel hinka rudia dilanti dos mucha hòmber i tèstifiká na nan ku asta si nan tabata e úniko dos nan bibu riba mundu, Jesus lo a sufri i muri djis pa nan.
Mi ta tèstifiká ku nos Señor i Salbador a muri di bèrdat pa nos tur i kada un di nos. E tabata un ekspreshon di Su amor infinito pa nos i pa Su Tata.
“Yo se que vive mi Señor. Ki konsuelo a frase bunita aki ta duna! … E ta biba pa bendishoná [nos] ku Su amor.”14
Ku nos por habri nos kurason pa risibí e amor puru ku Dios tin pa nos despues hinka Su amor den tur lo ke nos hasi i ta. Den e nòmber sagrado di JesuCristu, amèn.