Resa Ku E Lo Usa Nos

Pa Sharon Eubank

Promé Konsehero den e Presidensia General di Sosiedat di Sokoro

Esfuerso chikí kolektivamente ta hasi un gran impakto, magnidikando e e hopi kosnan ku nos ta hasi individualmente komo disípu;onan di JesuCristu.

E kuki trahá ku mansa di filo i nechi di pistacho aki ta un muestra di agradesimentu. El a wòrdu trahá dor di famia Kadado ku, pa dékadanan, tabata doño di tres panaderia na Damasko, Siria. Na momentu ku guera a kuminsá, un blokeo a impedí kuminda i reserva di yega na e parti di nan suidat. E Kadado nan a kuminsá sufri di hamber. Na e altura di e situashon di desesperashon aki, Santunan di e Delaster dianan i algun trahadó yen di kurashi di Rahma Mundialmente a kuminsá sirbi kuminda kayente tur dia, ku lechi pa e muchanan chikitu. Despues di un tempu difísil, e famia a kuminsá nan bida—komo tambe nan panaderia—un biaha mas den un pais nobo.

Resientemente, un kaha di kuki a yega na e Ofisinanan di Iglesia ku e siguiente mensahe “Pa mas ku dos luna, nos a logr di haña kuminda di e Rahma–Santunan di e Delaster Dianan su [Charities] kushina Sin esaki nos [lo] a muri di hamber. Por fabor aseptá esaki … smuestra di mi tienda komo un muestra chikitu di agradesimentu. Mi ta pidi Dios e Todopoderoso pa bendishoná bo … n tur kos ku bo ta hasi.”¹

Un kuki di agradesimentu i rekuerdo. E ta destiná pa bo. Na tur esnan ku ta hasi orashon despues di wak un historia na notisia, na tur esnan ku tabata boluntario na un momentu ku no tabata kumbiniente òf ku di un manera amabel a hasi donashon di sèn na e fondo humanitario konfiando ku e lo ta pa algu bon—danki.

Responsabilidat Dibino pa Kuida e Pobernan

E Iglesia di JesuCristu tin e mandato dibino di kuida e pobernan.² E ta un di e pilánan di e obra pa salbashon i eksaltashon.³ LOke tabata bèrdat dene e tempu di Alma tambe ta bèrdat den di nos: “Kermen den nan sirkunstansianan próspero, nan no a kore ku ningun ku tabata sunú, òf tabatin hamber, òf tabatin set, òf tabata malu, òf ku no a wòrdu alimentá; i nan no a pone nan kurason riba rikesanan; p’esei nan tabata generoso ku tur hende, tantu bieu komo yòn, tantu mará komo liber, tantu hòmber komo muhé, sea nan tabata pafó di Iglesia òf den Iglesia, sin hasi distinshon di persona pa loke ta trata esnan den nesesidat.”⁴

E Iglesia ta asumí e kargo aki den un variedat amplio, inkluyendo:

E manera ku nos ta ministrá pa medio di Sosiedat di Sokoro, Quorumnan di Saserdosio, i klasnan.
Yunamentu i e uso di ofrendanan di ayuno;
Kunukunan di bienestar i fábrika di konserba.
Sentronan di bonbiní pa migrantenan.
Yudansa pa esnan den prisòn;
Esfuersonan humanitario di Iglesia;
I e app di JustServe, kaminda e disponibel, ku ta konektá e boluntarionan ku oportunidatnan di servisio.

Esakinan tur ta maneranan, organisá pa medio di e saserdosio, kaminda esfuersonan chikitu kolektivamente ta hasi un impakto grandi, maginifikando hopi di e kosnan individual ku nos ta hasi komo disípulonan di JesuCristu.

Profetanan tin e mayordomia pa Hinter Mundu.

Profetanan tin e responsabilidat pa hinter e mundu, no solamente pa e miembronan di Iglesia. Mi por raportá for di mi propio eksperensia kon personal i dediká e Promé Presidensia ta asumí e responsabilidat aki. Segun ku nesesidatnan ta krese, e Promé Presidensia a enkargá nos pa oumentá nos yudansanan humanitario den un manera signifikativo. Nan ta interesá den tendensia nan grandi i e detayenan chikitu.

Resientemente, nos a trese pa nan algun di e trahenan médiko ku ta duna protekshon, ku Beehive Clothing a kose pa hospitalnan pa usa durante e pandemia. Komo médiko, Presidente Russell M. Nelson tabata hopi interesá. E no tabata kier a wak e solamente. E tabata kier a purb’é—wak e manshètnan i e largura i e manera ku e ta sera den lomba. El a bisa nos despues, ku emoshon den su bos, “Ora boso topa hende durante di bo tareanan, yama nan danki pa nan ayuno, nan ofrenda, i nan ministerio den e nòmber di Señor.”

Reporte Humanitario

Bou di direkshon di Presidente Nelson, mi ta reportá bek na boso tokante kon E Iglesia di JesuCristu di E Santunan Di Delaster Dianan ta respondé na orkannan, temblornan, desplasamentu di refugiado—i asta un pandemia—danki na e amabilidat di e Santunan di Delaster Dianan i hopi amigunan. Ounke mas ku 1,500 proyekto di COVID-19 tabata sin duda e enfoke mas grandi di e yudansa di Iglesia durante e último 18 lunanan, Iglesia a respondé tambe na 933 desaster natural i krísis di refugiado den 108 pais. Pero statistiknan no ta konta e historia kompletu. Laga mi kompartí kuater ehèmpelnan kòrtiku pa ilustrá e mas mínimo manera di loke ta wòrdu hasi.

Ayudo di COVID pa Sùit Afrika

Dieke Mphuti di dieseis aña, for di Welkom, Sùit Afrika, a pèrdè su mayornan añanan pasa, lagando e ku tres ruman mas chikí pa kuida riba su mes. Semper e tabata un angustia pa e haña sufisiente kuminda, pero Covid su abastamentu i skarsedat di suministro di Covid i karentena a hasié kasi imposibel. Hopi bes nan tabata pasa hamber, tratando di sobrebí ku solamente generosidat di bisiñanan.

Riba un dia ku hopi solo den ougùstùs 2020, Dieke a wòrdu sorprendí ku batimentu na su porta. El a habrié i a haña dos deskonosí—unu [tabata] un representante di Iglesia for di e ofisina di Área na Johannesburg i e otro un ofisial di Sùit Afrika di Departamentu di Desaroyonan Sosial.

E dos organisashonnan a uni pa hiba kuminda na e kasnan di famia ku riesgo. Alivio a poderá di Dieka ora ku el a mira e monton di hariña di maishi i otro artikulonan esensial di alimentonan, kumprá ku fondonan humanitario di Iglesia. Esaki lo a yud’é mantené su famia durante vários siman te ora ku un pakete di yudansa di gobièrnu por kuminsá tin efekto pa e.

E historia di Dieke ta un di e míles di eksperensianan ku a tuma lugá rònt mundu durante e pandemia di Covid danki na boso kontribushonnan konsagrá.

Ayudo Afgano na Ramstein

Nos tur por a mra resientemente imágennan den notisia:—míles di evakuadonan prosedente di Afganistan. Hopi di nan ta yega na e basenan aéreo òf otro lugánan temporal na Qatar, Merka, Alemania, i Spaña promé ku nan sigui pa nan destinashonnan final. Nan nesesidatnan ta urgente, i Iglesia a yuda ku suministro i boluntarionan. Na e Base di Forsa Aéreo di Ramstein na Alemania, Iglesia a proveé donashonnan grandi di bruki,formula pa beibi, kuminda i sapatu.

Hende muhékosiendo pa refugiadónan di Afganistan

Algun di e hermananan di Sosiedat di Sokoro a tuma nota ku hopi di e muhénan Afgano tabata usa shirt di nan kasá pa tapa nan kabes pasó nan kos di tapa kabes tradishonal a kita den tur e agitashon na aeropuerto di Kabul. Den e akto di amistat ku ta krusa tur frontera nan religioso i kultural, e hermananan di e Bario di Ramstein a bini huntu pa kose pañanan tradishonal Musulman pa muhénan di Afganistan. Hermana Bethani Halls a bisa, “Nos a tende ku e muhénan ta den nesesidat di pañanan ku nan ta usa pa orashon, i nos ta kosiendo pa asina nan por ta [konfortabel] pa orashon ”⁵

Yudansa pa teremoto na Haiti

E siguiente ehèmpel ta mustra ku bo no mester ta riku òf bieu pa ta un instrumento pa bon. Marie “Djadjou” Jacques di diesocho aña ta di e Bario di Cavaillon na Haiti. Ora e temblor destruktivo a dal banda di su suidat den òugùstùs, e kas di su famia ta unu di e dies mil i piku edifisionan ku a basha abou. E ta kasi imposibel pa imaginá e desesperashon di pèrdè bo kas. Pero na lugá di keda pegá den e desesperashon, Djadjou—un manera inkreibel—a duna ayudo.

El a mira un bisiña di edat luchando i a kuminsá kuid’é. E tabata yuda otronan kita ruina. Apesar di su kansansio, el a bai huntu ku otro miembronan di Iglesia pa repartí kuminda i paketenan di higiena na otronan. Djadjou su historia ta djis un di e hopi ehèmpelnan poderoso di servisio hasi pa medio di e hubentut i hóbennan adulto ora ku nan ta lucha pa sigui e ehèmpel di JesuCristu.

Ayudo pa inundashon na Alemania

Algun siman promé ku e temblor, un otro grupo di hóben adulto tabata duna servisio kasi similar na e otro banda di Atlántiko. E inundashon ku den yüli a inundá e parti west di Europa tabata esun di mas severo den dékadanan.

Ora ku e awanan porfin a bai, un komersiante den suidat Ahrweiler banda di e riu, na Alemania, a kontrolá e daño i a keda kompletamente asombrá. E hòmber humilde aki, un Katóliko deboto, a susurá un orashon na Dios pa manda un hende bin yud’é. E siguiente mainta, Presidente Dan Hammon di e Mishon di Frankfurt Alemania a yega den e kaya ku un grupo chikitu di mishoneronan bisti na e vèstnan gel di Mannan ku ta Yuda. E awa a yega te ku 10 pia (3 m) na e murayanan di e komersiante, lagando atras un lag diki di lodo. E boluntarionan a saka e lodo afó, kita e tapeit i gipsplaat, i a pone tur kos riba kaya pa tira afó. E komersiante a traha yen di alegria huntu ku nan durante oranan, asombrá ku Señor a manda un grupo di Su sirbidónan pa respondé su orashon —i den 24 ora!⁶

“Wèl, mi ta Roga Ku E lo usa nos”

Papiando di e esfuersonan humanitario di Iglesia,Elder Jeffrey R. Holland un besa remarká: “Orashonnan ta wòrdu kontestá … mayoria bes … dor di Dios usando otro hende. Wèl, mi ta roga ku E lo usa nos Mi ta roga pa nos tur por ta e kontesta pa hendenan su orashonnan”⁷

Rumannan, pa medio di nos ministerio, donashonnan, tempu, i amor, boso tabata e kontesta pa asina tantu orashonnan. Sinembargo tin hopi mas pa hasi. Komo miembronan di Iglesia, nos ta bou di kombenio pa kuida esnan den nesesidat. Nos esfuersonan individual no nesesariamente ta rekerí sèn òf lokalidatnan leu⁸ nan ta rekerí e guia di e Spiritu Santu i un kurason dispuesto pa bisa Señor: “Ata mi aki, manda ami.”⁹

E Aña Akseptabel di Señor

Lukas 4ta registrá ku Jesus a yega Nazaret, kaminda El a wòrdu kriá, i a lanta para den e snoa pa lesa. Esaki tabata serka di e komienso di Su ministerio mortal, i El a sita un pasashi for di e buki di Isaias:

“E Spiritu di Señor ta riba mi, pasobra el a ungi mi pa prediká e evangelio na e pobernan; El a manda mi pa sana esnan ku kurason kibrá, pa prediká liberashon na esnan prezu, i duna bista bèk na esnan siegu, pa pone den libertat esnan ku ta heridá,

“Pa prediká e aña akseptabel di Señor. …

“…E dia aki e skritura aki ta kumpli den boso oreanan.”¹⁰

Mi ta tèstifiká ku e skrituranan ta wòrdu kumplí den nos propio tempu. Mi ta tèstifiká ku JesuCristu a bini pa sana esnan ku kurason kibrá. Su evangelio ta pa duna bista bèk na e siegu. Su Iglesia mester prediká liberashon na e prezu, i Su disípulonan den hinter mundu ta luchando pa pone den libertat esnan ku ta heridá.

Laga mi konkluí ripitiendo e pregunta ku Jesus a hasi Su Apòstel Simon Pedro: “Bo stima mi?”¹¹ E esensia di e evangelio ta kontené kon nos ta respondé e kontesta pa nos mes i “alimentá [Su] karnénan.”¹² Ku gran reverensia i amor pa JesuCristu nos Maestro, mi ta invitá kada un di nos pa ta parti di Su ministerio magnífiko, i mi tin ta resa ku El lo usa nos.” Den e nòmber sagrado di JesuCristu, amèn.