Video: “Boso ta e Hende Muhénan ku El a Premirá”
Na 1979 Presidente Spencer W. Kimball tabata den hospital i a puntra su kasa, Camilla, pa lesa e diskurso den un reunion general di hende muhé.
Hermana Camilla Kimball: “Hopi di e gran kresementu ku ta biniendo Iglesia den e delaster dianan lo bini dor di hopi hende muhénan bon di mundu (den kua hopi biaha tin un sentido spirital interno) na kantidat grandi lo wòrdu atraé na Iglesia. Esaki lo pasa den e grado ku e hende muhénan di Iglesia ta reflehá rektitut i elokuensia den nan bida i tambe den e grado ku e hende muhénan di Iglesia lo wòrdu apresiá komo distinto i diferente---di manera felis---for di e hende muhénan di mundu.”1
Presidente Russell M. Nelson: Mi rumannan stimá, boso ta nos sosionan vital durante e delaster episodio aki, e dia ku Presidente Kimball a premirá ta awe. Boso ta e hende muhénan ku el a premirá! Boso virtut, lus, amor, konosementu kurashi, karakter, fe i bida hustu lo atraé bon hende muhénan di mundu, huntu ku nan famianan, na Iglesia ku kantidat inigualá!
“Nos … mester di boso forsa, boso kombershon, boso konvikshon, boso abilidat pa guia, boso sabiduria i boso bòsnan. E reino di Dios no ta i no por ta kompletu sin e hende muhé ku ta hasi kombenionan sagrado i mantené nan, hende muhé ku por ekspresá nan mes ku e poder i outoridat di Dios! …
“… Kual sea boso yamamentu, kual sea boso sirkunstansianan, nos mester di boso impreshonnan, boso komprenshon i boso inspirashon. Nos mester pa boso ekspresá i papia den reunionnan di bario i staka. Nos mester pa kada un hermana kasá [por] ekspresákomo ‘un kompañero [ku ta] kontribuí i kompletu [igual]’ ora abo uni ku bo kasá pa goberná bo famia. Kasá òf soltero, hermananan, boso ta poseé kapasidatnan distinto i un intuishon speshal ku boso a risibí komo regalonan di Dios. Nos hermanonan no por dupliká e influensia úniko ku boso tin.
“Nos sa ku e kulminashon di henter kreashon tabata e kreashon di hende muhé! Nos mester di boso forsa! …
“… Mi ta gradisí boso, mi kerido rumannan, i mi ta bendishoná boso pa logra boso potensial kompleto,di boso kreashon, na momento ku nos ta kana man den man den e obra sagrado aki. Huntu nos por yuda prepará e mundu pa e Segundo Binida di Señor.”2