Te Kaeka Bon Iesu
E ngae ngke e korakora te kanganga ma te kamangaongao, ko na riai n uringa bwa te kaeka e bebete; bon Iesu n taai nako.
E kimwarerei nanou n taetae nakoimi nte maungatabu aio. N te bong aei ao I taetae nakoimi bwa raoraou. N ana Euangkerio Ioane, Ao E reirei Te Tia Kamaiu bwa ngaira raoraona ngkana ti karaoi baike E tuangira.1
Bon ara tangira ibon iroura ao ni bootaki ibukin ara Tia Kamaiu, ao ara berita ma Ngaia, ae ikotira n tabemanira nako. Ngke e reirei Beretitenti Eyring: “Nakoim I kan kaota ana tangira ae korakora ao ana onimaki te Uea ibukim. Ao, riki, I kan kaotia ae E korakoran mwiokoam irouna.”2
Ngke I weteaki bwa te Mataniwi ni Kabuta iroun Beretitenti Nelson, a roko namakin aika a bati irou. E rota te nano. Ngai ma Julie ti tiku n tataniga te tetere ni bwakantaain te Kaonobong n te maungatabu ni kabuta ma te ingainga. I nano rinano ni katabuakiu. I karaurau ni waerake ao tara kawaiu nakon au kaitekateka bwa naki bwaka riki n moan katabeau aio.
N tokin te maungatabu anne, e korakora mwin te mwakuri nakoiu are i noria ni karaoaki. Kain te kooram a katei rain ni butimwaira Mataniwi ni Kabuta aika boou temanna imwin temanna. Ni kaota aia tangira ao boutoka. Ma nanoia abrazo a taku, “tai raraoma—aio am tabo.”
N ara reitaki ma te Tia Kamaiu, E tara te nano ao E bon “aki nanonano n tarakin aroia aomata.”3 Tara aron rineaia Ana Abotoro. E aki tara teia ao kaubwaia. E kaoira bwa tina iria, ao I kakoaua bwa e katuruturua nakoira ae bon nera rarikina.
The marooro aio e boboto riki nakoia kairake n te Ekaretia. I nora inanomi te bwai are e noria President Nelson iroumi. E taku bwa “Iai te bwai ae e aki kona ni katibanakoaki ae e okoro irouia te roro n rikirake”. E bon bae ni korakora onimakinami iroun Tamami are I Karawa, ngaia are e karuoi ngkami nakon te aonaba n bong aikai. E korakora am konabwai!”4
I karabwarabwa ibukin bwai ake I reiakini n au tai n kairake. I karabwararabwa ibukin bwaai ake I reiakini mai irouia natiu, bwai ake a reiakinai mitinare, ao ake a reiakinai ai natiu aine ma mwane.
N te taai ae eaki maan n nako, ao I mwakuri n ara onaroka ma ai natiu temwaane ae Nash. Onoua ana ririki ao e rang itiaki nanona. E mamate nanou iroun ai natiu ae Nash, ao I taku bwa bon ngai naba ai tamana ae bane nanona irou.
Ngke e buokai ma ana iango n ara mwakuri, ao I taku nakoina “Nash, a rang tikiraoi am iango aikane. Ko kanga n rang wanawana?” E taraai ma tein matana are e na kangai, “Uncle Ryan, ko kanga n aki ata reken te titiraki anne?”
E kakui angan baina, e wiingare ao e taku ma te nanomatoa, “Iesu”
E kauringai Nash n te bong arei te reirei ae e uarereke ma e kakanoa. Te kaeka nakon te titiraki ae bebete ao te kabanea ni kangaga bon ti tetebo. Te kaeka bon Iesu Kristo. A bane n reke reeke Irouna.
N ana Euangkerio Ioane, E taku te Tia Kamaiu nakoia ana reirei bwa e na katauraoa te tabo ibukiia. E titiraki Tooma nakon te Tia Kamaiu ma te nanon n titiraki:
“Te Uea, tiaki ata te tabo are kona nako iai; tina kanga n ata kawaira?
“E taku Iesu,Boni Ngai te kawai, ao te koaua, ao te maiu: akea ane nako n te Tama, bwa ti i Rou.”5
E reireia Ana ana reirei bwa Ngaia “te kawai, te koaua, ao te maeu.” Ngaia kaekaan taian titiraki are kona kanga n nakon Tamam arei Karawa. Karekean te koaua iaon Mwiokoana ae mairoun te Atua ianon maura bon te bwai ae I reiakina n au tai n rikirake.
Ngke I karaoa au beku bwa te mitinare i Argentina, E kaoira Beretitenti Howard W. Hunter ni karaoa te mwakuri ae korakora ana ibuobuoki ni maiu. E taku: “Ti na riai ni kina riki Kristo nakon ae ti kinaa; ti riai n ururingnga riki nakon ae ti na uringnga, ti na riai n ninikoria riki ni beku ibukina nakon ae ti beku ibukina.6
N te tai anne, ao I bon tabeaianga n iagoa arou bwa na katamaroa au beku ni mitinare. Aio bon kaekaana—kinaa Kristo, ururingnga, ao beku Ibukina. A katiteuanaki mitinare n kabutaa te aonaba n te kaantaninga aei:—kaoia aomata nakon Kristo man buokakiia ni karekea te euangkerio are e kaokaki rinanon te onimaki Irouna ao Ana Mwakuri ni Kamaiu ao rinanon te rairan nano, te bwabetito, karekean ana bwai n tangira are te Tamnei ae Raoiraoi, ao te teimatoa ni ua te toki.”7 Nakoia raoraoa aika a ongongora irouia mitinare, I kawenea au kakao nakoimi bwa kam na kania Kristo. Tina kaai ni kina riki, Ururinga, ao bekeu Ibukina.
Au bong ni mitinare a rang tabu inanon maeu. Ni kabanean au intawiu ma ngaia ngke I mitinare, Beretitenti Pincock e taekin taian bitaki aika ana roko irouia taan kairiri nte mition, ngke ngaia ma buna iaon kawaia ni bane aia tai. Ti kaai n nanokawaki n kitanakin te bwai ae bati nanora iai. E noria ae e tabeaianga au iango n iagoan ae e nang bane au tai ni mitinare. Bon te aomata ngaia ae onimaki ao e reireinai ma te tangira n ai aron are e kakaraoia ianon uoua te ririki. E kotea tamnein Iesu Kristo iaon ana taibora ao e taku, “Elder Olsen, ana Nakoraoi bwai ni kabane bwa aio Ana mwakuri.” E rau nanou bwa I ataia bwa e na buokira ara Tia Kamaiu, tiaki ti inanon ara beku ma n taai nako—ngkana ti kariaia bwa e na buokira.
E reireiniira Titita Pincock mai nanoa ni koaua raoi te taetae n Tibein ae beebete. Ngke e taku, “Jesucristo vive,” I ataia bwa e koaua ao E maeu. Ngke e taku, “Elderes y hermanas, les amo,” I ataia ae e tangiria ao e tangiria bwa tina irira te Tia Kamaeu n tai nako.
Ngai ma buu ti kakabwaiaki n beku bwa aia taan kairiri mitinare ni beku ma mitinare aika a rianako aroia i Uruguay. I kona n taekina ae aika mitinare aika taian kabanea n tamaroa nte aonaba, ao I ataia ae aio aia namakin taan tia kairiri ni kabane. Taan beku aikai a reireinira ni katoa bong bwa tina irira te Tia Kamaeu.
Inanon taian intawiu, temana ara mitinare te aine ae mwakuri raoi e rinako nte aobiti. Te mitinare ngaia ae mwakuri korakora, e tamaroa ana kairiri, ao e bane nanona n te mwakuri. Te bana ni katoto ngaia nakoia toana ao e bati tangirana irouia aomata. E ongotaeka, nanorinao, ao e nanomwaka. N kawarana ao ti katua ara iango iaon ana tabo ni mwakuri ao aomata ake e reireinia. Te tai aei e kaokoro. Ngke i titirakina bwa e uara, I kona n noria bwa iai ana kanganga. E taku, “Beretitenti Olsen, I aki ataia ngkana I kona uotau. I aki ataia ngkana I tau. I aki ngkana I kona n riki bwa te mitinare are e kantaningaia te Uea bwa na riki.”
Te mitinare ngaia ae tamaro. Nakoraoi n arona nako. Miin aia Beretitenti taian mitinare. Iaki raraoma n ana konabwai ngkai mitinare ngaia.
Ngke i ongora irouna, I aki ataia bwa tera ae na taekina. I tataro inanou: “Tamara are i karawa, te mitinare aei ae tamaroa. Am Bwai Ngaia. E karaoi bwai ni kabane nakon ae eti. I aki kan kaburei bwaai. Taiaoka buokai bwa na ata te bwai ae na taekina.”
A roko taeka nakoiu. I taku, “Hermana, I nanokawaki ngkai ko rootaki n te aro aei. Na titirakiniko te titiraki. Ngkana iai raoraom ae ko reireina ae namakina aei, tera am taeka nakoina?”
E taraai ao e wiingare. Ma te nano ni mitinare ae matoa, ao taku, “Beretitenti, e rang bebete anne. Na tuanga ae te Tia Kamaeu e rang kina raoi. Na tuanga ae e maeu. E Tangiriko. Ko bon tau ao e reke iroum aei!”
E ngare ao e taku, “I taku bwa ngkana e kaineti aei nakon raoraou ao ai arona naba nakoiu.”
Ngkana iai ara titiraki ao nano kokoraki, ti bon bae n namakina ae e rang kanganga ao e kanganga reken kaekana. Ti bia ururinga bwa inanon taian kanganga, tamaia taan kewe bon te tia kaminoi ara iango.8
Te Tia Kamaiu bon Mataniwiin bwaai aika bebete.
Beretitenti Nelson e taekinna:
“Moan te wanawana te tia kakaitara. Inanon ngaa n ririki e a tia n karaoa te raoiroi ba e na taraa n buakaka ao te buakaka n taraa n raoiroi. Ana rongorongo a rang ni karongoa, matoa, ao ni kamoamoa.
“E ngae n anne, rongorongo mairoun Tamara are i Karawa a bon rang kaokoro. Ana reitaki a bebete, a rau, ao ma te itiaki are ko na bon aki kona n aki oota iai.”9
Ti kakabwaiaki bwa Te Atua e tangiria ngaia are e kaoka Natina. Bon ngaia te kaeka.
E taku Beretitenti Nelson:
“Ana euangkerio Iesu Kristo e aki rangi ni kainnanoaki ngkoa nakon riki te bong aei. …
“… Aio e a kamatoa riain te ienikuri n iriira ana kaetieti te Uea nakoia ana reirei bwa a na ‘nako … n nikabane aaba n te aonaaba, ao n tataekina te euangkerio nakoia kain aonaaba ni kabaneia.’”10
Nakoia ake a rineia bwa ana beku Ibukina, I kakoaua nakoimi taian kakakabwaia mai iroun te burabeti ngkana ko ongo n ana taeka. Te mwakuri tiaki Ibukim. Ibukin te Tia Kamaeu. Kona weteaki nakon te tabo, ma moarariki kona weteaki nakoia aomata. E na korakora mwiokoam ao taian kakabwaia n buokaia tarim n ataia bwa Iesu bon te kawai.
Aio ana Ekaretia Iesu Kristo ibukia Aika a itiaki ni bong aika kakaitira, ao aio nera raoi.Aio bon Ana Ekaretia Iesu Kristo ibukiia Aika Itiaki ni Boong aika Kaitira. Bwai ake e kaoira Beretitenti Nelson bwa tina karaoi ana kanira riki ma ara Tia Kamaeu.
Ara roro n rikirake—n ikotaki ma ai natiu Nash—inanon maeumi, e ngae ngke e korakora te kanganga ke te aki oota n te kamangaongao, kona riai n ururinga bwa te kaeka e bebete; bon Iesu n taai nako.
Are ia tia n ongora irouia ake a katabuaki bwa burabeti, taan mamata, ao kaotioti n beku nako, I taekina naba nakoimi ae ti tangiri ngkami, ti karabwai ngkami , ao ti kainanoi ngkami. Aio te tabo ae ko tau nako iai.
I tangira te Tia Kamaiu. I tei ni kakoaua n Arana, are Iesu Kristo. I kakoauaa bwa Ngaia bon “te tia karika ao kakoroan ara onimaki,”11 ao Ngaia te Mataniwi ae atai bwaai nako. Te kaeka bon Iesu. N aran Iesu Kristo, amen.