Inħarsu Lejn il-Familja ta’ Alla Minn Lenti Miftuħa
Nemmen li nistgħu, permezz tal-għajn tal-fidi, niżżumjaw ’il barra u nħarsu lejan nfusna u lejn il-familji tagħna b’tama u hena.
Meta t-tifla ż-żgħira tagħna, Berkeley, kienet għadha ċkejkna, jien bdejt nuża nuċċali tal-qari―it-tip li jiżżumja u jkabbar kollox. Jum fost l-oħrajn, hekk kif konna bilqiegħda flimkien naqraw ktieb, jien ħarist lejha b’ħarsa ta’ mħabba u fl-istess ħin ta’ nket għaliex, f’daqqa waħda, hija bdiet tidher li kienet qed tikber mhux ħażin. Għidt lili nnifsi, “Kif tar iż-żmien? Kemm qed naraha kbira!”
Hekk kif għollejt in-nuċċali biex nimsaħ demgħa, irrealizzajt, “Żomm ftit—mhux għax hi daqshekk kbira; qed naraha hekk minħabba dan in-nuċċali! Ma ġara xejn!”
Xi kultant lil dawk li nħobbu nibdew narawhom biss minn vista li hi verament mill-qrib u mkabbra. Illejla, nistedinkom biex tiżżummjaw ’il barra permezz ta’ lenti differenti— lenti eterna li tiffoka fuq l-istampa l-kbira, l-istorja akbar tagħkom.
Fiż-żminijiet bikrin tal-avventura tal-bniedem fl-ispazju, ir-rokits li kienu jkunu bla ekwipaġġ ma kellhom l-ebda twieqi. Iżda fi żmien il-missjoni sal-qamar tal- Apollo 8 l-astronawti kellhom. Waqt li kienu qegħdin jifflowtjaw fl-ispazju, huma baqgħu mistagħġbin meta raw id-dinja tagħna u ħadu dan ir-ritratt mill-aktar spettakolari, li fih irnexxielhom jiġbdu l-attenzjoni tad-dinja kollha! Dawk l-astronawti esperjenzaw sensazzjoni tant qawwija li għandna frażi msemmija għaliha: l-effett panoramiku
NASA
Li tħares minn punto di vista ġdid jibdel kollox. Wieħed vjaġġatur tal-ispazju qal li “l-affarijiet jiċkienu b’tali mod li ngħidu li xejn mhu impossibli. … Dan żgur kapaċi nagħmluh. Il-paċi fl-art—mhux problema. In-nies iħossu fihom dik it-tip ta’ enerġija … dik it-tip ta’ qawwa.”1
Bħala nies umani, aħna għandna punto di vista terrestjali, iżda Alla jara l-panorama sħiħa tal-univers. Huwa jħares lejn il-ħolqien kollu, lejna lkoll, u jimtela bit-tama.
Hu possibbli li nibdew naraw kif jara Alla anke waqt li ninsabu ngħixu fuq wiċċ din il-pjaneta—li nħossu dan is-sentiment panoramiku ? Nemmen li nistgħu, permezz tal-għajn tal-fidi, niżżumjaw ’il barra u nħarsu lejan nfusna u lejn il-familji tagħna b’tama u hena.
L-iskrittura taqbel. Moroni jitkellem dwar dawk li l-fidi tagħhom tant kienet “mill-aktar b’saħħitha” li huma “setgħu jaraw verament … b’għajn ta’ fidi, u kienu kuntenti.”2
B’għajn iffokata fuq is-Salvatur, huma ħassew l-hena u kienu jafu din il-verità: grazzi għal Kristu, kollox se jkun sew. Dak kollu li int u int u int qed tinkwetaw dwaru—kollox se jkun sewwa! U dawk li jħarsu minn għajn ta’ fidi jistgħu jħossu li issakollox se jkun sewwa.
Meta kont fl-aħħar sena tal-iskola sekondarja jien għaddejt minn żmien diffiċli fejn ma kontx qed nagħmel l-aħjar għażliet. Niftakar nara lil ommi tibki u bdejt nistaqsi lili nnifsi jekk kontx iddiżappuntajtha. Dak iż-żmien, kint qed ninkwieta jekk id-dmugħ tagħha kienx ifisser li hi qatgħet qalbha minni, u forsi kont fi stat li diffiċli noħroġ minnu.
Iżda missieri kien aktar kapaċi jiżżumja u jħares mil-lenti panoramika. L-esperjenza għallmitu li meta wieħed jinkwieta jħossu ħafna bħallikieku qed iħobb, iżda mhijiex l-istess ħaġa.3 Huwa uża l-għajn tal-fidi biex jara li kollox kien se jkun sew, u l-atteġġjament kollu tama tiegħu wassal għal bidla fija.
Meta jiena ggradwajt mill-iskola sekondarja u mort BYU, missieri beda jibgħatli l-ittri, biex ifakkarni jien min jien. Huwa kien sar dak li jġibli tbissima fuq ħaddejja u kulħadd jeħtieġ bniedem li jista’ jferrħu—xi ħadd li mhux qed jgħidlek, “M’intix tiġri biżżejjed”; huwa b’imħabba jfakkrek li tista’ tagħmel dan.
Missieri kien eżempju ħaj tal-ħolma ta’ Leħi. Bħal Leħi, hu kien jaf li inti ma tmurx tiġri wara l-maħbubin tiegħek li jħossuhom mitlufin. “Inti tibqa’ fejn int u ssejħilhom. Inti tmur ħdejn is-siġra, tibqa’ ħdejn is-siġra, tkompli tiekol mill-frott u, bi tbissima fuq wiċċek, tkompli ssejjaħ lil dawk li tħobb u turihom b’eżempju li meta inti tiekol il-frott timtela bil-ferħ!”4
Din l-immaġni viżwali għenitni waqt mumenti xejn faċli meta sibt ruħi ħdejn is-siġra, niekol il-frott u nibki għaliex kont inkwetata; u fil-fatt, kemm kienet ħaġa utli? Minflok, ejja nagħżlu t-tama—tama fil-Ħallieq tagħna u f’xulxin, u hekk intejbu l-abbiltà tagħna li nkunu aħjar milli aħna bħalissa.
Ftit wara li miet il-Presbiteru Neal A. Maxwell, wieħed ġurnalist staqsa lil ibnu x’kien jimmissja l-aktar. Huwa qal l-ikliet li kien ikollhom fid-dar tal-ġenituri tiegħu, għax dejjem telaq minn hemm iħossu li missieru kien jemmen fih.
Dan kien fi żmien meta t-tfal adulti tagħna bdew jiġu d-dar għall-ikliet ta’ nhar ta’ Ħadd flimkien mal-konjuġi tagħhom. Matul il-ġimgħa kont nagħmel lista f’moħħi ta’ ħwejjeġ li stajt infakkarhom fil-jum tal-Ħadd, bħal, “Forsi ippruvaw għinu aktar lit-tfal meta tkunu d-dar,” jew “tinsewx tiftħu widnejkom aktar biex tisimgħu.”
Meta qrajt il-kumment ta’ Brother Maxwell, jiena warrabt il-lista u ma tajtx każ ta’ dak il-leħen kritiku, għalhekk meta kont nara lill-uliedi adulti għal ftit ħin biss kull ġimgħa, bdejt niffoka fuq il-ħafna ħwejjeġ pożittivi li kienu diġà qed jagħmlu. Meta t-tifel il-kbir tagħna, Ryan, miet ftit tas-snin wara, niftakar kemm bdejt inħossni grata li l-ħin tagħna flimkien kien ħin aktar ferrieħi u pożittiv.
Qabel ma’ ninteraġixxu mal-għeżież tagħna, nistgħu nistaqsu l-mistoqsija “Dak li jien se nagħmel jew ngħid se jkun ta’ għajnuna jew jista’ jweġġa’?” Kliemna huwa waħda mill-akbar qawwiet speċjali tagħna, u l-membri tal-familja huma bħal blekbords umani, weqfin quddiemna u jgħidulna: “Ikteb dak li taħseb dwari!” Dawn il-messaġġi, kemm jekk intenzjonalment jew le, għandhom ikunu mimlijin tama u inkuraġġiment.5
Ir-responsabbiltà tagħna mhijiex li ngħallmu lil xi ħadd li għaddej minn żmien diffiċli li huwa ħażin jew ddiżappuntati. F’mumenti rari, nafu nħossu li hemm bżonn nikkoreġu, iżda fil-parti l-kbira tal-ħin ejjew nwasslu lill-maħbubin tagħna b’mod mitkellem jew le messaġġi li jixtiequ jisimgħu: “Il-familja tagħna tħossha sħiħa u kompluta għaliex inti parti minnha.” “Inti se tkun maħbub għall-kumplament ta’ ħajtek—jiġri x’jiġri.”
Xi kultant dak li neħtieġu hija l-empatija aktar mill-pariri; li nisimgħu aktar milli ngħallmu; xi ħadd li jisma’ u jistaqsi, “Kif għandi nħossni biex ngħid dak li għadhom kif qalu?”
Ftakru, il-familji huma laboratorju mogħti minn Alla li fih qed nitgħallmu bosta ħwejjeġ, għalhekk l-iżbalji u l-kalkoli ħżiena mhux biss huma possibbli, iżda probabbli. U ma tkunx ħaġa interessanti jekk, fi tmiem ħajjitna, inkunu nistgħu naraw li dawk ir-relazzjonijiet, anke dawk il-mumenti diffiċli, kienu fil-fatt l-affarijiet li lilna għenuna nsiru aktar bħas-Salvatur tagħna? Kull interazzjoni diffiċli hija opportunità biex aħna nitgħallmu kif inħobbu b’mod aktar profond—b’mod divin.6
Ejjew niżżumjaw ’il barra biex nibdew inħarsu lejn ir-relazzjonijiet tagħna fil-familja bħala vettura b’saħħitha li tgħallimna l-lezzjonijiet li ġejna hawn biex nitgħallmu hekk kif induru lejn is-Salvatur.
Ejjew inkunu onesti, f’dinja mitlufa, m’hawn l-ebda mod kif nistgħu nkunu konjuġi, ġenituru, ulied, neputijiet, mentors, jew ħbieb perfetti—iżda hawn miljun mod kif nistgħu nkunu aħjar.7 Ejjew nibqgħu ħdejn is-siġra, ingawdu mill-imħabba ta’ Alla, u naqsmuha ma’ ħaddieħor. Meta aħna ngħollu lin-nies ta’ madwarna, aħna nitilgħu ’l fuq flimkien.
Sfortunatament, il-memorja nieklu l-frott mhux biżżejjed; jeħtieġ li nieklu u nerġgħu nieklu b’mod li nipożizzjonaw il-lenti tagħna u li jikkonnetjana mal-panorama divina billi niftħu l-iskrittura, li hi mimlija dawl, biex inkeċċu d-dalma, u nibqgħu għarkupptejna sakemm it-talba każwali tagħna ssir waħda setgħana. Dan iseħħ meta jirtabu l-qlub, u nibdew naraw kif jara Alla.
F’dawn l-aħħar żminijiet, probabbilment l-aktar ħidma importanti tagħna se tkun mal-maħbubin tagħna—nies twajbin li qed jgħixu f’dinja ħażina. It-tamatagħna tibdel il-mod kif huma jħarsu lejhom infushom u lejn min huma tassew. U permezz ta’ din il-lenti ta’ mħabba huma jkunu jistgħu jaraw huma x’se jsiru sewwasew.
Iżda l-avversarju ma jridx li aħna jew il-maħbubin tagħna nerġgħu lura d-dar flimkien. U għaliex aħna ngħixu fi pjaneta li hi marbuta maż-żmien u ma’ numru finit ta’ snin,8 huwa jipprova juri sens mill-aktar reali ta’ paniku ġewwa fina. Diffiċli naraw, meta nkunu qed niżżumjaw ’il ġewwa, li d-direzzjoni tagħna hi aktar importanti mill-veloċità tagħna.
Ftakru, “Jekk tridu tgħaġġlu, morru weħidkom. Jekk tridu mmorru ’l bogħod, immorru flimkien.”9 Fortunatament, l-Alla li aħna nqimu mhuwiex marbut mal-ħin. Huwa jara lill-maħbubin tagħna min huma u min aħna verament .10 Għalhekk Huwa juri ħafna sabar magħna, u jittama li aħna nuru s-sabar bejnietna.
Nammetti li jkun hemm mumenti meta d-dinja, id-dar temporali tagħna, tibda tidher qisha xi gżira ta’ niket—mumenti meta jkolli għajn waħda ta’ fidi u l-għajn l-oħra qed tibki.11 Ġieli ħassejtukom hekk?
Jien ħassejtni hekk nhar it-Tlieta.
Nistgħu minflok nieħdu l-poża kollha fidi tal-profeta tagħna meta huwa wegħidna li jkollna l-mirakli fil-familji tagħna? Jekk nagħmlu dan, l-hena tagħna tikber, anke jekk tikber ukoll it-turbulenza. Huwa jwiegħed li aħna nistgħu nesperjenzaw l-effett panoramiku issa, huma x’inhuma ċ-ċirkustanzi tagħna.12
Li jkollna din l-għajn ta’ fidi issa hija dehra mill-ġdid, jew eku, tal-fidi li aħna kellna qabel ġejna f’din il-pjaneta. Tħallina naraw lil hinn mill-inċertezza tal-mument, u tagħtina ċ-ċans biex “b’ferħ nagħmlu dak kollu li għandna l-qawwa nagħmlu; imbagħad … nieqfu.”13
Hemm xi ħaġa diffiċli f’ħajjitkom bħalissa, xi ħaġa li qed tinkwetaw li ma tistgħux tirrisolvu? Mingħajr l-għajn tal-fidi, jaf iħosskom bħallikieku Alla tilef il-kontroll ta’ kollox, iżda fil-fatt hekk hu?
Jew forsi l-akbar biża’ tagħkom hi li sejrin tgħaddu minn dan il-mument diffiċli waħedkom, iżda dan ikun ifisser li Alla abbandunakom, hekk taħsbu?
Hija x-xhieda tiegħi li s-Salvatur għandu l-abbiltà, minħabba l-Espjazzjoni tiegħu, li jdawwar kwalunkwe mument ikrah li jista’ jkollkom f’barka. Huwa wegħedna “permezz ta’ patt immutabbli” li hekk kif nagħmlu li nistgħu biex inħobbuh u nimxu warajh, “kull ħaġa li qed twassal għat-tbatija tagħna se tkun għall-aħjar tagħna.”14 Kull ħaġa.
U għax aħna ulied tal-patt, aħna nistgħu nitolbu għal dan is-sentiment ta’ tama issa!
Filwaqt li l-familji tagħna mhumiex perfetti aħna nistgħu nipperfezzjonaw l-imħabba tagħna lejn ħaddieħor sakemm issir tip ta’ mħabba kostanti, li jiġri x’jiġri ma tinbidilx—it-tip ta’ mħabba li tħeġġeġ il-bidla u tippermetti t-tkabbir u li nerġgħu lura ħdejn Alla.
Hija l-ħidma tas-Salvatur li jġib lill-maħbubin tagħna lura. Hija l-ħidma tiegħu u l-orarju tiegħu . Hija l-ħidma tagħna li nipprovdi t-tama u qalb li jistgħu jersqu lejha. “Aħna la għandna l-awtorità ta’ Alla biex nikkundannaw u lanqas il-qawwa tiegħu biex nifdu lil ħaddieħor, iżda aħna ġejna awtorizzati biex neżerċitaw imħabbtu.”15 Il-President Nelson għallimna wkoll li l-oħrajn jeħtieġu l-imħabba tagħna aktar mill-ġudizzju tagħna. “Huma għandhom bżonn li jesperjenzaw l-imħabba safja ta’ Ġesù Kristu tirrifletti fi kliemkom u f’għemilkom.”16
L-imħabba hija l-ħaġa li tibdel il-qlub. Hija l-aktar mottiv safi fost kull mottiv ieħor, u oħrajn jistgħu jħossu dan. Ejjew nemmnu b’qawwa f’dak il-kliem profetiku li ntqal 50 sena ilu: “L-ebda familja mhi falliment diment li ma tiqafx tipprova.”17 Bla dubju, dawk li jħobbu l-aktar fit-tul jirbħu!
Fil-familji fid-dinja, aħna sempliċiment qed nagħmlu dak li għamel għalina Alla—nuru t-triq u nittamaw li l-għeżież tagħna jimxu f’dik id-direzzjoni, iżda li jkunu jafu liema triq se jaqbdu hija l-għażla tagħhom.
U meta huma jgħaddu għan-naħa l-oħra tal-velu u jersqu qrib dik il-ġibda ta’ “mħabba gravitazzjonali” fid-dar ċelestjali tagħhom,18 nemmen li hemm huma jħossuhom familjari minħabba l-mod kif ħassewhom maħbuba hawnhekk.
Ejjew nużaw dik il- lenti panoramika u nibdew inħarsu lejn in-nies li nħobbu u ngħixu magħhom bħala kumpanji tagħna f’’din il-pjaneta sabiħa.
Jien u intom? Aħna nistgħu nagħmlu dan! Nistgħu nibqgħu mexjin u nittamaw! Nistgħu nibqgħu ħdejn is-siġra u nieklu mill-frott bi tbissima fuq ħaddejna, u nħallu d-Dawl ta’ Kristu f’għajnejna isir xi ħaġa li oħrajn jistgħu jiddependu fuqha fl-aktar mumenti mudlama tagħhom. Hekk kif jaraw id-dawl fuq wiċċna, huma jkunu jridu jersqu lejh. Imbagħad aħna nkunu nistgħu ngħinuhom jerġgħu jiffokaw mill-ġdid l-attenzjoni tagħhom fuq is-sors oriġinali tal-imħabba u d-dawl, “il-kewkba tiddi tal-għodwa,” Ġesù Kristu.19
Jien naqsam it-testimonjanza tiegħi li dan—kollu kemm hu—se jirriżulta f’xi ħaġa ferm aħjar milli aħna nistgħu nimmaġinaw. B’għajn ta’ fidi iffokata fuq Ġesù Kristu, jalla aħna nkunu nistgħu naraw li fl-aħħar kollox se jkun sew, u nħossu li kollox se jkun sew anke issa. F’isem Ġesù Kristu, ammen.