Elder Clate W. Mask Jr.
No te Hitu Ahuru

Ua ite o elder Clate Wheeler Mask Jr. e eita e tupu noa te hoê mea na roto i te fanaʻo.

Ei tamaiti iti i El Paso, i Texas, ua hiʻo noa o elder Mask i toʼna papa, o Clate Wheeler Mask Sr., aita â ïa i riro ei melo no te Ekalesia, i te taviniraa i roto i te Tamaʻi II no te Ao nei. E taime fifi mau.

I reira toʼna mama, o Marva Gonzalez Mask, i haapii ai iaʼna ia pure. « Ua pure toʻu utuafare no to matou papa ia tomo i roto i te Ekalesia e ia hoʻi maitai mai i te fare », o taʼna ïa i parau. « I toʻu pureraa i pihaʻi iho i toʻu mama ei tamaiti iti, ua ite au e tei reira iho te Atua ».

E mea rahi aʻe te taime ta elder Mask i faaea i pihaʻi iho i toʼna papa ruau no te pae o toʼna mama. « E nehenehe au e parahi i niʻa i na turi avae o toʻu mama ruau ia faatiʻa oia i te mau aamu o te Buka a Moromona. E faatiʻa ïa toʻu papa ruau no niʻa i taʼna misioni i te fenua Mexique », o ta elder Mask ïa e faatiʻa. « Na te reira i faanaho i te eʻa o toʻu oraraa ».

Ua faafariuhia toʼna papa i roto i te Ekalesia e ua hoʻi ma te hau. Mai reira mai, ua paari faahou atu â te iteraa papu o elder Mask.

Ua rave oia i taʼna tau misioni i te fenua Amerika ropu, e hou oia a hoʻi mai ai i te fare, ua anihia oia ia papaʻi i te parau faataaraa ohipa o te tahi o te mau misionare. « Ua ite au i te hoê tuahine maitai roa, e ua feruri ihora vau, teie te huru o te vahine o taʻu e hinaaro ia faaipoipo », o ta elder Mask ïa i parau.

I muri mai i taʼna tau faehau, ua haere o elder Mask i te Brigham Young University, e ua farerei faahou oia i taua tuahive misionare ra, o Paula Carol Garns. Ua faaipoipohia raua i te matahiti 1965 i te hiero no Los Angeles i Califonia e ua faaamu e ono tamarii.

Ua faahanahanahia o elder Mask na roto i toʼna fariiraa i taʼna parau tuʻite no te reo Peretane e Paniola e ua haapii 30 matahiti te maoro i roto i te Faanahoraa Haapiiraa a te Ekalesia. Ua tavini na oia ei peresideni misioni, ei episekopo, ei tauturu episekopo, ei peresideni no te Haapiiraa Sabati no te tĭtĭ, ei melo apooraa teitei, ei peresideni amaa.

Ua fanauhia o elder Mask i te 20 no Atete 1942, e 60 matahiti toʼna i teie nei. Ua ite oia i te auraa no toʼna nei piiraa ei melo no te Pŭpŭ Piti no te Hitu Ahuru, e tauiraa teie e ere râ, na roto i te fanaʻoraa. « Te mau meaʼtoa i tupu na, na te reira i faaineine i toʼna piiraa », o ta te tuahine Mask ïa i parau.