Elder W. Douglas Shumway
No te Hitu Ahuru

Ia ui outou ia elder Wilford Douglas Shumway eaha te mea o taʼna e parau no toʼna utuafare, e raeʻahia afa tetoni iaʼna ia pahono mai e, te « Haavare ore ». E mea na roto mai paha i toʼna taviniraa i roto i te ohipa a te fetii iho, e aore râ, i to taʼna tamahine haapaʻoraa i toʼna mama hou a pohe atu ai, e aore râ, i to taʼna iho mau tamarii haapaʻoraa ia ratou iho ia nehenehe oia e haere e rave i taʼna tau misioni i Bolivie, ua auraro râ te utuafare o elder Shumway ia ratou ratou iho e i te evanelia. Na roto i toʼna pii-raa-hia i roto i te pŭpŭ piti oo te Hitu Ahuru, ua faaite tauʻe mai toʼna utuafare i taua iho ra patururaa.

« Eita roaʼtu maua taʻu vahine e farii i teie nei piiraa ahiri e aita e patururaa no ô mai i to maua nei utuafare », o ta elder Shumway ïa i parau.

67 matahiti to elder Shumway, tamaiti na Wilford Jennings Shumway e o Mabel Whiting Shumway. Fanauhia i te 8 no Me 1940 e ua paari mai i Saint Johns, i Arizona i reira toʼna farereiraa ia Dixie Ann Jarvis. E na utuafare piri roa to raua, e ua matau mai raua i to raua haereraa i te haapiiraa. I to elder Shumway hoʼiraa mai na taʼna tau misioni i Uruguay, ua faaitoito toʼna utuafare ia horoʻa i teie nei fanaʻoraa i teie utuafare maitai roa. Ua na reira oia, e ua faaipoipohia raua i roto i te hiero no Mesa i Arizona i te matahiti 1963. E 8 a raua tamarii e 20 mootua.

Ua nuu mai ratou na Eagar mai i Arizona, i Show Low, tei reira to ratou faatumuraa i ta ratou ohipa i roto i te hoê hotera e e ohipa horoi pereoo hoʻi. Ua haamouhia taua vahira e te hoê auahi i teie tau haapoheraa raau i mairi nei. Ua faatiʻa elder Shumway i te mau ohipa i tupu i na ruʻi e toru, ua faaite te ratio teata e tae mai taua auahi ra i Show Low ia poʻipoʻi aʻe. Aita roa te auahi i tae mai i te oire, inaha, parau mai nei te taata faaite e, aita â i itehiaʻe nei te puai rahi o te hoê auahi – o te ore roa e nehenehe ia tatarahia.

« Ahiri te auahi i tae mai, aita e manaʼo nei e, e parahi au i ô nei i teie mahana », o ta elder Shumway ïa i parau. « Ua riro mau ïa ei haamouraa ».

Ua ora mai ta ratou ohipa, e ua oaoa oia no teie nei raveʻa i te haereraa e tavini. « Ua ite au e e fanaʻoraa rahi teie ia poro i te evanelia a Iesu Mesia », o taʼna ïa i parau.