MANATU MO AFIAFI FAALEAIGA

O nei manatu e mafai ona faaaoga mo aoaoga i le potuaoga faapea foi i le aiga.

“O Le Pogai o Aoaoga FaaKerisiano,” i. 12: Ia faaali atu pe tusi se ata o se laau laitiiti. A leai ni aa, e faapefea ona ola ma tupu le laau laitiiti? E mafai faapefea ona tatou faafaileleina a tatou molimau e pei o aa o lenei laau laitiiti? Faitau fautuaga i le tusiga, ma ia talanoaina auala e faataunuu ai ia [auala] i lou olaga. Toe tulitatao i le isi afiafi faaleaiga e sosoo ai.

“Taofi Feau Feaveai i Telefoni Feaveai Mai le Pulea o Oe,” i. 18: A o amata le lesona, taumafai e fai se talanoaga e ala i le na o le tusitusi. Ia talanoaina le faigata o le faaaogaina na o fesootaiga tusitusi. Saili i le tusiga nisi o faafitauli o feau feaveai i telefoni feaveai. E mafai faapefea ona faaaogaina tatau feau feaveai i telefoni feaveai? Fuafua ni auala e mafai ona faaaoga ai e lou aiga lenei meafaigaluega e aunoa ma lona puleaina o le aiga.

“Auala e Avea Ai o se Faifeautalai Lelei a le Au Paia,” i. 38: Tofi atu i tagata o le aiga ia tala mai le tusiga e faasoa ma le aiga. Fai se lisi o uo e mafai ona e faailoa atu i le talalelei. I le faaaogaina o manatu mai le tusiga, ia faatino ni tala e te manatu o le a sili atu ona aoga. Filifili se aso e tatau ona oo atu i ai ua amataina.

“Mulimuli i se Perofeta,” i. U2: Fatufatuai se tusi valaaulia laitiiti mo tagata taitoatasi o le aiga ina ia auai i se afiafi faaleaiga faapitoa. I lena po, ia aofia ai pese, tatalo, ma se lesona i le savali a Peresitene Gordon B. Hinckley. I le avea ai o se aiga, ia tautino e mulimuli i le perofeta e ala i le faia o afiafi faaleaiga ’anoa i vaiaso taitasi.

“O Se Leo o le Lapataiga,” i. U10: A o e faitauina leotele le tala a Tad, fai atu i tagata o le aiga e faalogo pe o le a le mafuaaga o lona lagonaina o le sese. Palepalealuga manatu e fesoasoani ai i tagata o le aiga e aloese mai tulaga faapena.