O le a se mea e tatau ona ou mafaufau i ai pe a ou ‘ai ma inu i le faamanatuga?

Na faasoa mai e Elder Jeffrey R. Holland o le Korama a Aposetolo e Toasefululua nisi o ona manatu e uiga i lenei mataupu.

Ata

E mafai ona tatou manatua le muai soifuaga o le Faaola ma mea uma ua tatou iloa na Ia faia, o Ieova silisili ese, o Le na faia mea uma i le lagi atoa ma le lalolagi ma mea uma o i ai.
E mafai ona tatou manatua vavega a Keriso ma Ana aoaoga, o Ana faamalologa ma Lana fesoasoani, o Lona agaalofa ma Lona agalelei faifai pea.
O nisi o aso o le a tatou manatuaina ai faiga le alofa na faia ia te Ia, o le tuulafoaiina na oo i ai o Ia, ma le amioletonu na Ia onosaia.
E mafai ona tatou manatua e oo lava i se misiona paia na tuuina atu ia te Ia, sa maua lava e le Faaola le fiafia tele i lona soifuaga. Sa fiafia o Ia i tagata ma sa Ia tau atu i Ona soo ina ia loto tetele.
E mafai—ma e tatau—ona tatou manatua faamanuiaga matagofie ua oo mai i o tatou olaga ma “o mea uma e lelei e mai ia Keriso ia” (Moronae 7:24).

Mai le “Tou Te Faia Le Mea Nei ma Faamanatuga ia te Au,” Liahona, Ian. 1996, 79–82.