O Au o se Atalii o le Atua

“O fanau foi outou uma a le Silisili Ese” (Salamo 82:6).

O loo i ai ni fanau lelei, e aofia ai ma oe, o loo nonofo i le lalolagi atoa. Atonu e ese o latou ofu e ofu nai lo oe, ese ituaiga meaai e ai, ese gagana e tautatala ai, ma nonofo i fale e le tutusa ma lou fale, ae o outou uma o fanau a le Atua, ma e alofa o Ia ia te outou.

Aveese le pepa lautele o i ai le savali mai le mekasini. Ia ooti ma le faaeteete i luga o laina motumotu. Faatasi ai ma le itu o mau e pito i luma, ia faapipii ia faatafafa e 12 i le faasologa o numera i se puipui po o se tulaga e iloagofie atu ai le pepa lautele o i ai le savali.

O masina taitasi, ia sue mau pe faitau le upusii mai le “O Le Aiga: O Se Folafolaga i le Lalolagi” (Liahona, Iuni 1996, 10) o loo lomia i luga o le faatafafa. Tauloto le mau po o le faamatalaga pe a mafai. A uma, toe liliu le faatafafa, ma toe faapipii i le puipui.

E oo atu i le faaiuga o le tausaga, ua uma lau faafanua, o le a e iloa ai nisi o au uo i le lalolagi atoa, ma o le a e aoaoina ai nisi o faamanuiaga taua ma avanoa e te maua i le avea ai o se atalii o le Atua.

I lomiga taitasi o lenei tausaga, o le a e maua ai se Itulau e Valivali faatasi ma se autu ma se mau. E mafai ona e valivaliina le ata, ma faatautau i talaane o le pepa lautele o i ai se savali.