Tusi Fusi Tolu FaaSaina

Ua faasilasila mai e le Au Peresitene Sili ua maea nei le faaliliuga o le tusi fusi tolu o tusitusiga paia i le faaSaina (mataitusi masani), i se tusi i taitai perisitua i le aso 15 Aokuso, 2007.

Na taua e le Au Peresitene Sili e faapea, “Matou te uunaia tagata o le ekalesia ia i ai ni a latou lava kopi o tusitusiga paia e faaaoga e le aunoa i suesuega a le tagata lava ia ma suesuega faaleaiga faapea ma sauniga ma tofiga a le Ekalesia. Pe a suesue ia [tagata o le Ekalesia] ma le agaga tatalo ma aoao mai tusitusiga paia, o le a tuputupu ae a latou molimau, o le a faateleina lo latou malamalama, ma o le a faalautele atu lo latou alolofa i tagata faapea ma isi, o le a faateleina foi lo latou gafatia e auauna atu i isi, ma o le a latou maua le malosi e sili atu e tetee ai i faaosoosoga ma tutu atu mo le upumoni ma le amiotonu.”

O le lomiga o le tusi fusi tolu faaSaina o loo i ai le Tusi a Mamona, o le Mataupu Faavae ma Feagaiga, o le Penina Tau Tele, ma se fesoasoani aoga ua faaigoaina o le Taiala i Tusitusiga Paia. O loo maua nei kopi i faletusi a le Ekalesia.