Fesoasoani Tagata o le Ekalesia i le Faamamaina o Lologa i le Iunaite Setete

Na fesoasoani tagata o le Ekalesia e tufatufa le silia i le 16 uta a loli o meaai, vai, ma mea e faaaoga e faamama ai fale, ma mea mo le tumama, ia i latou na aafia i lologa mamafa i le vaega tele o le pito i luga o le ogatotonu i sisifo o le Iunaite Setete. E sili i le 600 tagata o le ekalesia na fesoasoani e faamama ia alaalafaga na aafia.

Ina ua mavae se vaiaso o timuga mamafa, o lologa na maliliu ai ni tagata e 18, na o ese faamalosi ai le faitau selau o tagata, ma faaleagaina ai le fia afe o fale. E sili i le miliona fale na leai se eletise. O tagata uma o le ekalesia ma faifeautalai na lipotia mai na saogalemu, ae o se vaega o tagata o le ekalesia na faaleagaina o latou fale ma e tolu falelotu a le Ekalesia na i ai ni vaega laiti na faaleagaina.