Ko e Fānau Au ʻa e ʻOtuá

“Ko e fānau ʻa e fungani Māʻolungá ʻa kimoutolu kotoa pē” (Saame 82:6).

ʻOku ʻi ai ha fānau fakaʻofoʻofa, kau ai koe, ʻoku ʻi he funga ʻo māmaní kotoa. Mahalo pē te nau tui ha vala ʻoku kehe meiate koe, kai ha faʻahinga meʻakai ʻoku kehe, lea ʻaki ha faʻahinga lea fakafonua kehe mo nofo ʻi ha ʻapi ʻoku kehe mei ho ʻapí, ka ko e fānau kotoa kimoutolu ʻa e ʻOtuá pea ʻoku ʻofa ʻiate kimoutolu.

Toʻo ʻa e pousitaá ni mei he makasiní. Kosi fakalelei ʻo muimui ʻi he laine motumotú. Fakahanga ki muʻa ʻa e tafaʻaki ʻo e folofolá pea fakapipiki fakahokohoko lelei ʻa e ngaahi foʻi tapafaá ʻe 12 ki ha holisi pe feituʻu ʻe lava ʻo fakatokangaʻi lelei ai ʻa e Pousitaá.

ʻI he māhiná takitaha, kumi ʻa e foʻi fakamoʻoni folofolá pe lau fakahangatonu mei he “Ko e Fāmilí: Ko ha Fanongonongo ki Māmani” (Liahona, ʻOkatopa 2004, 49) ʻoku paaki ʻi he tapafaá. Ako maʻuloto ʻa e potufolofolá pe ko e kupuʻi leá ʻo ka lava. Ko e taimi ʻe ʻosi aí, fulihi ʻa e foʻi tapafaá, ʻo toe fakapipiki ki he holisí.

ʻI he ʻosi ʻa e taʻú, ʻe kakato hoʻo mapé, te ke mamata ki ha niʻihi ʻo ho ngaahi kaumeʻa ʻi he funga ʻo māmaní pea te ke ʻosi ʻilo ha niʻihi ʻo e ngaahi tāpuaki mahuʻinga mo e ngaahi faingamālie kuó ke maʻu ko e fānau ʻa e ʻOtuá.

Ko e makasini kotoa pē he taʻú ni, te ke maʻu ai ha Peesi Valivali fakataha mo ha kaveinga pea mo ha potufolofola. Te ke lava pē ʻo valivali ʻa e fakatātaá pea tautau ia ʻo ofi ki he pousitaá.