Fakataha‘i e Ngaahi Folofola ‘e Tolú ‘i he Lea Faka-Siainá

Kuo fakahā ʻe he kau Palesitenisī ʻUluakí ʻi ha tohi ki he kau taki lakanga fakataulaʻeikí ʻi he ʻaho 15 ʻo ʻAokosí 2007, ʻa e kakato hono liliu ʻo hono fakatahaʻi ʻo e ngaahi folofolá ʻe tolú (Triple Combination) ʻi he lea faka-Siainá (ʻi he ngaahi mataʻitohi faka-Siaina totonu kuo tukufakaholo maí).

Naʻe pehē ai ʻe he Kau Palesitenisī ʻUluakí, “[ʻOku mau poupouʻi e kāingalotú ke maʻu atu haʻanau ngaahi tatau ʻo e folofolá pea fakaʻaongaʻi maʻu pē ia ki he ako fakatāutaha mo fakafāmilí pea ʻi he ngaahi fakatahaʻanga ʻa e Siasí mo e ngaahi folofola ʻoku vahe atu ke laú. ʻI he ako mo faiako [ʻa e kāingalotú] mei he folofolá ʻi he faʻa lotu lahi, ʻe tupulaki ʻenau fakamoʻoní, ʻe fakautuutu ʻenau ʻiló, ʻe toe lahi ange ʻenau ʻofa ki he fāmilí mo e niʻihi kehé pea toe lahi ange foki mo ʻenau malava ke tokoniʻi e niʻihi kehé pea te nau maʻu ha ivi ʻoku toe lahi angé ke tekeʻi ʻa e ʻahiʻahí mo taukaveʻi ʻa e moʻoní mo e māʻoniʻoní.]”

ʻOku ʻi he pulusinga ko ʻeni ʻi he lea faka-Siainá ʻa e Tohi ʻa Molomoná, Tokāteline mo e Ngaahi Fuakavá mo e Mataʻitofe Mahuʻingá pea mo ha tokoni fakaako ʻoku ui ko e Fakahinohino ki he Folofolá. ʻOku lava ke maʻu atu kinautolu he taimí ni ʻi he ngaahi senitā tufakiʻanga nāunau fakalotofonua ʻa e Siasí.