Tokoni e Kāingalotú ‘i Hono Fakama‘a ‘o e Tāfea ‘i he ‘Iunaiteti Siteití

Ne tokoni e kāingalotu ʻo e Siasí ki hono tufaki ʻo ha ngaahi loli ne ʻosi fakafonu ʻaki e meʻakai, vai, ngaahi nāunau fakamaʻa mo e ngaahi nāunau haisini ʻe 16 tupu nai, maʻa kinautolu ne uesia ʻe he tāfea lahi ne hoko ʻi he tafaʻaki ki ʻolunga ʻo e hihifo-lotolotó ʻo e ʻIunaiteti Siteití. Naʻe laka hake he kāingalotu ʻe toko 600 ne nau tokoni ki hono fakamaʻa ko ʻeni ʻo e ngaahi koló.

Hili ha ʻuha lahi ʻi ha uike ʻe taha, ne laka hake he toko 18 naʻe mālōlō tupu mei he tāfeá pea pau ke fetukutuku mo ha laungeau pea naʻe lauafe foki mo e ngaahi ʻapi ne maumaú. Ne laka hake he laumilioná e kakai ne ʻikai ke ʻi ai haʻanau ʻuhilá. Ne maʻu ha tala ne hao pē kāingalotú kātoa mo e kau faifekaú, ka ne lahi ha ngaahi ʻapi ʻo e kau mēmipa ʻo e Siasí ne maumau pea maumau siʻisiʻi pē mo ha ngaahi falelotu ʻe tolu ʻo e Siasí.