vakasama

Veivuke me Vakatorocaketaki

Au vakavinavinakataka na Liaona ki na noqu bula. Keitou dau vakayagataka vakamatavuvale na Liaona ena lesoni ni lotu vakamatavuvale ka vukei ira na dauvakatataro me ra kila vakavinaka kina na Lotu. Vakabibi ga, ni Liaona e vukea na noqu toro cake. Niu wilika na veitukutuku oqo au vakauqeti sara ga meu vinaka cake, kau sa kakavaki meu vakamuria na ivakavuvuli era tiko ena itukutuku. Au taleitaka vakalevu na kosipeli vakalesuimai i Jisu Karisito kei na madigi e solia vei keda me da torocake ena veisiga yadua.

Graziele Luiza Ramos de Freitas, Brazil

Wiliwili Vakayalo

Sa dua na veivakalougatataki cecere na Liaona kau dau marautaka na wilika. Eso na gauna au dau lolomataka na Liaona me rawa ni ra vakauqeti vakayalo o ira era wilika. Au taleitaka dina na vosa nei Peresitedi Thomas S. Monson na “Three Brigdes” ena tabana ni lalai ni Epereli 2008. Sa ka bibi dina vei keda na veika a tukuna me da vakila kina na vakacegu vakayalo ka bulataka voli na ivakaro ni Turaga. E totoka na wilika na Liaona ni sa ka vakayalo.

Eleanor Grimaldi, Dominican Republic