Maqusa ena Vuli
“Dou gumatua sara mo dou kila ka, io ena vuli kei na vakabauta” (V&V 88:118).
E tawana sara vakavinaka o Russell e rua na nona penikau kei na ivolalailai e nona beqi ni vuli. Barasi vakavinaka na uluna ka tirova na nona isulu me totoka tu. A mokoti nona na, vakamoce, ka cici yani me waraka na basi. A lomakatakata sara ke na berabera tale ni yaco mai na basi. E maqusa ni oqo na imatai ni gauna me vuli kina.
Ena veiyabaki e dau saravi iratou tiko mai na tacina kei na ganena me ratou wawa basi, ka vodo yani ki koronivuli. E via vodo vata kei iratou ki koronivuli. E vinakata talega me vulica na veika eratou cakava tiko. E via vulica na veika baleti ira na dainaso (dinosaur). E via kila se cakacaka vakacava na sitima ni vanua. E via kila na wili vola. E kila ga me na laki vuli.
A dredre mai o qasenivuli Mrs. Wilson, ni sa curu yani o Russell ki na kalasi. A vakaraitaka sara vei Russell na nona desi. A vakaraitaka talega vua na ililili ni nona beqi ni vuli.
“Me da na vulica mada e liu na veika baleti ira dainaso,” a kaya lo o Russell.
“Keimami kidavaki kemuni ki na koronivuli oqo,” a kaya mai o Mrs. Wilson. “Ko ni na tukuna na yacamuni kei na so na ka baleti kemuni.”
A duatani sara na matai Russell. “Ia, e dodonu me keimami veikilai tiko,” a vakasamataka . “Keimami na qai vulica talega na dainaso.”
Ni sa yaco mai na gauna i Russell me vakaraitaki koya, a kaya,” Oi au o Russell. Au sa via vulica sara ga na veika kece—vakabibi na sitima ni vanua kei na dainaso.”
“Totoka oqori Russell,” a kaya o Mrs. Wilson. A dredre sara o Russell. Sa vakadeitaka ni ra na vulica ga oqo na sitima ni vanua kei na dainaso
Ia a mani sega. Era a vakalomavinaka ka ra qito iyaya ni vakatatalo momokiti, muatolu kei na sukuwea.
“Mrs. Wilson, na gauna cava eda na vulica kina na dainaso kei na sitima ni vanua?” A taroga o Russell.
“Se bera sara, Russell,” a kaya mai o koya. “Me da na wilika mada e dua na italanoa.”
Baleti ira beka na dainaso?”
“Sega Russell.”
Ni oti na italanoa era a vulica sara na veimatanivola. Sa gauna sara me ra sa gole i vale.
Sa cudru sara o Russell.
A matacudrucudru voli ni vodo basi tiko. Ni kele na basi a cici yani ki vale ka curu botolaki koya yani. Curu ki nona rumu ka ubia na matana ena itutuvi.
A curu yani o tinana ka tara na ului Russell. “A vakacava na vuli e dai?” a taroga.
“Ca. Au na sega ni vulica e dua na ka, au sega tale ni via lesu. Keimami a vakatatalo ga ka rogo italanoa.”
“Io, Russell, oqo se qai imatai ni nomu siga,” a kaya o Tinana.
A dabe sara o Russell ka raici Tinana. “Au via vulica sara ga oqo na dainaso kei na sitima ni vanua kei na—wili vola.”
E dabe tikivi koya sara o tinana ena loga. “E sega ni rawa mo vulica na veika kece ena dua ga na gauna. Na vuli e balavu na kena gauna. Na levu ni ka o kila nikua, ko na kila tale kina e levu na ka.”
“Na cava o tukuna tiko? A taroga o Russell.
“O ya, mo vulica mada na matanivola ko na qai kila na wiliwili. Ena gadrevi mo kila na wiliwili ni bera mo wilika na veika o taleitaka,” a kaya o tinana.
A vakasamataka sara o Russell. Ena rairai so tale na ka mo vulica ka sega walega ni dainaso kei na sitima ni vanua. “Ia au sa na rairai gole tale beka i koronivuli ena mataka,” a kaya.
A matadredredre sara vua o tinana.
“Ia, Na, e rawa beka me kau mai e dua na ivola mai na valenivola baleta na dainaso?”
“Io e rawa sara ga qori.”
Droini mai vei Jim Madsen