Taro kei na iSau Baleta na Yavu ni Lotu

Na cava e vakatokai kina na yaca ni Lotu vei Jisu?

A kaya o Jisu me vakatokai Vua baleta ni oqo e Nona Lotu (raica 3 Nifai 27:8). A tauyavutaka o Koya me vukea na noda lesu rawa vei TamadaVakalomalagi. E iliuliu ni Lotu o Jisu Karisito.

Na cava na ibalebale ni “edaidai”?

E kaya o Jisu, “Raica ena yaca ni noqu lotu na Lotu i Jisu Karisito ni Yalododonu Edaidai” (V&V 115:4). “Edaidai” e kena ibalebale na iotioti ni siga, na gauna sara ga eda bula tiko kina oqo.

Na cava na ibalebale ni “Yalododonu”?

Na “Yalododonu” e kena ibalebale o ira na lewe ni Lotu i Karisito. E tukuni tu ena ivolanikalou o ira na Yalododonu ena vuqa na veitabagauna.

Gauna ni Veiyalayalati Makawa: Na iVakarua 33:3; Same 30:4

Gauna ni Veiyalayalati Vou: 1 Korinica 1:2

Gauna ni iVola i Momani: 1 Nifai 14:14; Moronai 8:26

Gauna ni Josefa Simici: Vunau kei na Veiyalayalati 57:1; 84:2

Nikua, era sa vakatokai talega na lewe ni Lotu me ra Yalododonu.

A tauyavutaka vakacava o Jisu Karisito na Nona Lotu?

A tauyavutaka o Jisu na Nona Lotu ni a tiko e vuravura, ena gauna a sikova kina na vanua o Amerika, ena nona a vakalesuya vei Parofita Josefa Simici. A vakavulica na kosipeli ena veigauna yadua a digitaki ira kina e le Tinikarua na iApositolo se tisaipeli me ra vukei Koya ena kena tarai cake na matanitu ni Kalou e vuravura (raica Marika 16:14–15; 3 Nifai 12:1).

A kaciva talega o Jisu e dua na parofita me na liutaka na Lotu E parofita na Peresitedi ni Lotu. A kacivi Josefa Simici o Jisu me isevu ni parofita ena iotioti ni gauna oqo. Sa ika 16 ni Peresitedi ni Lotu o Thomas S. Monson Na parofita sai koya duadua ga ena ciqoma tiko na ivakatakila me baleta na Lotu.

Na iApositolo Le Tinikarua ena gauna ni Veiyalayalati Vou.

Na Tinikarua na Tisaipeli ena gauna ni iVola i Momani.

Na iApositolo Le Tinikarua e nikua

Sa isevu ni Peresitedi ni Lotu o Josefa Simici

Na ika 16 ni Peresitedi ni Lotu o Thomas S. Monson

O ira na Parofita Edaidai

Era na vukei Jisu vakacava o ira na iliuliu ni Lotu?

O ira kece na iliuliu ni Lotu era na vukei Jisu ni ra qaravi ira na lewe ni Lotu.

Ena dusimaki ira na iApositolo Le Tinikarua na parofita.

O Iratou na iApositolo ena dusimaka na Kuoramu ni Vitusagavulu.

Na Kuoramu ni Vitusagavulu ena vukei iratou na iApositolo me ra vakavulici ira na peresitedi ni iteki kei na tikina.

Ena vukei ira na bisopi kei na peresitedi ni tabana o ira na peresitedi ni iteki kei na tikina.

Ena veitabanalevu kei na tabana, o ira na bisopi kei na peresitedi ni tabana era na dusimaki ira na peresitedi ni iSoqosoqo ni Veivukei, peresitedi ni Cauravou kei na Goneyalewa, peresitedi ni Lalai, peresitedi ni Matawilivola ni Sigatabu, dauveituberi ni matavuvale kei na dauveisiko, kei na so tale.

Era na veiqaravi vei keda ena tabanalevu kei na tabana o ira na iliuliu kei na dauveituberi.

Mo na vukei Jisu vakacava?

O na vukei Koya ni ko muria na Nona ivakaro. Ko na vukei Koya ena nomuni vakarorogo vua na parofita. Ko na vukei Koya ni ko vulica na veika e baleti Koya ni ko lai lotu ka wilika na ivolanikalou. Ko na vukei Koya ni ko digitaka na ka dina. Ni ko vakayacora na veika oqo, ko sa vakavakarau tiko mo dua na iliuliu ena Nona Lotu, na Lotu i Jisu Karisito ni Yalododonu Edaidai. ●

Raica na Ligaqu kei na Yavaqu, mai vei Harry Anderson; O Iratou na Nifai, maivei Gary L. Kapp; itaba vakadroini mai vei welden c. andersen; ivakaraitaki i Josefa Simici Jr.,lolomataka na Community of Christ Archives, Independence, Missouri; itaba kei Peresitedi Monson mai vei David Newman