Mai na Bula nei Parofita Josefa Simici

Tiko Sautu kei Ira na Nona Meca

Lavetaki mai na Nodra iVakavuvuli na Peresitedi ni Lotu: Josefa Simici(lewe ni vuli ni Matabete i Melikiseteki kei na iSoqosoqo ni Veivukei, 2007), 391–93.

Ena dua na siga a laki sikova na Parofita na nodrau itikotiko na nona itubutubu e Far West, era a qai curu vakaukauwa yani ena katuba eso na lewenivanua vakayaragi.

O cei eke o Joe Smith?

Keitou na vakamatei koya!

A tucake sara yani o Josefa, matadredredre yani vei ira, ka lululu kei ira.

Oi au o Josefa. Dou bula. Mai dou dabe mada.

Era kidroa ni sa vosa vei ira na Parofita.

Keimami na Momani keimami vakabauti Jisu Karisito ka gadreva na tiko sautu. Ia keimami sa vakacacani sara vakalevu ena vica na vula sa oti oqo mai na gauna keimami a toki kina ki Missouri. Au kila, ni sega ni dua a voroka na lawa. Ia kevaka e dina, keimami sa tu vakarau me keimami veilewaitaki.

Tinaqu, au vakabauta meu sa gole ki vale. Sa na waraki au tiko mai o Emma.

Mo kakua ni lako taudua, ni sega ni vinaka.

Keitou na lako vata kei iko ka na taqomaki iko.

Vinaka vakalevu.

Keitou yalataka me sa vakawabokotaki na neitou ilawalawa oqo ka gole i vale.

Ke o gadrevi keitou, keitou na lesu mai ka vakayacora na veika ga o gadreva.

Ena tautuba ni vale nei itubutubu i Josefa, era sa veivosaki vakai ira na tamata oqo me baleta na Parofita.

O vakila e dua na ka duatani ni o lululu vata kei koya? E se bera vakadua niu vakila vaka o ya ena noqu bula.

Sa vaka au sega ni yavala rawa. Au na sega ni vinakata meu tara e dua na drau ni ului koya na tamata o ya ena vuku i vuravura taucoko.

Oqo na iotioti ni gauna mo na raici au tale kina meu mai via vakamatei Joe Smith se o ira na Momani.

Droini mai vei Sal Velluto kei Eugenio Mattozzi