faamatalaga

Fesoasoani e Alualu Ai i Luma

Ou te faafetai lava mo le Liahona i lo’u olaga. Matou te faaaogaina ma lo’u aiga le Liahona i lesona mo afiafi faaleaiga ma ia fesoasoani ai i tagata sailiili ia aoao atili e uiga i le Ekalesia. Ae o le mea taua lava, ua fesoasoani le Liahona ou te alualu ai i luma. E ala mai i tusiga, ou te lagona ai se naunautai tele e fai le mea e sili atu, ma ou te faatutuina ni sini e faatatau i aoaoga o loo tuuina mai i tusiga. Ou te fiafia i le talalelei toefuataiina a Iesu Keriso ma le avanoa ua ia tuuina mai tatou te alualu ai i luma i aso taitasi.

Graziele Luiza Ramos de Freitas, Pasila

Faitauga Faaleagaga

O le Liahona o se faamanuiaga maoae, ma ou te maua ai lava le fiafia pe a ou faitau i ai. O nisi taimi ou te faameaalofaina ai le Liahona ina ia mafai ona maua e isi tagata se aafiaga faaleagaga i le faitauina. Sa ou fiafia lava i le saunoaga a Peresitene Thomas S. Monson i le vaega a tamaiti o le lomiga o Aperila 2008 na faaautuina “O Alalaupapa e Tolu.” O mea uma ua ia ta’uina mai ia i tatou e taua ina ia tatou lagona ai le filemu faaleagaga ma ia ola i se olaga e tatau ai ma poloaiga a le Alii. O le Liahona o se tusi faitau matagofie faaleagaga.

Eleanor Grimaldi, Dominican Republic