Manatu mo Afiafi Faaleaiga

O nei fautuaga faaleaoaoga e mafai ona faaaoga i potuaoga faapea foi i le aiga. E mafai ona e fetuunaia nei manatu i lou aiga po o le vasega.

“O Le A le Uiga o le Togiola ia te Oe?” i. 14: Fai atu i tagata o le aiga e fetufaai mai mea uma latou te iloa e uiga ia Nifae. Fesili atu pe aisea ua latou manatu ai sa fiafia o ia e ui ina sa fetaiai o ia ma tofotofoga faigata (tagai 2 Nifae 5:27). Otooto le vaega “O Le Fiafia e ala i le Togiola.” Ia talanoaina pe na faapefea ona taulimaina e Nifae ona faafitauli ma pe faapefea ona faatatau lana tali atu i lou aiga. Faaiu i le faitauina o parakalafa faaiu e lua o le tusiga.

“Aoaoina ma le Au Paia o Aso e Gata Ai,” i. 26: A o le’i faia le afiafi faaleaiga, ia faitau le tusiga ona filifili lea o ni parakalafa o le a i ai se aoga tele i lou aiga. Fai atu i tagata o le aiga e faitau ia parakalafa ua filifilia ma ia talanoaina mea na latou faitauina. Faaiu i le faitauina o parakalafa mulimuli e lua o le tusiga.

“O Folafolaga a se Perofeta,” i. U6: A uma ona faitau le tusiga, tuu atu i tagata o le aiga e pule lava i se mea e sue i ai a latou tusitusiga paia ma taumafai e faitau se fuaiupu ae faau luga i lalo. Ia talanoaina pe mafai faapefea ona faamanuiaina tagata taitoatasi o le aiga i le faitauina e le aunoa o tusitusiga paia. Toe faitau le folafolaga na tuuina mai e Peresitene Ezra Taft Benson (tagai i le amataga o le tusiga), ma ia faatu se sini e faaauau le faitauina e le aunoa o tusitusiga paia.

“Fiafia e Aoao,” i. U12: Fai atu i tamaiti e feauauai i le faatinoina o se galuega e aunoa ma le tautatala, ae mate atu e isi po o le a lea galuega. Ia talanoaina po o a mea e tatau ona aoaoina e tagata o le aiga ina ia mafai ona faigaluega ai i lena galuega. Faitau le tala. Ta’u mai mea na tatau ona iloa e Russell ona faatoa mafai lea ona ia aoao e uiga i tainasoa. Faaiu i le faitauina o le Mataupu Faavae ma Feagaiga 88:118.