Mai le Laveai Bondi i le Laveai o Baguio

O Blake McKeown, na lauiloa o le tagata “fou” o le laveaiola i le faaaliga a le televise Ausetalia o le Laveai Bondi, na tuua lana galuega i le matafaga ia Me ua tuanai ina ia faataunuu se isi ituaiga o laveai. Sa ia taliaina se valaauga faamisiona e auauna atu i Baguio, Filipaina. Sa ia fetufaai atu lenei tala fou ma ona lagona i ana aumea ma le au maimoa i le faaaliga.

“Ina ua ou iloaina o le a ou alu i Filipaina, sa matuā o’u fiafia lava,” o lana tala lea. “E mautinoa lava o le a ou misia le matafaga, ae o le alu atu i se misiona e taua tele ia te a’u. O se mea lea na ou galue agai i ai i lo’u olaga atoa.”

Fai mai Blake, “E leai se mea na sili atu ona ou fia faia mo le lua tausaga ua mavae nai lo le faigaluega ai i le matafaga—o le galuega aupito manaia lea i le lalolagi—ae mo le isi lua tausaga o le a sosoo ai, e leai se isi mea e sili atu ona ou manao e fai nai lo le auauna atu i se misiona. O Le Ekalesia a Iesu Keriso o le Au Paia o Aso e Gata Ai, e le o se ekalesia e na o lou faapea lava o oe o sona vaega; o se ekalesia e tatau ona e ola ai. O lo’u ola lea. Semanu o a’u o se tagata e matua ese mamao pe ana leai le Ekalesia.”

Ua taliaina e Blake McKeown mai le faaaliga i le televise Laveai Bondi se valaauga e auauna atu i se misiona i Filipaina.