Fesili ma Tali e uiga i le Faatulagaga o le Ekalesia
Aisea ua faaigoa ai le Ekalesia ia Iesu?
Na fetalai Iesu, e faaigoa ia te Ia aua o Ia e ana le Ekalesia (tagai 3 Nifae 27:8). Na Ia faatuina e fesoasoani ina ia tatou toe foi atu ai i le Tama Faalelagi. O Iesu Keriso o le faaao o le Ekalesia.
O le a le uiga o le “aso e gata ai”?
Na fetalai Iesu, “Aua e faapea lava ona ta’ua la’u ekalesia i aso e gata ai, O Le Ekalesia a Iesu Keriso o le Au Paia o Aso e Gata Ai” (MFF 115:4). O le uiga o le “aso e gata ai” o aso mulimuli, o le taimi o loo tatou ola ai nei.
O le a le uiga o le upu “Au Paia”?
O le “Au Paia” o lona uiga o tagata o le Ekalesia a Keriso. O loo ta’u mai e tusitusiga paia e uiga i le Au Paia i le tele o vaitaimi.
Taimi o le Feagaiga Tuai: Teuteronome 33:3; Salamo 30:4
Taimi o le Feagaiga Fou: 1 Korinito 1:2
Taimi o le Tusi a Mamona: 1 Nifae 14:14; Moronae 8:26
Taimi o Iosefa Samita: Mataupu Faavae ma Feagaiga 57:1; 84:2
I aso nei, o loo ta’ua foi tagata o le Ekalesia o le Au Paia.
Na faapefea ona faatulaga e Iesu Keriso ia Lana Ekalesia?
Na faatulagaina e Iesu Keriso ia Lana Ekalesia a o i ai o Ia i le lalolagi, ina ua Ia asiasi atu i le konetineta o Amerika, ma ina ua Ia toefuataiina mai e ala i le Perofeta o Iosefa Samita. O ia taimi taitasi na Ia tofia ai Aposetolo e Toasefululua po o le au soo e fesoasoani ia te Ia i le fausiaina o le malo o le Atua i luga o le fogaeleele e ala i le aoao atu o le talalelei (tagai Mareko 16:14–15; 3 Nifae 12:1).
Ua valaauina foi e Iesu se perofeta e taitaia le Ekalesia. O le Peresitene o le Ekalesia o le perofeta lea. Na valaauina e Iesu ia Iosefa Samita e avea ma perofeta muamua o aso e gata ai. O Thomas S. Monson o le Peresitene lona 16 o le Ekalesia. O le perofeta ua na o le pau lea o le tagata e mafai ona ia maua faaaliga mo le Ekalesia aoao.
E Sefululua Aposetolo i le vaitaimi o le Feagaiga Fou
Sefululua soo i le vaitaimi o le Tusi a Mamona
O Perofeta o Aso e Gata Ai
O Iosefa Samita, o le Peresitene muamua o le Ekalesia
O Thomas S. Monson, o le Peresitene lona 16 o le Ekalesia
E faapefea ona fesoasoani o tatou taitai faale-Ekalesia ia Iesu?
O taitai uma o le Ekalesia e fesoasoani ia Iesu e ala i le auauna atu i isi tagata o le Ekalesia.
O le perofeta na te taitaiina Aposetolo e Toasefulua.
O Aposetolo e taitaiina le Korama a Fitugafulu.
O Korama a Fitugafulu e fesoasoani i le Au Aposetolo i le aoaoina o peresitene o siteki ma itu.
O peresitene o siteki ma itu e fesoasoani i epikopo ma peresitene o paranesi.
I totonu o uarota ma paranesi, o epikopo ma peresitene o paranesi e taitai i peresitene o le Aualofa, peresitene o Alii Talatou ma Tamaitai Talavou, peresitene o le Peraimeri, peresitene o le Aoga Sa, faiaoga o aiga ma faiaoga asiasi, ma isi taitai.
O taitai ma faiaoga i totonu o uarota ma paranesi latou te tautuaina i tatou uma lava.
E mafai faapefea ona e fesoasoani ia Iesu?
E te fesoasoani ia Iesu pe a e tausia Ana poloaiga. E te fesoasoani ia te Ia e ala i le mulimuli i le perofeta. E te fesoasoani ia te Ia pe a e aoao e uiga ia te Ia e ala i le auai i le lotu ma faitau i tusitusiga paia. E te fesoasoani ia te Ia pe a e filifilia le mea sa’o. O le faia o nei mea, ua e saunia ai e avea ma se taitai i le lumanai i Lana Ekalesia, O Le Ekalesia a Iesu Keriso o le Au Paia o Aso e Gata Ai.
Vaai i O’u Lima ma [O’u] Vae, na saunia e Harry Anderson; Sa Nifae e Toatolu, na saunia e Gary L. Kapp; ata na saunia e Welden C. anderson; faamatalaga o Iosefa Samita le Itiiti., faaaloaloga a le Community of Christ Archives, Independence, Misuri; ata pue o Peresitene Monson na saunia e David Newman