O Le Ekalesia i Hanikeri

I le 1887 na liliu ai le alii Hanikeri o Mischa Markow e latalata i Constantinople (Istanbul), i Take. I le 1899 sa auauna atu ai o ia o se faifeautalai i lona atunuu moni, ae na taofia o ia ma faatulaiese mai ma Hanikeri ona o lana talaiga. Sa taumafai o ia e fetufaai atu le talalelei i atunuu tuaoi, ae ina ua mavae le tele o faafitauli iina, na faapea ona talai atu ai Elder Markow ma lana soa i Temesvár, Hanikeri, seia oo ina aveese faamalosi i laua e le malo. O le aso a o le’i o ese i laua, na la papatisoina ma faamauina ai ni tagata se toa 12 ma tofia ni taitai mo se aulotu e toa 31 ona tagata.

A o le’i oo i le Taua I a le Lalolagi, ae ua atoa le 106 o tagata na auai i le Ekalesia i Hanikeri. O faigata faaupufai na faatapulaaina ai le galuega faafaifeautalai seia oo i le vaitau o le 1980.

Ia Iuni 1988 na tuuina mai ai e Hanikeri i le Ekalesia lona aloaiaina faaletulafono. E tasi le tausaga mulimuli ane, ae faapaiaina e Peresitene Thomas S. Monson le uluai falelotu i le atunuu. Na faatuina le Misiona a Hanikeri Budapest ia Iuni 1990.

O ni nai mea moni nei e uiga i le Ekalesia i Hanikeri i le vaitaimi lenei:

Tagata auai	4,253
Misiona	1
Uarota ma paranesi	19
Nofoaga autu o talafaasolopito o aiga	5