Հարեր և պատասխաններ Եկեղեցու կազմակերպության մասին

Ինչո՞ւ է Եկեղեցին անվանվել Հիսուսի անունով:

Հիսուսն ասաց կոչել այն Իր անունով, որովհետև դա Նրա Եկեղեցին է (տես 3 Նեփի 27.8): Նա կազմակերպեց այն՝ օգնելու համար մեզ վերադառնալ Երկնային Հոր մոտ: Հիսուս Քրիստոսը Եկեղեցու գլուխն է:

Ի՞նչ է նշանակում «վերջին օրեր»:

Հիսուսն ասել է. «Քանզի այսպես պիտի կոչվի իմ եկեղեցին վերջին օրերին, այսինքն՝ Հիսուս Քրիստոսի Վերջին Օրերի Սրբերի Եկեղեցի» (ՎևՈւ 115.4): «Վերջին օրեր»-ը այն ժամանակն է, որում մենք ապրում ենք:

Ի՞նչ է նշանակում «Սրբեր» բառը:

«Սրբեր» նշանակում է Քրիստոսի Եկեղեցու անդամներ: Սուրբ գրությունները պատմում են Սրբերի մասին տարբեր ժամանակներում:

Հին Կտակարանի ժամանակներ. Երկրորդ Օրինաց ԼԳ.3; Սաղմոս Լ.4

Նոր Կտակարանի ժամանակներ. Ա Կորնթացիս Ա.2

Մորմոնի Գրքի ժամանակներ. 1 Նեփի 14.14; Մորոնի 8.26

Ջոզեֆ Սմիթի ժամանակներ. Վարդապետություն և Ուխտեր 57.1; 84.2

Այսօր Եկեղեցու անդամները նույնպես կոչվում են Սրբեր:

Ինչպե՞ս Հիսուս Քրիստոսը կազմակերպեց Իր Եկեղեցին:

Հիսուսը կազմակերպեց Իր Եկեղեցին, երբ Նա ապրում էր երկրի վրա, երբ Նա այցելեց Ամերիկյան մայրցամաք, և երբ Նա վերականգնեց այն Մարգարե Ջոզեֆ Սմիթի միջոցով: Ամեն անգամ Նա ընտրում էր Տասներկու Առաքյալների կամ աշակերտների, որոնք օգնում էին Իրեն երկրի վրա կառուցել Աստծո արքայությունը, քարոզելով ավետարանը (տես Մարկոս ԺԶ.14–15; 3 Նեփի 12.1):

Հիսուսը նաև կանչում է մարգարե, որը ղեկավարում է Եկեղեցին: Եկեղեցու Նախագահը մարգարե է: Հիսուսը կանչեց Ջոզեֆ Սմիթին լինելու վերջին օրերի առաջին մարգարեն: Թոմաս Ս. Մոնսոնը Եկեղեցու 16-րդ Նախագահն է: Մարգարեն միակ անձն է, որը կարող է հայտնություն ստանալ ողջ Եկեղեցու համար:

Տասներկու Առաքյալները Նոր Կտակարանի ժամանակներում

Տասներկու աշակերտները Մորմոնի Գրքի ժամանակներում

Տասներկու Առաքյալները այսօր

Ջոզեֆ Սմիթ՝ Եկեղեցու առաջին Նախագահ

Թոմաս Ս. Մոնսոն՝ Եկեղեցու 16-րդ Նախագահ:

Վերջին օրերի Մարգարեներ

Ինչպե՞ս են մեր Եկեղեցու ղեկավարները օգնում Հիսուսին:

Եկեղեցու բոլոր ղեկավարները օգնում են Հիսուսին՝ ծառայելով Եկեղեցու մյուս անդամներին:

Մարգարեն ղեկավարում է Տասներկու Առաքյալներին:

Առաքյալները ղեկավարում են Յոթանասունի Քվորումները:

Յոթանասունի Քվորումը օգնում է Առաքյալներին ուսուցանել ցցերի և շրջանների նախագահներին:

Ցցերի և շրջանների նախագահները օգնում են եպիսկոպոսներին և ճյուղերի նախագահներին:

Ծխերում և ճյուղերում, եպիսկոպոսները և ճյուղերի նախագահները ղեկավարում են Սփոփող Միության նախագահներին, Երիտասարդ Տղամարդկանց և Երիտասարդ Կանանց նախագահներին, Երեխաների Միության նախագահներին, Կիրակնօրյա Դպրոցի նախագահներին, տնային և այցելող ուսուցիչներին և մյուս ղեկավարներին:

Ղեկավարները և ուսուցիչները ծխերում և ճյուղերում ծառայում են մեզ բոլորիս:

Ինչպե՞ս դուք կարող եք օգնել Հիսուսին:

Դուք օգնում եք Հիսուսին, երբ պահում եք Նրա պատվիրանները: Դուք Նրան օգնում եք, երբ հետևում եք մարգարեին: Դուք օգնում եք Նրան, երբ սովորում եք Նրա մասին, հաճախելով եկեղեցի և կարդալով սուրբ գրությունները: Դուք օգնում եք Նրան, երբ ընտրում եք ճիշտը: Այդ ամենը կատարելով, դուք պատրաստվում եք լինելու Նրա Եկեղեցու, Հիսուս Քրիստոսի Վերջին Օրերի Սրբերի Եկեղեցու, ապագա ղեկավարը:

Տես Իմ ձեռքերը և ոտքերը, Հարի Անդերսոն; Երեք Նեփիացիները, Գարի Լ. Քեպ; Տասներկու Առաքյալների Քվորումի լուսանկարը Քրեգ Դայմոնդի կողմից; լուսանկարը Քրիստինա Սմիթի կողմից; հատված Ջոզեֆ Սմիթ Կրտ., տրամադրել է Community of Christ Archives, Ինդեփենդենս, Միսսուրի, Նախագահ Մոնսոնի լուսանկարը Դեյվիդ Նյումենի կողմից