Եկեք լսենք Մարգարեին
Ապահով վերադառնալ Երկնային Հոր մոտ
2007թ. ապրիլի գերագույն համաժողովի ելույթից
Նախագահ Ուխդորֆը ուսուցանում է, որ Քավության շնորհիվ մենք կարող ենք ապաշխարել և միշտ հույս ունենալ:
Ապահով վերադարձի կետը
Օդաչու դառնալու համար իմ ուսուցման ժամանակ ես սովորեցի ինչպես վարել օդանավը երկար տարածությունների վրա: Ահռելի մեծության օվկիանոսների, լայն անապատների վրայով և մայրցամաքների միջև թռիչքները մանրակրկիտ պլանավորում էին պահանջում, որպեսզի հնարավոր լինել ապահով հասնել նախատեսված վայրը: Առանց կանգառի այդ թռիչքները կարող էին երբեմն տևել մինչև 14 ժամ և անցնել 14,500 կմ տարածություն:
Այդ երկարատև թռիչքների ժամանակ կա որոշիչ մի կարևոր կետ, որը կոչվում է ապահով վերադարձի կետ: Մինչև այդ կետը օդանավը ունի բավական վառելիք, որպեսզի շրջվի և ապահով վերադառնա թռիչքի ելման օդանավակայան: Ապահով վերադարձի այդ կետն անցնելուց հետո օդանավի հրամանատարը կորցնում է այդ հնարավորությունը և պետք է շարունակի թռիչքը: Այդ պատճառով է այդ կետը հաճախ կոչվում կետ, որից ետադարձ չկա:
Երբեք ուշ չէ
Սատանան ցանկանում է մենք մտածենք, որ երբ մեղք ենք գործում, մենք անցնում ենք «կետը, որից ետադարձ ուղի չկա», այսնիքն, որ շատ ուշ է փոխել մեր ուղղությունը: Հիսուս Քրիստոսի Քավությունը Իր զավակներին Աստծո պարգևն է, որը հնարավորություն է տալիս ուղղել կամ հաղթահարել մեղքի հետևանքները: Քրիստոսն եկավ մեզ փրկելու: Եթե մենք սխալ ուղի ենք բռնում, Հիսուս Քրիստոսի Քավությունը մեզ հավաստիացում է տալիս, որ մեղքը անդառնալի կետ չէ: Ապահով վերադարձը հնարավոր է, եթե մենք հետևենք մեր փրկության համար տրված Աստծո ծրագրին:
Միշտ հույս կա
Կյանքի այս ճանապարհորդության ժամանակ որտեղ էլ որ դուք գտնվեք, ինչպիսի փորձությունների էլ որ հանդիպեք, միշտ կա ապահով վերադարձի կետ, միշտ հույս կա: Դուք ձեր կյանքի հրամանատարն եք, և Աստված ծրագիր է պատրաստել, որպեսզի ձեզ ապահով բերի ետ՝ Իր մոտ, ձեր աստվածային նպատակին:
Հիսուս Քրիստոսի Քավության պարգևը միշտ և ցանկացած վայրում մեզ ապաշխարության և ներման օրհնություններ է տալիս: Այդ պարգևի շնորհիվ մենք բոլորս ունենք մեղքի աղետալի ճանապարհից ապահով ետդարձի հնարավորություն: Երջանկությունն այս կյանքում և հավերժական ուրախությունը գալիք կյանքում կլինեն մեր պարգևատրումը նրա համար, որ մենք ընդունեցինք և կիրառեցինք մեր Երկնային Հոր այս պարգևը:
Նկարները՝ Սքոթ Գրիերի