Dali Paminaw sa Tingog sa usa ka Propeta
Bulahan ang mga Tigpasiugda sa Kalinaw
Gikan sa pakigpulong sa Unibersidad sa Brigham Young nga gihatag niadtong Pebrero 6, 1994.
Kon motan-aw kamo sa inyong pamantalaan ug sa inyong telebisyon, dili kaayo kamo makakita og kalinaw. Kada adlaw ang mga balita puno sa bayolente sa tibuok kalibutan.
Ang Manluluwas miingon, “Ug bulahan ang tanan nga tigpasiugda sa kalinaw, kay sila pagatawgon nga mga anak sa Dios” (3 Nephi 12:9).
Sa dihang nabasa nako kana isip usa ka batang lalaki, naghunahuna ako mahitungod sa saad. Dili man kaayo mahimayaon paminawon. Pero akong nakita karon nga ang saad mahimayaon ug sigurado. Kadtong kinsa makabaton og kinabuhing dayon mga anak sa Dios.
Ako mopamatuod nga ang Dios nakaila kaninyo. Iyang gimahal kadtong anaa sa inyong palibut, ug Siya nahigugma kaninyo. Kamo Iyang mga disipulo, ug kana nakapahimo kaninyo nga kahayag ngadto sa mga tawo. Kon kamo mobuhat uban sa hugot nga pagtuo sa pagtanyag sa ebanghelyo ug kalinaw niadtong anaa sa inyong palibut, ilang mabatyagan ang kahayag sa Manluluwas. Kamo mitudlo sa agianan.
Ako mopamatuod kaninyo nga ang Dios buhi; si Jesus mao ang Kristo. Akong gibati ang Iyang gugma alang kaninyo. Ako nasayud nga ang Manluluwas nagsulti sa kamatuoran sa dihang Siya miingon, “Bulahan ang tigpasiugda sa kalinaw.”
Ang Dili Malinawon nga Family Home Evening
Adunay mga panahon nga ang matag panimalay nagkinahanglan og tigpasiugda sa kalinaw. Si Presidente ug Sister Eyring adunay upat ka mga anak nga lalaki ug duha ka mga anak nga babaye. Kausa sa dihang ang ilang anak mga gagmay pa, si Presidente Eyring nagtudlo og leksyon sa family home evening mahitungod sa kalinaw. Samtang siya nagtudlo, iyang namatikdan nga ang iyang duha ka gagmayng mga lalaki nagpinatiray! Apan sa dihang midako na ang duha ka mga batang lalaki, nakat-on sila unsaon nga mahimong tigpasiugda sa kalinaw ug nahimong labing suod nga higala sa usag usa ug mga tigtabang.
Kanus-a ang mga higayon nga ang inyong pamilya nagkinahanglan og tigpasiugda og kalinaw? Unsa ang inyong mabuhat aron sa pagtabang?
Tigpasiugda sa Kalinaw Gipangita!
Aniay sitwasyon nga ang usa ka tigpasiugda sa kalinaw gikinahanglan. Ipahimutang ang mga litrato sa han-ay gikan sa una hangtud sa katapusan aron makita kon sa unsa nga paagi nga ang tinguha sa usa ka bata nga mahimong tigpasiugda sa kalinaw makaapekto sa iyang pamilya.
A
B
C
D
Giunsa Nato Pagkuha ang mga Kabulahanan
“Bulahan ang magbubuhat og kadaitan” mao ang usa sa mga pagtulun-an ni Jesus nga gitawag og “ang mga Kabulahanan” (tan-awa sa Mateo 5:1–11). Ang mga Kabulahanan mao ang mga pamaagi sa pagpuyo og usa ka malipayon nga kinabuhi. Ang matag usa nagsulti og usa ka panalangin nga atong madawat kon kita mosunod sa usa ka pagtulun-an. Sa ingon niini nato nakuha ang mga Kabulahanan:
1. Usa ka adlaw ang pundok sa mga tawo nagsunod ni Jesus. Nakadungog sila nga Siya moayo sa mga tawo ug mohimo og ubang mga milagro. Gusto silang makadungog Kaniya nga motudlo.
2. Duol ra si Jesus sa usa ka bungtod, o bukid. Mitungas Siya og gamay sa kilid sa bungtod ug mihatag og pakigpulong, o wali.
3. Sa Iyang wali, si Jesus mitudlo sa mga tawo kon unsaon nila sa pagpuyo aron ang Dios makapanalangin kanila. Ang pulong kabulahanan nagpasabut nga “mahimong malipayon” o “mahimong mapanalanginan.”
4. Ang pakigpulong nga gihatag ni Jesus nianang adlawa gitawag og Wali sa Bukid. Human Siya mabanhaw, si Jesus mihatag og susama nga wali ngadto sa mga tawo sa Amerika sa dihang Iyang gibisitahan sila (tan-awa sa 3 Nephi 12:3–11).
Prinsipe sa Kalinaw, ni Simon Dewey; litrato sa pati © Corbis; Wali sa Bukid, ni Harry Anderson; mga paghulagway ni Beth Whittaker