Pagdula sa Kasulatan diha sa Family Home Evening

Scott ug Connie Mooy, Utah, USA

Sa dihang ang among mga anak mga preschooler pa, usahay maglisud kami sa pagkuha sa ilang atensyon sa family home evening. Usa ka semana niana nagplano kami og usa ka leksyon sa pagkamasulundon, ang akong asawa ug ako nagkasabut nga among ipakigbahin ang istorya ni Ammon. Gibati usab namo nga human namo mapakigbahin ang istorya gikan sa scripture reader, kinahanglan nga among paningkamutan ang pagdrama niini. Nagpundok kami og mga dulaan nga hayop para sa karnero ug mihimo og yanong espada nga papel. Ang among mga anak ganahan niini ug mihangyo nga buhaton kini og balik-balik. Sa ulahing bahin niana nga semana, nangutana ang duha kon unsa nga istorya ang among i-drama pagkasunod Lunes.

Sa milabay nga pipila ka sunod nga mga tuig, among iapil ang “pagdrama sa kasulatan” diha sa among mga family home evening sa makadaghan nga higayon. Ang among mga anak sa kasagaran motabang kanamo sa pagpangita o paghimo og yanong mga kagamitan human namo maribyu ang istorya atol sa pagbasa sa kasulatan sa pamilya. Makita man gani namo sila nga magpraktis sa mga istorya panahon sa ilang pagdula.

Among gidrama si Nephi nga mikuha sa mga palid, si Noe nga nagbuhat og arka, si David nga nakig-away ni Goliath, ang mga kasinatian sa mga pioneer, ug daghan pa. Among gipasabut ang mga baruganan sa ebanghelyo samtang kami magkat-on niini nga mga ehemplo, ug ang among mga anak nakahimo sa pagpamatuod kon giunsa kami sa pagtabang sa Langitnong Amahan sa susamang paagi karon.