Ang Dili Tarung nga Costume

Alang sa katapusan nga tuig nga programa sa akong eskwelahan, naghimo kami og kanta-kanta. Naghinam-hinam kaayo ko, ilabi na nga ako adunay bahin. Miapil ako sa tanang mga rehearsal bisan og walay makadrayb nako didto. Apan sa dihang ang among magtutudlo mipakita sa costume nga among isul-ob, naguol ako. Dili kini tarung nga sinina.

Akong gisultihan ang akong magtutudlo nga dili ko mosul-ob sa costume, ug siya nasuko nako. Giingnan ko niya nga walay usa sa ubang mga babaye ang adunay problema sa costume ug kon dili ako mosul-ob niini, dili ako makaapil. Iyang gisulayan ang akong mama nga mamugos nako nga mosul-ob niini. Apan ako nasayud nga kinahanglan akong motuman sa mga sugo, mao nga ako miingon nga ako dili moapil.

Dayon, pipila ka mga adlaw sa wala pa ang programa, ang magtutudlo mikuha og bag-ong costume nga tarung nga sinina. Nalipay ako nga wala ako maghunahuna nga “kini lang kausa” OK ra nga magsinina og dili tarung.

Estera C., edad 12, uban sa tabang gikan ni Cecilia Squarcia, Italy