Pagtudlo og usa ka Higala

Christian S., edad 10, Arizona, USA

Miapil ako sa duha ka adlaw nga field trip uban sa laing grade five ug grade six aron magtuon og paleontology. Nakigbahin ako og kwarto sa motel uban sa akong tulo ka mga higala. Usa sa akong mga higala nakakita og Biblia sa usa ka drawer sa lamesa. Iyang gipakli ang pipila ka mga pahina ug dayon mihangyo kanako kon mahimo ba akong motabang sa pagbasa niini. Nasurprisa ako nga wala siya makahibalo sa bisan unsa nga mga istorya sa Biblia nga sa akong pagtuo nahibaloan sa tanan. Gitudloan nako siya mahitungod sa Paglalang, ni Adan ug Eva, ug sa Pagkabanhaw. Gisultihan usab nako siya mahitungod ni Joseph Smith. Akong gisulti kaniya ang pipila ka mga istorya nga akong nakat-unan sa Primary.

Pagkahuman, akong gibati nga kami kinahanglang mag-ampo. Akong gihangyo ang akong higala nga mag-ampo. Gigiyahan nako siya pinaagi sa pagsulti og usa ka hugpong sa mga pulong matag karon ug unya ug akong ipasubli kaniya. Mibati ako og kainit, ug ang akong higala miingon nga nindot ang iyang gibati.

Wala ako magdahum nga kana mahitabo sa field trip sa among eskwelahan. Nalipay ako nga sa dihang aduna akoy oportunidad nga mahimong usa ka misyonaryo, andam ako ug ako wala mahadlok nga mopakigbahin sa akong mga pagtuo.