Tamâraa i te Aua o te Hiero
I Kentucky, i te pae apatoa o te Fenua Marite, e mea ve‘ave‘a roa e te haumi i te pu‘e tau mahanahana. I te hoê mahana ua ite a‘era te taata e, te tupu ra te remu i ni‘a i te aua e haati ra i te Hiero no Louisville Kentucky. E ere te tahi noa remu iti – , e mea rahi râ!
No reira, ua opua a‘era te mau tamarii no te Paraimere no te Paroita Piti no Crestwood no te Tĭtĭ no Louisville Kentucky ia rave i te hoê ohipa no ni‘a i te reira. Ua faatupu a‘era ratou i te hoê ohiparaa i te hoê mahana mahanaha no te ava‘e Tiunu. « Ua rave matou i te mau ahu tamarô, te mau pakete pape e te pu‘a no te tamâ i te aua e ia tauturu ia vai mâ noa te fare o to tatou Metua i te Ao ra », te na reira ra o Sara M., e 10 matahiti. Ua parihia oia i te hou, tera râ, « e mea arearea roa no te mea tei ô nei pauroa to matou mau hoa ».
Te parau ra o Josh H., e 9 matahiti e, ua rohirohi rii oia i te tamaraa i te ni‘araa o te aua. Tera râ, ua farii oia e rave rahi tauturu. Fatata pauroa te mau tamarii o te Paraimere i tae mai, mai te mea ra e, e 75 te taatoaraa. E rave rahi o ratou tei arata‘i atoa mai i to ratou mau taea‘e e te mau tuahine e te mama, e te papa no te tauturu.
Ua ite mau tamarii e, tei roto ratou i te aua o te hiero, no reira ua tamata ratou ia faatura. E aita hoê taata i amuamu i te teimaha o te ohipa. « Ua titauhia ia matou ia uiui puai no te mea, e mea maoro i teie nei te vairaa te tutaeauri », te parau ïa a Megan H., e 6 matahiti. Tera râ, e mau‘araa maitai te taime. « Ua ite au e, te atuatu ra matou i te fare o to tatou Metua i te Ao ra ».
Mai te reira atoa te mana‘o o Sara. « Ua farii mau vau i te Varua no te mea, ua ite au e, ua oaoa te Metua i te Ao ra i to matou raveraa i te reira », ta’na ïa parau.
Ia oti a‘era te ohipa, ua putuputu a‘era te pupu i te Fare pureraa i piha‘i iho mai, no te amu i te ‘hot dog’ e no te aparau i ni‘a i te mea ta ratou i haapii mai.
E hinaaro rahi to te mau tamarii Paraimere ia tae‘a-oioi-hia te taime e ti‘a ai ia ratou ia haere i roto i te hiero no te rave i te mau bapetizoraa no te feia i pohe. No teie nei râ, te oaoa nei ratou i te iteraa e, ua taututu ratou i te faaneheneheraa i rapae – mai te au i te fare o te Metua i te Ao ra.
Aui: border © Artbeats; atau: faahoho‘araa na Steve Kropp; e hoho‘a na Todd Hall