Parau poro‘i na te mau Tuahine Hahaere

Faaamu i te U‘i o te tupu mai nei

A haapii i teie mau papa‘iraa mo‘a e te mau faahitiraa parau e aore râ, mai te mea e hinaarohia, a haapii i te tahi atu parau tumu o te haamaitai i te mau tuahine o ta outou e hahaere ra. A faaite i to outou iteraa papû no te parau haapiiraa. A ani manihini i te feia o ta outou e haapii ra ia faaite atoa i te mea o ta ratou i farii e i haapii mai.

PH&PF 123:11: « E ohipa tarahu ïa na tatou i te u‘i paatoa o te tupu mai nei ».

Eaha ta‘u Hopoi‘a i mua i te U‘i paatoa o te tupu mai nei ».

Elder Neal A. Maxwell (1926–2004) no te Pupu Tino Ahuru Ma Piti Aposetolo: « Faahereherehia e te Fatu no teie tau, [te u‘i paatoa o te tupu mai nei] e ti‘a ïa ia faahereherehia i teie nei… e ia faaineinehia no to ratou taime taa ê i roto i te aamu o te taata nei! Ua tape‘ahia ratou no te haere mai i teie tau, i teie nei râ e ti‘a ïa ia tura‘ihia ratou i mua ia tae ratou i ta ratou taime farereiraa. …

« E ere te feia apî i te mau taata taa ê e au ia faafariuhia. Te vai ra te taime e haamata to ratou aau i te fariu – i ni‘a i te Faaora e aora râ, i te fariu ê Ia’na. Eita taua mau taime faaotiraa mana‘o ra e nehenehe e faatupu-tamau-hia, tera râ, ia tupu ana‘e mai te reira, eiaha ïa e haamau‘a. E mea pinepine taua mau taime ra i te tupu i roto i te mau aparauraa hau e te tura i piha‘i iho i te mau metua, te mau papa ruau, te episekopo, te hoê ti‘a faatere paari, e aora râ, te hoê hoa parau ti‘a » (« Unto the Rising Generation », Ensign, Eperera 1985, 8, 10).

Elder Ronald A. Rasband no te Peresideniraa o te Hitu Ahuru: : »E mea faufaa ta tatou mau tautooraa maitai roa a‘e no to tatou u‘i o te tupu mai nei no te paturu e no te haapuai ia ratou i roto i to ratou tere e tae atu i te paariraa. … I roto i te mau ohipa atoa ta tatou e rave, i te mau vahi atoa ta tatou e haere, te Feia Mo‘a apî atoa ta tatou e farerei, e mea ti‘a ia tatou ia ite papû i te titauraa ua haapuai, ia faaamu, e ia riro ei faaururaa i te maitai i roto i to ratou oraraa » (« Our Rising Generation », Liahona, May 2006, 47).

Nahea e Ti‘a ai ia‘u ia Faaamu i te U‘i e Tupu mai nei ?

Peresideni Gordon B. Hinckley (1910–2008): »Eiaha roa’tu ia mo‘ehia ia outou e, teie mau tamarii rii, e mau tamaiti ïa e e mau tamahine ïa na te Atua e ta outou ohipa o te haapa‘o ïa ia ratou, i riro na ho‘i Oia ei metua hou a riro ai outou ei metua, e aita ho‘i Oia i faaru‘e i To’na ti‘araa metua e aora râ, To’na haapa‘o i teie mau tamarii Ta’na. … A faaamu i ta outou mau tamarii i roto i te here, i roto i te maa e te a‘o a te Fatu. A aupuru i ta outou mau tamarii rii. A farii poupou ia ratou i roto i to outou utuafare, e a faaamu e a here ia ratou ma to outou aau atoa. I roto i te mau matahiti i muri nei, e riro ratou i te rave i te tahi mau mea aita outou e hinaaro ia na reira ratou, tera râ, a faaoromai, a faaoroma‘i. Aita outou i pau mai te mea e, e tamata noa outou » (« Te mau Parau a te Peropheta », Liahona, me 1998, 26–27).

Julie B. Beck, peresideni rahi no te Sotaiete Tauturu : « Te auraa o te parau ra faaamu, o te faahoturaa ïa, te aupururaa, e te faatupuraa i te rahi. … No te faaamuraa, e titauhia te nahonaho, te faaoromai, te here e te ohipa. Te tautururaa ia faatupu i te rahi na roto i te faaamuraa, o te hoê ïa ohipa puai e te putapû tei tuuhia i ni‘a i te mau vahine » (« Te mau metua vahine tei ite », Liahona, Nov. 2007, 76, 77).

Barbara Thompson, tauturu piti i roto i te peresideniraa rahi o te Sotaiete Tauturu : « Tatou te mau tuahine no te Sotaiete Tauturu, e nehenehe ta tatou e tauturu te tahi i te tahi no te haapuai i te mau utuafare. Ua horo‘ahia ia tatou te mau rave‘a no te tavini i roto i te mau ti‘araa e rave rahi. E farerei tamau tatou i te tamarii e te feia apî o te hinaaro ra i te mea tei ti‘a ia tatou ia pupu. Outou e te mau tuahine paari, e mea rahi roa ta outou mau a‘oraa e te iteraa maitai no te horo‘a i roto i te mau metua vahine apî a‘e. I te tahi taime e parau e aora râ, e rave te hoê ti‘a faatere Feia apî Tamahine e aora râ, te orometua haapii paraimere i te mea e titauhia no te haapapû faahou i te mea ta te hoê metua e tamata ra i te haapii. E e mea papû maitai e, aita i titauhia ia tatou i te hoê piiraa taa ê no te tauturu i te hoê hoa e aora râ, te hoê taata tupu » (« I Will Strengthen Thee; I Will Help Thee », Liahona, Nov. 2007, 117).

Hoho‘a faahoho‘araa e te faataaraa na Craig Dimond