Faaiteraa i te Iteraa Papû

Maria Kaneva, Blagoevgrad, Bulgaria

« O vau te matamua e haere », te parau ïa a Irinka pauroa te Sabati matamua o te ava‘e. Ma te tapea papû to’na rima i ni‘a i te terono e ma te mata oaoa, e faaitoito oia. E iva ana‘e matahiti to Irinka, mai te mea ra râ e, o oia ïa te mea itoito ade i roto i tera e va‘u melo o te haere tamau mai nei i te pureraa i roto i ta’na amaa i Bulgarie.

Hou a ti‘a ai oia i ni‘a, e tia‘i o Irinka no te hi‘o e, e haere anei te tahi taata e faaite i te iteraa papû matamua. Pauroa te taata e hi‘o tapuni noa ia’na ma te amo i te mata e ma te tia‘i ia haere oia i mua. I te pae hopea, ma te ata rahi, e haere oia i te terono ra. Ua tuu maira te peresideni amaa i te hoê parahiraa no te ti‘a i ni‘a iho ia nehenehe ia’na ia ite i te mau melo. Ua hi‘o atura o Irinka i ta amuiraa, oia ana‘e te marii i roto i te Paraimere, e ua haamata ihora i te paraparau.

Aita oia i haamâ i te hi‘oraa mai te taata ia’na. Ua faaroo te mau melo i to’na reo maru. A paraparau ai oia no ni‘a i te Mesia, te mau papa‘iraa mo‘a, e i te parau mau o te Ekalesia, te faauru ra oia i te iteraa papû o te tahi atu mau taata.

Ia parahi a‘era oia, aita i faaroohia te maniania e mai te mea ra e, ua haaputapû te Varua i te tahi atu mau aau. Ua ti‘a maira te hoê o te mau melo i ni‘a no te faaite i te iteraa papû, e i muri iho, te tahi, e tahi faahou …