iVakavuvuli ni Noda Gauna

Na lesoni ni Matabete i Melikiseteki kei na iSoqosoqo ni Veivukei ena ikava ni Sigatabu me na dau vagolei tikoga ki na “iVakavuvuli ni Noda Gauna.” E rawa ni vakarautaki na lesoni mai na dua se vica na vosa ni koniferedi se qai vakayacori oti ga. Me ra digia na vosa e dodonu me vakayagataki na peresitedi ni iteki se tikina, se e rawa nira lesia na itavi oqo vei ira na bisopi kei na peresitedi ni tabana. E dodonu me ra dau vakadreta na veiliutaki na bibi ni nodra dau vakayagataka e dua vata ga na vosa ena Sigatabu vata na veitacini ena Matabete i Melikiseteki kei ira na marama ena iSoqosoqo ni Veivukei.

Me ra vakauqeti o ira era dau lakova na lesoni ni ikava ni Sigatabu me ra dau vulica ka kauta mai kina kalasi na mekesini ni koniferedi raraba ka se qai vakayacori oti ga.

Vatutu ni Kena Vakarautaki e dua na Lesoni mai na Veivosa Eso

Masulaka me tiko vata kei iko na Yalo Tabu ena nomu vulica ka vakavuvulitaka na vosa. Ena so beka na gauna o na temaki mo vakarautaka na lesoni ena nomu vakayagataka na veiyaragi tale eso, ia na lewenivuli vakadonui ga sai koya na vosa ni koniferedi. Sa nomu itavi mo vukei ira e so tale mera vulica ka bulataka na kosipeli me vaka e vakavuvulitaki ena koniferedi raraba ni Lotu ka se qai vakayacori oti ga.

Railesuva na veivosa eso, vakasaqara na ivakavuvuli kei na ivunau ka na sotava na nodra gagadre na lewe ni kalasi. Vaqara talega na italanoa, idusidusi vakaivolanikalou kei na itukutuku eso mai na (vei)vosa ka na vukei iko ena nomu vakatavulica na veidina oqo.

Tuva na sala o via vakatavulica kina na ivakavuvuli kei na ivunau. E dodonu me oka ena nomu ituvatuva na veitaro ka na vukei ira na lewe ni kalasi mera:

Vakasaqara na ivakavuvuli kei na ivunau ena (vei)vosa.
Vakasamataka na kedra ibalebale.
Wasea na veika era kila, nodra vakasama, veika era sa sotava kei na ivakadinadina.
Vakayagataka na ivakavuvuli kei na ivunau oqo ena nodra bula.

Vei-Vula	iYaragi ni Lesoni ena iKava ni Sigatabu
Noveba 2009–Epereli 2010	Veivosa ka tabaki ena Liaona ni Noveba 2009*
Me 2010–Okotova 2010	Veivosa ka tabaki ena Liaona ni Me 2010*