Rongorongo ni Kaakawari n Reirei

Te Riki n Toronibwai

Reirei koroboki aika tabu ma taeka aikai ke, ngkana e tangiraki, te reirei riki teuana ae na kakabwaiaia tarimi ake kam kawariia. Anga am koaua iaon te reirei. Kaoia naake ko kawariia bwa a na tibwa te bwai are a tia n namakinna ao n ataia man te reirei.

Tera Te Toronibwai?

“‘E nanonaki te toro-nibwai bwa kabonganaan ara kakabwaia ni kabane mairoun te Tamara are i Karawa n tabeakiniira bon iroura ao ara utu ao n ukoukori bon iroura aron katokan ara kangaanga.’ Iai tabera n tatabemaniira nako ni kataia n totokoi kangaanga imwain ae a riki kangaanga ao n reirei n tokanikai iaon kangaanga ngkana a riki. … …

“Ti na kanga n riki n toro-nibwai? Ti kona n riki n toronibwai rinanon karekean atatai aika tau, reirei, ao te konabwai ni wareware ao ni koroboki; man babairean raoi aron kabonganakin te mwane ao te bwai, e na iai iroum te tamnei ae korakora, te tauraoi nakon bwaai aika karina ao aika ana riki; ao man karekean te marurung n rabwata te momoa aomata ao te nano n tangira.”¹

Julie B. Beck, te Beretitenti ni Kabuta n Aia Bootaki Aine.

Tabem n te Euangkerio

“Ngkana ti maiu ma te babaire raoi ibukin kanoan taai aika ana roko ao ni karikirakei ara bwaintangira ao ara taarena, ao ti na rikirake riki n toronibwai. Te riki n toronibwai bon man tabeakinakira bon iroura ibukin bwain te tamnei ao te rabwata ao irouia naake a tia n onimakininaki iroun Tamara are i Karawa ibukin tararuakira. Ti man te riki n toronibwai ae ti kona iai ni katotonga te Tia Kamaiu ni beku ao ni kakabwaiaia tabeman.

“E rangin ni kakawaki bwa ko na ataia bwa te riki n toronibwai bon te bwai ni mwakuri ibukin kakoroan nanon te kouru. Ara kabanea ni kouru bon te riki kanga te Tia Kamaiu, ao te kouru anne e riki man ara mwakuri n ibuobuoki aika aki babaka ni ikawai nakoia tabeman. Ara kona ni beku e rikirake ke e maunanako man tian ara riki n toronibwai.”²

Unimwaane Robert D. Hales kaain te Kooram n te Tengaun ma Uoman.

“Te riki n toronibwai bon mwiin ara mwakuri ae buoutokai mwakuri n ibuobuoki ake tabeua. Bon mwakoron maiura n tamnei ao n rabwata aika rangin ni kakawaki. Ni kaineti ma te moan tua aei, e a tia n taekinna Beretitenti Marion G. Romney [1897–1988] bwa: ‘Ti na bane ni mwakuri ibukin te bwai ae ti kainnanoia. Ti a bane n riki n toronibwai ao n inaomata. E kona ni karekeaki te Kamaiuaki rinanon moan tua riki tabeua. Kamaiuan temanna bon taben te aomata anne, ao ti riai ni mwakuriia aron kamaiuakira ni kaineti ma bwain te rabwata ao bwain te tamnei.’ …

“Beretitenti Spencer W. Kimball [1895–1985] e reirei riki iaon te riki n toronibwai: ‘Karekean te ibuobuoki ibukin aia kangaanga aomata n aroia, n rawawataia, n tamneia, n rabwataia, ke kukureia ni kaubwaia e tiku moa iroum, te kauoua irouia kaain am utu, ao te kateniua iroun te Ekaretia ngkana e kakoauaaki bwa kaain te aro ae kakaonimaki.’”³

Beretitenti Thomas S. Monson.

Bwaai aika a na taraaki

1. “The Welfare Responsibilities of the Relief Society Beretitenti,” Basic Principles of Welfare and Self-Reliance (2009), 4–5.

2. “A Gospel Vision of Welfare: Faith in Action,” Basic Principles of Welfare and Self-Reliance (2009), 1–2.

3. “Guiding Principles of Personal and Family Welfare,” Liahona, Beberuare. 1987, 3.

Ibuobuoki Ibukin te Reirei ni Kakawari

Ngkai ngkoe te tia reirei n te kakawari, ao ko kona n ukoukori oin am kairi bwa ko aonga n ataia bwa ko na kanga ni kaekai kainnanoia naake ko tararuaia. Ao kabanea am tai iaon kakorakorakin aia onimaki aine n tatabemaniia nako ma aia utu.

Oin Am Katauraoi

Karikani Bwaai 3:19

Mataio 6:33

tara D&C 82:18–19; 109:8

Ibukin rongorongona riki tabeua, tara www.providentliving.org; All Is Safely Gathered In: Family Finances (item no. 04007); ao All Is Safely Gathered In: Family Home Storage (item no. 04008).