Karaoan Maunga
Te Taetae Ni Kaikonaki n Rongorongon te Tia Kairi n te Maunga ao te Maunga.
Te tia kaira te mwananga i Yushan National Park i Taiwan, Chén Yù Chuàn (Richard) e anganganaki te nakoa ae te tia kairiia iruwa n taabo nako rinanon te tabo ni kamangang. N aron ae tataneiai iai ngkana e titirakiniia ana iruwa bwa tera ae a kan noria, a tangiria n nako taubukin te maunga ae Yushan (Jade Mountain), te kabanea n rietata n tabo i meang mainukun Asia ae 12,966 buuti (3,952 m).
Richard iai nanona n tangirii bwai aika a karikaki ao e tangiria tikiraoin ao tamaroan Yushan. Ma rinanon ana taneiai ao e atia ni kataia n reiakinii bwaai aika kakawaki ao ni kataia n tibwauaia ma taan roko: te taratara mai ieta e anganiko te tamaroa ni koaua imwiin tian reken ana taneai temanna mai inano.
Kawarakin taubukin te maunga,ma kawaina are a bon karaoaki ma tamaroan am taratara iaona, bon te taneiai ae e rangin raoiroi, ma Richard e kataia ni kabwarabwara bwa a rangin mwaiti bwaai aika a riai ni kabwarabwaraaki ao a bati aika raba tamaroaia are ana kuneaki inanon taabo ake a rangi ni ka kawaraki n aron te karaanga are e biri inanon marua aika a nano man bwangabwanga.
“Ngkana ko butimwaea te rietatata, ko riai n tia n roko i nano,” e taku. “Ko aki kona ni butimwaea te kabanea ni karokoa ko ota n aron te moan waaki.”
Tabeman ibuakoia ana irua a kairoroaki, ngaia are, angiina a rangin kan roko moa i eta—ao a tangira te kawai ae uarereke n rokoia iai.
Richard e noori taian kanikina n ana bwai n tituaraoi te tamnei n anuaia. Ngke e kabwarabwarai, kabanean te kakawaki n ara kouru ni maiura e na bon kona ni kaokiira nakon te Atua (tara Aramwa 12:24) .Engae ngke a rawata aika a kinaa kakawakin te kouru anne, tabeman a tuai n ataia bwa ngkana ti kan maeka ma Ngaia, ti riai ni riki n ai Arona (tara 1 Ioane 3:2; 3 Nibwaai 27:27; Moronaai 7:48). Ao akea te kawai ae katawe nakon te tabo are itaubukina.
Te Tia Kairi ae Koaua
Richard e aki ti kan kairiia iruwa n nakonako, e tangiria n aganiia te taneiai. Ma e tianaki bwa mwaitira ae na reiakinia n aron te bwai are a tangiria.
“I kona ni kairia ake a tangiria ni kan rinanon bwaai n te maiu aei nakon taabo ake aki bati noori, e taku,” “Aia atatai tao ana bon rangi ni matoatoa riki, ma e kona ni karekea te kaubwai ae rawata.”
Richard e namakinna bwa te maiu aei akea okorona, ao bon ana taneiai e a kaota te tua aei. Ngke ngaia ataein te kuura n reirei ae rietata, Richard e moana ana kakae bwa tera raoi oin maiura. E kawari taian Ekaretia aika a mwaiti n aki kunei bwaai ake e kakaai—ni karokoa e kaitibo ma mitinare.
Ana karo, e ngae, ngke a matoatoa ni kaaitaraa ibukin kaainakin te Ekaretia. A raraoma iroun natia te mwane ae te riki temanna ngkai e nang kiitana aiaonimaki. A raraoma bwa tera ae e na riki nakoian te maiu ae na roko. E rawata n aia katei ae a kakoaua bwa aroia imwiin te maiu aei e kaineti korakorana ma aroia n nebonebo are ti ana karaoia kanoaia aika a maiu.
Engae ngke e kaiangatoa ma ana utu, Richard e a tia n reke ana koaua ibukin te Tia Kamaiu ao tangirana ni kan Iriiria.
“Iesu Kristo bon te kawai,” e taku Richard. “Boni Ngaia Kairara ni Koaua n okira Tamara” (tara Ioane 14:6).
E rineia n iriira te Tia Kamaiu ao n bwabetitoaki, onimakinan te Uea are e na kairia nakon te kawai ni koaua engae ngke e tara ni kanganga.
Te wiiki imwiin bwabetitoana, e kakabwaiaki ma ana mwakuri ae tamaroa bwa te tia riboota n teuana te kambwana n rerio ae bubura i Taiwan. Karekean ana mwakuri aei e kakukureia ana utu, n ikotaki ma tamaroana ni bitakina are a nooria irouna, ana mwakuri aei e buokia ni katoka te unra imarenana ma ana utu. E kakorakora naba ana onimaki ao n tia reiakinna boonganan te reirei.
“Ngkana ti aki iriira Iesu Kristo,” e taku, “ana bon aki reke iroura arora aika a riai ao ni boongana ake ti kainnanoi.” Tao aaro aikai ana rangin kanganga, ma a bon riai ibukin raoiroira. (tara 2 Nibwaai 2:2; D&C 122:7).
A kanga ni Karaoaki Maunga
Nakoia ake a iriira Richard rinanon marua ma kaaranga aika a tamaroa akea te nanokokoraki n reiakinna bwa maungan Taiwan akanne ake a ririeta ao ni katati nako meang a bon riki n te untaba n rabunan te aba are iaona aika uoua inanon te aonaaba. Te kabuebuea ae korakora ao rawawatana are e riki man ana totoko ae korakorate aonaaba ngke a tebenako rabunana akanne nakon atibu aika te sediment nakon te limestone, ngkanne nakon mabora are a riki iai n kinaaki te east coast aei. Ai bon aron naba te korakora are aki kona n nooraki are e ioa rabunan te aba, ngaiare e kawaerakei maunga aika ririeta nako karawa.
Engae ngke i Yushan ke Taroko te Baake ae bwain te Tautaeka, n are e mwakuri iai mai imwaina, Richard, e tangiria ni kotoi kakoaua bwa e kanga taian korakora akanne ni karaoa Taiwan ma i nano nako eta.
“Iai taian mwaake aika aekakin taian nao iaon bwaa ake kabanea n rierieta, ao iai bwain taari ngkoa ake a kuneaki ao kakoaua riki tabeua ibukin bwaai ake a mena i eta a bon tia naba ni mena inano. “E taku Richard, “Ngkana ko kan ota n taubukin te maunga, ko riai n ota moa ma inano, ibukina bwa anne are e riki iai taubukin te maunga.”
E kakoaua Richard bwa e bongana aei ibukina bwa ti tebo ma kabotauakin maiura aei. N taai ni kanganga e kona n ae tiaki ti ngaira iruwa nakon te maunga ma kanga bon te maunga naba, are a ororeaki ni korakora ao katikitiki are a karaoira ao ni kebutira nako karawa ngkana ti kona ni kekeiaki ma te taotaonaki n nano ao te onimaki. (tara Motiaea 23:21–22; D&C 121:7–8).
Karaoan Maunga Aika Ngaira
Man bwaai ake e a tia n rianona Richard e reiakinna bwa ti aki kona ni mwemwerake man te aonnaba aei n roko nakon te kabanea are ti kona n akea moa rinanon te maeka n aki mwengaraoi, n tabetai te maraki ae, ti a tia n rinanoi.
Ngkai te riboota n te rerio Richard e mwakuri iaan te korakai iaon bwa aika bwati n taia aika kimototo. E reiakinna naba bwa te mooi ma raoraom e bongana naba iroun te riboota ni karekean rongorongo. Te mwakuri e rikirake ni matoatoa ibukina bwa e aki kan irekereke ma te mooi manging.
E rau ana iango ibukin karekean ana mwakuri ma tiaki ana kakaewenako. Ana mwakuri are e reke n te tabo ni kanakobwana e a tia ni karaua nanoia iai ana utu imwiin kaainakin te Ekaretia. Ngai are ngke e a kiitana ana tabo are bubura iai boona, iai rinena iai, are e bon bwanin iai ana mwakuri nakon are e e a itera n tai bwa te tia kairi, ana utu a manga rangin ngurengure n te tai anne.
E a manga rangin kanganga rinean te kawai iai, ma e aki raraomaeakina anne ibukina bwa e ataia bwa te karietataki ieta (tara D&C 121:7–8), ti riai moa rinanon ake a rinano (tara D&C 122:5–7).
“Ngaira n tabetai ti kauarerekea te bwai ae kona ni karaoia te Atua ibukira ibukina bwa tiaki kan rinanon moa te buakaka ma te raoiroi, “e taku.
Irirakin te Uea e kairia nakon te mwakuri ae e kimwareirei iai. E kairia bwa e na karaoa te mwakuri ni mitinare. E kairia nakon buuna n taai aika ana roko, ao ma ngaia e a riki natina aika aman aika tamaroa. E ngae ntaian kakatai aikai, ai bon akea tokin taian kakabwaia.
Ngke ana reirei a kairiri n rinanon“te kawai are te mwarua aika ririnano” (2 Nibwaai 4:32) ao e ngae “te mwarua ibukin nuun te mate” (Taian Areru 23:4) iaoni kawaina nakon are e maeka n te rietata (tara D&C 1:1) Richard e karekea te raunnano n te berita are “ana taeka Kristo, ngkana ti iriiria, [e na] uotira riaon te mwarua n nanorawawata nakon te aba ni berita ae raroa” (Aramwa 37:45)—e kamatoariki nakoina bwa imwiin rinanoan taian kanganga rinanoni kakaewenako nakon maiura aei bwa ti na katauraoaki ni kimwareirei ieta.
Ngkana ti na kakaitau ibukin taubukin te maunga, e riai n rinanon moa te mwarua, e taku Richard Chen (maing i Taroko n te Bwaake are bwain te tautaeka. Te Tari Chén e mwakuri bwa te tia kaneweaba i Yushan n te Bwaake are bwain te tautaeka, n ana tabo te Jade Mountain (i etana).
Naake a ira te Tari Chen n rinanon te mwanono (iaona) e reiakina taekan te kakorakora ae rangi n nene man te aba (atai) are e karaoi maunga—te mwakuri ae titabo ma are temanna e na riai n tataona nanona bwa e aonga n okira te Atua. Mai eta: Richard e tara te karanga are Liwu. Atai: Te oo are e karaoaki n te mabora ni kamimiin te Manono are e kaota rotakin aonteaba n ana katitiki aonnaba.
Taiwan
Taipei
Ana Bwaake te Tautaeka are Yushan
Rawetamnei iroun Adam C. Olson, ma ti ane e koreaki; angatai: tamnein Jade Mountain © Fotosearch