ROKO RAOI N TAINA N TE BONG AEI
N am iango te O-Tetemanti ea bon rangi ni bunginako n anganakim te reirei? Ko riai n iango riki.
E ngae ngke te taeka, te tai ao te katei n te O-Tetemanti a bon rangi ni kaokoro ma boong aikai; kona bon rangi ni mimi ni mwaitin bwai aika ko kona n reiakin man te O-Tetemanti. Ma te tataro ni kamatebwai, ko kona ni kunei reirei man karakin te O-Tetemanti are a kaineti nakon maium ni boong aikai. Aikai ruaiwa katoto man katoto aika a mwaiti:
-
Iotebwa mai Aikubita e birinako man te kaririaki (taraa Karikan Bwaai 39:12). Te birinako man te kaririaki e teimatoa ni bebete riki nakon riingan te bure ao te rairannano.
-
Iotebwa e kabwarai aia bure tabeman, ao bon tarina naba ake a kabonakoa bwa te toro (tara Karikan bwaai 45). Ko kabwarai aia bure tabeman, riki irouia aika bon kaain am utu?
-
Te Uea e katauraoa te mana ni katoa bong ni kamwarakeia kaain Iteraera (tara Te Otinako 16:15). Te Uea e katauraoi bwaai aika a mwaiti ibukin kanan tamneira: tataro, koroboki aika a tabu, te toa, tembora.
-
Te Otinako 28 e kabwarabwaraa aron Aaron ao tabeman ake a taua te nakoanibonga aron kunnikaia. Te Uea e tuangiia aron kunnikaia n te aro ae onoti bwa e na kauringiia aron kakannaton nakoaia n tain te taromauri. Ngkana ko nako n taromauri ke te tembora, e kanga aron oneam n roota te karinerine ae riai ao te taromauri?
-
Mwaitin te boki n Nakoaiaibonga bon taekan te angakarea ao ana kakabwaia. Am angakarea—n am tai, tarena, ke te mwane—e na uoti kakabwaia nakoim mai karawa.
-
Man ana katoto Tamuera, ti reireiaki kakawakin te kakauongo nakon ao kinaakin bwanaan te Uea (tara 1 Tamuera 3:4–10). Ngkana ko reiakina kinaakin ao irakin ana wirikiriki te Tamnei ae Raoiroi, ao maium e na rikirake.
-
Te Kairake are Tawita, ana rinerine e kaota ana kakoaua bwa “iai Atuan Iteraera” (1 Tamuera 17:32–51). Am rineirne e kaota am koaua bwa ko kakoaua ke ko aki kakoaua te Atua.
-
Taniera e kaitara ana babaire te Uea ao e kuneaki n tataro (tara Taniera 6:11). Iraua te tai ae ko kuneaki n tataro, e ngae ngke ea bon taraa ni kanganga?
-
Naaman e reireiaki bwa te mwaaka e roko man te ongotaeka nakon te burabeti (tara 2 Uea 5:1–14). Irakin aia reirei burabeti ao abotoro e na uota mwaakan te Uea nakon maium naba.
Te Uea are Neebukaneta e teweia nako kaain Iteraera ake teniman inanon te ai. Ma ngke ea taraa te ai te uea, ea nooria aman aomata aika a okoro, ao a nakonako inukan te ai … ao taraan are te kaaman [bon] tein Natin te Atua (Taniera 3:24–25). Ngkana ko taratara inanon te O-Tetemanti, ko kona n noora te Atua ni mwananga ma Natina. Aia namakin e kona n reireiniko aron n riki bwa natin te Atua te aine ke te mwane ae tamaroa riki.
Kakauongo nakon te Tamnei (i eta n te maing), tataro e ngae ngke ea bon kanganga (i eta), ao iri aia reirei burabeti (inano) bon tabeua reirei ake ti reiakin man te O-Tetemanti.
Maing: Iotebwa mai Aikubita, iroun Michael T. Malm; Kamataataki iroun Ted Henninger;angatai: Te Teinimwane Tamuera Weteaki iroun te Uea, iroun Harry Anderson; Taniera imatan te Uea Nebukaneta, iroun Simon Harmon Vedder; Naaman e kamaiua te Rebera, iroun Paul Mann