Bitakin te Aonnaba man Tamaroan te Aine temanna n te tai teuana
Inanon Eberi 2008, weteakiia aika boou nakon te Beretitentii ni Kabuta n te Bootaki n Ataeinaine—Elaine S. Dalton, Mary N. Cook, ao Ann M. Dibb—n tei ieta n te Ensign Peak i tabon meangin te Salt Lake City ao n taranako aon karabeen maunga.
Man te tabo are a taratara mai iai tamnein te anera ae Moroni e kaotanako otana nako aon te Salt Lake Temple, ao a taia bwa tera are e tangiria te Uea ibukiia kairake n ataeinnaine n te Ekaretia.
Teniman aine a uotarake te kai ao man nakonako ni katioa rebenin Peru ae te koora—aia kanikina ma aia man nakoia botanaomata, bon te baena ni wewete nakon te anua ni maiu ae tamaroa.
“Ti aki kona ni karokoira n te anua ni maiu ae boou man tamaroa n aki taekinan aron kakawakin te tembora,” E taku Titita Dalton. “Ao te tembora bon bukini bwaai ni kabane ake ti karaoi inanon te bootaki ni Kairake n Ataeinnaine, ibukina bwa e na buokiia Kairake n Ataeinnaine aikai bwa ana nakon Kristo.”
Te anua ni maiu ae Tamaroa e a tia ni ikotaki ma taian anuan ni maiu ibukiia Kairake n Ataeinnaine inanon Nobembwa 2008. E kabwarabwaraaki inanon te booki ae Ibukin Oin Rikirakem “te banna ibukin katei ao aroaro ake a boboto iaon anua ni maiu aika raraoi. E ikotaki ma te maiu ni itiaki ao te kororaoi” (Kairake n Ataeinnaine ibukin Oin Rikirakem [booklet, 2009], 70).
Te anua ni maiu aei e onoti n te aro are taian mwakuri ake ti a tia n rinanona ao anua ni maiu a kantaningaaki bwa ana mwakuriaki n te tai ae ananau, n te aro bwa ataeinnaine ana kona n rineia man anua ni maiu ake tabeaua ake a tia ni katauraoaki. Ni ikotaki ma anne, ibukin te moan tai, tiina a kaoaki bwa ana kabanea kanoan te burokuraem ae Rikirakem Ibon Iroum ma natiia aine ao ni karekea te kaniwanga te metera.
Inanon te ririki ae nako, kairake n ataeinnaine ao tabeman riki ni kabuta te aonnaba a tia n kaeka ma nanoia ae korakora nakon te wewete bwa ana okirikaaki nakon te anua ni maiu ae te tamaroa, ike a kaonrakea nanon aobitin te Bootaki ni Kairake n Ataeinnaine ma reta ao tamnei ma irouia naake a tia ni kaeka te wewete. A mwaiti ake a tia n tamarakei maunga ao ni katioi oin aia baena.
Teuana te kurubu ni kairake n ataeinaine i Hannibal, Missouri, USA, a iangoia ni berita ibukin te itiaki man tabo aika ririeta ao n aki kona ni kunea maunga aika uaakan nakoia, man tamwarakea te taawa ae 36 te borauatao ae karaoaki man te timanti, ni katioa iai aia baena, ao man kabaei nanoia bwa ana maeuakina te itiaki.
Iaon Metiko, aran Kinakiia Aine e rairaki nakon “Karineaia Kairake n Ataeinaine ibukin te Itiaki.” Kairaken n ataeinaine I Metiko a ingainga ibukin raonakin riki te anua ni itiaki bwa te bwai ae bongana, e taku Titita Dalton—bon te bwai ae bongana ake a kaman taneiai te aba mangaai.
“Te wewete nakon te anua ni maiu ae tiaki e karekeaki ma te nebonebo ae korakora, man anganako, inanon te Ekaretia ao n akeana,” E taku Titita Cook. “Taan kairiri a tangiria; taan kairiri n te nakoanibonga a taekinna; tina ao tibuunaine a kakatonga ibukina.”
Te mwakuri ae ananau ibukin bonganan te anua ni maiua ae itiaki e ira ana kauring te tia Kamaiu bwa ti na reiakina arona (tara D&C 19:23) man warekan ana Boki Moomon ao korean am namakin n tainako n am boki n taui mwiin rongorongom.
E warekaki ana imeri te titita temanna nakon te beretitentii n te Kairake n Ataeinaine i England: “E kananokawaki, ti na riai ni kabwarabure iai. Ti na aki waekoa ni katiia aei nakon are ti kantaningaia. Bukina bwa te aine natiu ao ngai ti kamatebwai ana boki Moomon n ta kawai ae tiaki kakaraoia mai mwaina. Bon te bwai ae karewe te rinanona, ti tangiria n ana oin ara tai.”
Ana Boki Moomon e reiakiniira aroia barongaia ake a rikirake ao ni kukurei ngke a a karaoa anua ni maiu aika raraoi ao ni itiaki ma e a manga bwaka ngke aki manga karaoa te anua ni maiu n itiaki, e taku Titita Dibb.
Mwaane ao Aine bon ti tebo ingaingaia ibukin bwaai aika boou man kakawaki, e taku te beretitenti n te kairake n Ataeinaine, atongan taian katooto man bootaki ni kairake n ataeinimwane ao uoote aika tuai ni iein kaina a mwakuri iaon te anua ni maiu ae itiaki ni botaki.
Titita Dibb e taekina bwa mwaane ao aine a riai ni kabanea aia iango iaon maeuakinan te itiaki bwa ana karekei kakabwaia. “Mwaane akea mwakaia ke korakoraia ni kamwakura te mwakanibobga are a karekea ngkana a aki taua tuan te itiaki,” e taekinna. “Ao aine ake a karekea te mwaaka ao te korakora ni katiia weteai ae tabu bwa taian buu, tiina, ao ngkai aine aika a maiuakina te anua ni maiu ae itiaki.”
E taku Titita Dalton bwa e kakoaua bwa bonganan te maiu ni itiaki e a tia kawakinaki ibukin tai aikai, te tai ngkana te aonnaba e karaoi bwai ni kabane man uotarake te anua ni maiu ae itiaki.
“E rang ni kakaongora nakoira bwa te aonnaba aei a mwaiti kairake n ataeinaine ake a kona ni mwaninga bwa ngaia natin te Atua aine,” E taku Titita Cook. “Ti riai ni kauringiia n anne, ao ai uana naba ma te kantaninga are ngkana ko karaoi taian kairua, ao ko kona ni manga raira nanom.”
Te motinnano n teimatoa ni maiuakinan te kororaoi ao te itiaki e koro ibukina bwa ti karekea ao ni kamaiuaki man mwakan maten te tia Kamaiu, e taku Titita Dibb. Te kaua ni kakawaki iaon baike ti rinanona e kaineti iaon te rairannano.
N te ririki ae nako, a mwaiti aine—aike aine ao kairake—a reitaki n te nano ni kan oki n riki bwa aine aika maiuakina te itiaki. “[Ni ikotaki ma maiuakina te itiaki] e karekea te ingaingannano irouia aine ake a karaoa te rinerine ae kairua. A mwaiti aika taku, ‘I kona n riki bwa te aine ae itiaki. … E kona reke nakoiu,’” E taku Titita Cook.
A mwaiti mairouia aike a tangiria ni kan itiaki riki ma aiangoia bwa ana waaki maia. Te beretitentii n te kairake n Ataeinaine a tibwaua magaia te bomira: Tataro n te tairiki ao te ingabong. Wareka ana Boki Moomon nimaua te miniti ni katoa bong. Ao moangare.
“Ngkana aine n te Ekaretia ao n te aonnaba a karaoa aei, iangoaia bwa e kanga aron te aonnaba inanon nimaua te ririki,” e kaeka Titita. “Ti rang ni kakoaua bwa ataeinaine aika kororaoi are a kairaki iroun te Tamnei e kona ni bita te aonnaba.”
Kairake n ataeinaine ao aia taan kairiri n te Santo Domingo Republic Independencia Titeiki a tamarakea Cambita Garabito, te maunga n te Dominican Republic, ike a katea iai oin aia baena ibukin te anua ni maeu ae kororaoi n Aokati 2009.
Rawebanna aika raraoi ibukin Iván Heredia