Kamatebwaian ana Mwakuri te Botaki n Aine
Iaon te moan Tabati n te namwakaina, Te beretitentii n te Botaki n Aine e kairira ni kabwarabwara bwa ti na kanga ni kakoroi nanon tabera aika tabu ibukia tarira n te Botaki n Aine.
Ngke e moani weteaki ara beretitentii, ti a tia n anganaki booki ibukin rongorongon te Botaki n Aine, are e a bon tia ni karekeaki inanon ririki nako. Ti kamatebwaia ma te tataro, ni kan ata raoi bukin te Botaki n Aine ao tera ae tangirira te Uea inanon ara kairiri.
Inanon kamatebwaian raoi rongorongona, ti reiakinna bwa bukin te Botaki n Aine e bon kateia te Uea mani baairea, n reireiniia,ao ni kaungaia Natina aine mani katauraoia ibukin kakabwaia ibukin te maiu are akea tokina. Te Botaki n Aine e bon kaineti nakon aron maiuia ni kabane Aine ni Boong Aika Kaitira. Aine a bon reiakinaki mani kaungaaki rinanon aia mwakurii, kawaran te mweenga n reirei, te mwakuri n anganano, ao n te Reirei n te Botaki n Aine. Ara kouru n te Tabati koraki bwa ti na reiakin reirei ao tuua are a na buokiira ni kakoroi nanon bukinara. Imwiin ara reirei Taabati akanne, aine ana riai ni maiuakina te euangkerio ma te koaua ae nene inanon aia utu ao mweengaia.
E okoro te Moan Tabati
N te kauoua, kateniua, ao te kaaua n Tabati n te namwakaina, ti kamatebwaia Ana Reirei te Euangkerio Aika Kakawaki ao reirei-man taian ni maungatabu ni kabuta bwa ti aonga ni kairaki nakon kakabwaian te maiu are akea tokina. Ma ngaia, n te moan Tabati n te namwakaina, temanna man te beretitentii man te Botaki n Aine anga reirei ao ni kairiira te maroro bwa ti na kanga ni kakoroi nanon tabera aika tabu n te Botaki n Aine.
Ngaira Aine ni Boong Aika Kaitira iai iroura ana Euangkerio Iesu Kristo are e kaokaki ao koaua ibukin te babaire ibukin te kamaiuaki. Ngaira ti mwiokoaki ibukia aine ni mwakoron te baaire anne. E aki kona n anganaki tabeman. Ngaira aikai ti na bon bukinaki imatan te Uea ngkana ti aki karaoi nakoara. Ao te moan n Tabati n te namwakaina bon ana tai ni bwaintangira te Uea n nakoira ae ngaira tiitita n ana Botaki n Aine n reireiniira bwa ti na kanga ni kakoroi nanon mwiokoara.
Au kaantaninga bwa ti na kamanena te tai ni bwaintangira ni kakoroi bukin teniua mwiokoara ni maiura nikaainakin te Botaki n Aine: (1) ni kakorakorai ara onimaki ao raoiroira i bon iroura, (2) kakorakoraia ara utu ao mweengara, ao (3) ukokoria naake a kainnanoa buokaia.
Au kantaninga bwa ti na iokira taian koroboki aika tabu ao ni kamanenai taian boki n te Ekaretia ake a tia ni kariaiakaki kamanenakiia te katoto, moan tuua ao reirei, are a na buokira ni kakoroi nanon tabera ao n reiakin arora ni kaaitarai kanganga ni boong aika kaitira. Te moan beretitenti n te Botaki n Aine, Emma Hale Smith, e tuangaki bwa e na kabwarabwara raoi koroboki aika tabu, mani boutoka/kaunga nanon te ekaretia, n aron are e na anganaki iroun te Tamnei (tara D&C 25:7) Ti kona ni kakairi irouna.
Ngke ngai bwa n na karaoa aei n te moan n Tabati n te Botaki n Aine n tainaia boowi, N na moana au waaki n tataro bwa tera ae ti na reiakinna n te tai anne. N na kamanenai koroboki aika tabu ni kakaea bwa tera ae ana reireiniira iaon te reirei anne. N na reiakin aia taeka burabeti Mataniwiin te ekaretia ake a tia nreireiniira. Imwina n na tataro ibukin kairakiu iroun te Tamnei ni korean tabeua titiraki n maroro ake ti na kona ni kamanena inanon ara tai ni ikotaki ni kametebwa n ara moan Taabati ni boowi. Au kaantaninga bwa tiitita a na okira mweengaia ma korakoraia ae raka riki ao ana kamanenai taian baeten (pattern) akanne ni kamatebwaia ni mwengaia ao n reiakinia aia utu.
Karikirakean ara Onimaki ao Kororaoira i bon iroura
Tibu te unnaine, Isabelle Bawden Bangerter, e kinaaki bwa te aine ae korakora ana onimaki. E karekea ana onimaki ngke ngaia te ataei ao e mwakuriia ni kakorakora inanon maiuna ni kabane. E riki bwa te tia reirei n te Botaki n Aine inanon ririki aika bati, ao ibuakoia tiitita n te Botaki n Aine e ataaki bwa te tia rabakau iaon taekan te Atua, te aine ae atatai n te euangkerio ao ni kona n anga reirei man koroboki aika tabu. E bon waaki naba ni kamatebwai ni koroboki aika tabu ni karokoa e mate ngke ai 97 ana ririki. Kuraenmwa Bangerter bon te aine are e bon koaua raoi ni karaoan ana beku ae akea tokina ao nakoana. Ngke I riki n tina inanon au tai ni kairake, I titirakinna bwa I kona ni karikirakeia natiu inanon te aonnaba ae onrake n te buakaka. E teirake,ao ni koteai, man taku ma te (ota irouna)/bwanaa ae matoatoa, “Eng! Ko riai! Ngaia anne bukin menam ikai!” Ana reirei e (kairai)kaungaai bwa n na riai n ata raoi oin tabeu ao ni waakina maiu ma te onimaki. E riai n iai iroura aron kairakira ao nanga reirei aika kaungaira ni katoa wiki n te Botaki N Aine.
Tiitita aki toki ni iai aia titiraki bwa a na kanga ni maeka rinanon bwaai ake a tia n rinanona ni maiua aei inanonaia onimaki aika a onrake. Te moan Tabati n te namwakaina e anganiira ara boota n onimaki ake a riki inanon nako aia Bootkai n Aine. Rabakauia ni kabane ake a bane n roko a kona ni buokiia ni kaekai aia titiraki ake kairaki.
Aika ana rimwi bon taian katoto ibukin bwaai ake ti na kamatebwaia n te moan Tabati bwa e na buokiira ni kairikirakei ara onimaki ao kororaoira i bon iroura.
-
Karaoan ao kawakinan berita aika tabu.
-
Taum ni karekean beeban kariaiakim ao n nebonebo inanon taian tembora.
-
Taum ibukin, kiinakim, ao n mwaakan te Tamnei ae Raoiroi.
-
Reiakina ao kamanoa ana euangkerio Iesu Kristo.
-
Karaoan am tataro ma te nano ni koaua i bon iroum ao n na am utu.
-
Kakaraoan te botaki n utu n te tairiki.
-
Karaoakin tuua ibukin toronibwaim ao maium n tatabwi.
Kakorakoran te Utu ao te Mweenga
Ngke ngai te kairake n te Botaki n Aine, iai aia kiraati n reirei tiina teuana n te namwakaina. Engae ngke iai tinau ae kakateke man atatai n ana mwakuri n tina, I bon reiakin naba reirei mai irouia taan reirei man te Botakin n Aine bwa n na kanga n riki bwa te tina ngai ae e raoiroi ao n n na kanga ni karikirakea mwengau. Ti reiakina naba tuua ao rabakau ibukin karaoakin te mweenga, ti reiakinaki arora bwa ti na kanga n riki bwa kaaro-aika raoiroi, ao n reiakinaki aron kakorakoraan ara iein.
Tiina aika a kairake aki toki n titirakinai bwa ti kona n reirei riki aia reirei tiina n te Botaki n Aine. Au kaeka bon eng. Ti kona n reiakinna bwa ti na kanga n anga ara boutoka, n ribanaia, ao ni kamanoi ara utu ni moan Tabati n te namwakaina.
Aikai tabeua katooto ibukin bwaai ake ti kona ni kamatebwaia n te moan Tabati bwa e na buokiira ni kakorakoraia ara utu ao mwengara.
-
Atakin ao kamanoan aia mwakuri aine mai iroun te Atua.
-
Kaekaan taian kakabwaia n te nakoanibonga.
-
Karekean te utu ae akea tokina.
-
Kamatoatoan taian iein.
-
Bungiakia ma kaikawakiia ataei.
-
Kaotan te tangira nakoia kaain ara utu ao kaikawakiia.
-
Butimwaean tabera ni katauraoaia te roro ae itiaki ae rikirake ae aomata aika Atiaki ni Boong Aika Kaitira.
-
Atakin, maiuakinan, ao kamanoan reirei ake a katuruturua kakawakin te utu.
-
Ukoukoraia ara utu aika a tia ni mate ao ni karaoi taian otenanti ibukiia n te tembora.
Ukoukoria ao Kuneia ao Buokiia Ake a Kainnano.
Taian reirei n te Moan Tabati bon karekean ara tai ni kakorakoraira n tatabemanira ao ni kakaea kaekaan titiraki ibukin kangangan maiura aikai. N te tai naba ae ko anganaki t e rawawa ta irouia tiitita ni ni katoa Botaki n Aine ake a rinanon kakatai ao aki karau n nano. Beretitenti Boyd K. Packer, te Beretitenti n te Kooram n Abotoron n Tengaun ma Uoman, e a tia ni weteia n tatabe uoote n te Botaki N Aine bwa “te kurubu n tiitita.” E taku:
“N tatabemania n tiitita, e aki tabeakinaki bwa bwa e tei iaa n te kamronron anne, e tei man kona n tara rarikina ni kaua itera ao namakina tamnein te wewete n okiria ngke e arora baina n akoi ibukin te tangira ae kororaoi nakoia ake a tei n iteram akana uoua. …
“… Ko na mwakuri n anganano ibukin te tabo are ko mwakuri iai, bukin anne—te Botaki n Aine—te kamronron aio ae kakannato i rouia tiitita. Kainnanomini kabane a na bon bane ni kakoroaki nanoia, ngkai, ao n aki totoki, bwaai ni kabane ake aki tabeakinaki ana bon kamunaaki, bwainikiranakim ni kabane ana kaetaki. Aikai ni kabane ana bon roko iroum, ao na roko ni waekoa, ngkana ko kakaonimaki nakon te Botaki n Aine.”
Bon au tataneiai mai imwaina bwa Botaki n Aine n taian Uoote iai irouia kariaiakiia bwa ana kona n anga aia boutoka are e kainnanoaki. Ngkana ti ukoukora ana ibuobuoki te Tamnei ae Raoiroi, kaekaia ni kabane a kona ni karekeaki man aia kam ronron tiitita.
Iai tabera bwa ti riai ni karekei ibuobuoki—ibuobuoki nakean te amarake, aoraki, nanokokoraki, aki tabeakinaki, ao ni kabane bwaai ake a tuuka te kimwareirei ao rikirakeia aine. Taben te Botaki n Aine e a tia ni katabeaki ibukin buokaia tabemwang.
Ti ataia bwa bukina ti maeka ni boong aika kaitira, ngaira n tatabemaniira ao utu a kaaitara ma taian kakaewenako aika matoatoa. Taian kakaewenako aikai ake a kaitara ma ngaai karaoan mwakuri aika aki riai, bwaai ake a tangiri rabwatara aki tabeakinaki, taarau, nanokawaki, aki ongotaeka, akean te mwakuri, te maenako n te utu, te aoraki, bwainikirinaki, aki taun te maiu, ao kakiriwe. Bon ti te aekana aikai n aron are e taekinna te Abotoro ae Bauro ngke e tatae ni burabeti n 2 Timoteo 3:1–7, 13. Ngaiare, ti riai n aki maaku. Iai iroura Ana Euangkerio Iesu Kristo. Te Abotoro ae Bauro e anganiira kaekaana.
“Ma waakirake in bwaai aikai, n aron are koatia n reiakinna ao ni koaua iai, n ataakin are antai ae ko atia n ataia.
“Ao anne mairoun te ataei a e atatai n koroboki aika tabu, are e kaotai nakoira ibukin kamaiuara rinanon ara onimaki iroun Kristo Iesu.
“Koroboki Aika Tabu ti anganaki ni kairara iroun te Atua, ao e riai naba ibukin berita aika tabu, ni manga kariaiakaki, ibukin kaetakina, ibukin reiakinan te kororaoi” (2 Timoteo 3:14–16).
Ni moan Tabati, te beretitentii temanna man te Botaki n Aine e kona n taekina aron ana mwakuri te Botakin N Aine. E kona ni katuruturui mwakuri n nanoanga aika onoti n taian uoote ao mwaanga nakoia raoia n te Botaki n Aine. E kona ni kataneiai ma aine ibukin karaoan aia kakawari n reirei n te mweenga are ngkana iai ae e kan buokaki ngkana a kunea. Ao ngkana e riai, ao e riai ni karekei tabeia raona n aine ibukia naake a kainnanoa te ibuobuoki.
Kamanenaan te Moan Tabati
I kakoaua bwa mataniwii n te Botaki n Aine a karekea buokaia iroun te Tamnei ae Raoiroi, ana kairaki nakon te bwai ae ana kamatebwaia ao n reiakinna n tain te botaki n taromauri n te moan Tabati n te Botaki n Aine. I ataia bwa e na reitinako karaoan aei ni katobibia te aonnaba karaoan ana mwakuri te Uea ae bongana aei irouia aine n te Botaki n Aine aika raraoi n te Ekaretia bwa ana karaababa karaoan aei ni mweengaia ao n aia utu ao ai bon nakoia raoraoia.
1 Karikirakea Te Onimaki ao Kokoaua ibon Iroum. Te Moan Reirei n Taabati e anganiira ara tai n raibaei booki aika a tabu ibukin te reirei are ena buokiira ni kaitarai kariirii ni boong aika kaitira.
2 Kakorakoraia Utu ao Mwenga. N te moan Taabati n te namwakaina, ti kona n reireiniira aron tauan, nabean ao katanan te utu.
3 Tarataranako ao Buokiia Naake a Kainnanoa Buokaia. Iai katabeara ni katauraoa te buoka—buokiia kainnano, aoraki; nanokokoraki, bangabwai, ao nikabaen bwaai ake a taua te kukurei ao te rikirake irouia aine.
Angamaing: kaotaaki raoi iroun Robert Casey; tamnein titita Beck man ana Tamnei Busath
Tamnein titita Thompson ao Titita Allred man ana Tamnei Busath; kaotaaki raoi tamnein te utu iroun Christina Smith
Atai: kamataata n te Tamnei iroun Craig Dimond