BWAINA TE NINIKORIA
Koa tia ni kan karaoa te bitaki n te aonaaba ma ko aki ataia bwa kona kanga ni waakinna? Ko a tia ni kan tei ibukin te bwai ae e eti ma akea te ninikoria iroum ibukina bwa ngkana ko karaoia ao ko na kona ni bwainingareaki ibuakoia rorom? Aio te ririki n riki bwa te tia kairiiri are ko a tia ni karuoaki iai nako aon te aba. Ngkai nakon taai riki aika a na roko, te aonaaba e kainanoa te oota are iroum ao nakoam ni kairiiri. Ko kona ni karaoa te bitaki.
Te botoniango n 2010 e kaoira bwa “Kona korakora ma n ninikoria” (Iotua 1:9). Te korakora te ninikoria bon anuaia taan kairiiri. Ngkai kaain te Ekaretia ngkoe, ao ko a riki bwa te tia kairiiri n te aro n tamaroa ao n itiaki!
Ara burabeti, Beretitenti Thomas S. Monson, e weteira bwa tina ninikoria:
“E kantaingaaki te nano ae korakora ngkana ko teimatoa n itiaki ao n tamaroa n raonaki ma butimwaean te iango n te tai.
“N ana taratara te aonaaba n taai aikai ao e uarereke te iango bwa ataeinimwaane ao ataeinanaine ana tiku n itiaki ao n aki bareka imwain te mare. Aroaro aika aki itiaki a kariaiakaki n riki? A bon aki!1
Am ninikoria e na roko ngkana ko maiuakina te maiu ae raoiroi, karaoi rinerine aika eti, ao ni irira te burabeti. Korakoram e na roko ngkana ko maiuakinna ni katoa bong bwa e na karikirakea am koaua iroun te Tia Kamaiu ni karaoan am tataro ao ni warekan ana Boki Moomon. Korakoram ni kairiia tabeman e na roko ngkana ko maiuakina te raoiroi are e kuneaki ni boong aika a uarereke Ibukin Korakoraia te Kairake. Ngkana ko karaoi bwaai aikai, kona namakina te kukurei inanom. Kona bon onimakiniko, ao kona rikirake ni matoatoa n te aro n tamnei.
Ao tai mwaninga ni moangare! Kaetieta raoi nanom. Tina kukurei ni karaoi mwakuri ake a wene inanon mwaakara; ao tina tei n aki kakamwakuri, ma te kokoaua, n noora ana mwakuri ni kamaiu te Atua (tara D&C:17). Ataakin te bwai ae eti ao ae kairua e na teimatoa n tainako (tara Moroni 7:16), ao ko berita bwa te Tamnei ae Raoiroi e na tuangko “ni kabane bwaai ake kona riai ni karaoi” (2 Nibwaai 32:5). Ngkana ko kamatebwai, kakauongo nakon ana wirikiriki te bwana ae uarereke. Koa tia ni berita te kakaoaua bwa “te mwaaka iroun te Tamnei ae Raoiroi ao kona atai koaua ni bwaai ni kabane.” (Moronai 10:5).
Ni kabane bwaai aika a riki, ko bungiaki bwa kona kaira am utu, n am reirei, ao n am kaawa. Ngaia are n te ririki aei, ko na matoatoa, ninikoria, ao karaoa te bitaki n te aonaaba! Tiaki ti ngkoe. Tamami are i Karawa e kakauongo ao e kaekai am tataro ao ni kairiko n am mwakuri nako ao ngkana ko teimatoa n itiaki n taainako ao e na teimatoa n raoniko te Tamnei ae Raoiroi.
Ngkoe natin te Atua te aine, ae tangiriko. Aikai am bong. Ti tangiriko ao n tataro bwa kona korakora ao n ninikoria ni maiuakina te maiu ae kantaningaaki ao ni kaira ni kairan te maiu ae raoiroi. Am banna ni maiuakinan te raoiroi e na bon karekea te bitaki.