Te Boki n Reirei Ibukin Moan Tua n Te Euangkerio Ae Boou
Taian Uaorium (volume) aika tamaroa aikai a riai ni mena ibuakon ara boki ni mwengara ke n taian umwanreirei n te Ekaretia.
Man te 1998 taian boki n reirei ibukin te Nakoa n Ibonga n te Merekitereka ao n te Botaki N Aine n taian kiraati aikai a bon bane n iai aia vorium (volumes) Aia Reirei Beretitenti n Te Ekaretia (imwiin aei Reirei). Taian Boki n Reirei aikai a kaineti kanoaia-nakon maiuia ma aia reirei n temanna n ara burabeti aika a rangi n tangiraki. Booki aika a kamimii aikai a reke bwa aia bwai n reirei kaain te ekaretia ni kabutaa te aonnaba ao ae na manga roko bwa ana ataia man tangiriia mwaane aikai n aia reirei aika a kamimi ake a tia n reiakin. Aia reirei aikai a bon kaunga te nano ao man manena n taai aikai ao n taai akekei ngke a moan anga aia reirei Taari aikai n aron are a oti inanon booki akanne. Ara kaantaninga bwa ko na waaki ni kamanenai koroboki aika kaunga nano ma irouia ana toro te Uea aika kakaonimaki. Aia reirei aikai bon akea tokiia.
Ni moanaki man 2010 ti na ana ara motirawa inanon uoua-te ririki man kamatebwaian n taian boki n reirei aikai. N onea mwiia, n tain te reirei n te Nakoanibonga n te Merekitereka ao n te Botaki N Aine n aia kiraati iaon te kauoua ao te katenua n Tabati ni katoa namwakaina, ti riai ni kamatebwaia ake a manga kaboouaki. Ana Reirei te Euangkerio Aika Kakawaki boki n reirei. Ngaia raoi, kaain te ekaretia a mimi bwa e aera ngkai iai te bitaki ae karaoaki are a irekereke. Iai titiraki ake a kona n roko n ara iango ma kaekaia.
E aera bwa te bitaki n te Karikiram?
Ngke ti moan waaki ni kamanenai Reirei, mirion aomata a kaaina te Ekaretia. Mwaitia te koraki anne a reke aia koaua aika te kan tangiraki, ma aia konabwai aika a karako inanon te Ekaretia, ma ana rangi n reke aroia man katukan aia iango iaon moan tuan te euangkerio. N ikotaki, ni kabane kaain te Ekaretia ana reke aroia okiran oin ara koaua.. Te karaurau ni kamatebwai ni boton te reirei are e kaotaki n te Boki n Reirei ae Tuua n te Euangkerio ae boou man katamaroaaki, ena ibuobuoki nakoia kain te aro ni kakorakorai ootaia ni boton te reirei n te euangkerio.
Te Reirei ni bokinikairi a tia n riki bwa karikiram ibukin ara kiraati aika rangin bongana n ikotaki ma kanoan ara tabo ni boki I bon iroura. Ibukin 2012 e waakinako ara baaire ibukin kamatebwaian aia reirei ara Beretitent aika a kakannato.
N na kanga n Rootaki Iai?
Te Ana Reirei te Euangkerio Aika Kakawaki bokinikairi e na kamanenaaki ibukin kamatebwaian reirei n te kauoua—ao —tekatenua n Tabati n te kiraati n te Nakoanibonga n te Merekitereka ao n te Botaki N Aine. E na kamanenaaki naba n te Reirei n Tabati ibukin Ana Reirei te Euangkerio Aika Kakawaki nakoia kaain te ekaretia ake a boou, taan kakae, ao kaain te ekaretia ake a manga oki ao n irira te waaki. Ibukin aei, tabeman ma ibuakomi ana mimi ngkana akea te mwakuri. Eng, e na bon iai! E aki tamaroa ngkana iai bwaai aika raraoi aika a reke ma iai ibukin kaokiokan aei. Engae ngke te Tia Kamaiu e anga ana reirei iaon te reirei ae ti teuana n te tai ae bati ibukin kamatoan aia atatai. Iangoia raoi bwa iraua ana tai n Reireiniira rinanon koroboki aika tabu bwa ti na kakoaua ao ni bwabetitioaki (tara, n te katoto, 3 Nibwaai 11:23–38)!
Ataakin anne ti riai n reiakin tuua te rain iaon te rain, te tua i aon te tua, te Uea e kaokioki taian kaantaninga akanne bwa ti aoria n aki mwaninga (tara Itaia 28:10, 13; 2 Nibwaai 28:30; D&C 98:12; 128:21). N aron n reirei akanne, ake a kairaki irouia taan reirei aika tabeaianga n raraomaeakin maeuraoia kaain aia kiraati, e na buokiia ni karikirakea aia onimaki iroun te Uea Iesu Kristo.
N te taneiai, n aro nako e na uarereke te kaokiokaki n aron ae na iangoia temanna. Te Nakoanibonga ae Te Merekitereka ao te Botaki n Aine n aia kiraati a na riai ni kamanenaai taian bokinreirei uoua te tai n te namwakaina, n te kauoua ao te kateniua n Tabati, n aron Reirei ni bokinreirei aika a tia ni kamanenaaki. Reirei a na ira raoi aron teina ni karokoa e bane Ana Reirei te Euangkerio Aika Kakawaki bokinreirei inanon uoua te ririki. Inanon te tai aei, taan reirei ake a katauraoia ibukin aia reirei n Tabati iaon Ana Reirei te Euangkerio Aika Kakawaki a riai ni karaoi aia reirei ni kaaitarai bwaai aika a kainnanoia naake ana reireiniia. N taekinan aei, naake a boou, taan kakae, ao kaain te ekaretia ake a manga tibwa irira te kiraati anne n te tai ae waekoa ana bon anganaki ma nanoia ke irouia aia bitiobi ke aia beretitenti n te mwaanga, imwiina ana anganaki aia tai ni manga ira te Reirei n Tabati are e reiakini Moan Tuua.
N reitaki ma taian Reirei bokinreirei, ana akea boona nakoia naake ana karekei bokinreirei aika boou aikai. Uoote ao mwaanga nako a riai ni karekei bokinreirei ibukia kaain ana ekaretia.
Ni mwakoron tabeua te aonaaba, te Nakoanibonga te Merekitereka ao te Botaki n Aine n aia kiraati a tia ni kamanenai booki Nakoaia ao Kakabwaia man te Nakoanibonga ao Aine Ni Boong-Aika Kaitira nakon n onea mwin Reirei. E boretiaki n 45 te taeka, te kaobi ae e boou Ana Reirei te Euangkerio Aika Kakawaki ana tauraoi tabeua taian unite inanon te ririki 2010 ao 2011. Ngkana e aki tauraroi taian bokinreirei akanne, ao ngkanne, a kona ni kamanenaaki ake a mane Ana Reirei te Euangkerio Aika Kakawaki bokinreirei ana boni kamanenaaki naba.
E na kanga Ana Reirei te Euangkerio Aika Kakawaki Bokinreirei a Bitaki?
Ara kabanea n tamaroa Ana Reirei te Euangkerio Aika Kakawaki bokinreirei a moan boretiaki e raka iaon 30 te ririki n nako. E bon rangin mamateakinaki ni kamanenaaki n te Ekaretia bwa te bokinreirei ibukin te Reirei n Tabati, ibukin reiakinaia kaain te ekaretia aika boou ibukin moan tuua, ao ngaia naba te boki ibukin mwengara ae bongana ibukin ara kakae. E ngae, ngke Taari a namakina ae ti na kona ni katamaroa riki te bokinreirei aei ao n anganna te maiu ae boou. Mwiin aei bon taian vorium (volumes) aika a tamaroa are a kona n riki bwa boki ni mwengara ake a mena ibuakon ara tabo ni boki ke ibukin umwanreirei n teEkaretia.
Booki aika kaboouaki iai tabeua rakan aroia ni baroongaki ao ni koreaki.
1. Te Tia Korobanna
Manga kaboouan booki aikai e na rikirake mwaitiia ao ni iai naba akuuia ae boou ae e kuri n ti tebo naba ma are Reirei vorium. Ti a tia ni katamaroa riki aron tein te boki bwa e aong ni bebete ibukin warekana. Tamneina ana karanaki. Ni kabane bwaai aikai e na karekea riki rinanoan tamnei aikai te kani kamatebwai riki.
2. Bwaai Aika Koreaki
Te booki aio e a tia ni manga kabouaki ibukina bwa e na kona riki ni manena nakoim ibukin am kamatebwai, katauraoan te tia reirei, ao ibukin maroro inanon kiraati. Ni buokan am kamatebwai ibon iroum, a rawata aia taeka aomata ao taabo ake a roko mai iai a tia n. kabouaki n reita te boki aei ma taian Reirei vorium aika a tia ni booretiaki. Aio ibukia tatabeman bwa ana reiakin riki mai irouia burabeti are iai aia taeka inanon te Ana Reirei te Euangkerio Aika Kakawaki bokinreirei. Bootakia kanoan taian bokinreirei aikai ena karikirakea te kamatebwai n taian umwanreirei ao ni mweengara.
3. Iango ibukin Angareirei ao Kamatebwai
Ni katoai makoro iai taian iango ake ana buokia taan reirei ni katamaroai aia anga reirei. Iango aikai a karaoaki man tuan te anga reirei man Teaching, No Greater Call, ana boki te Ekaretia ibukin katamaroan aia mwakuri taan reirei. Iango aikai a karaoaki ibukin buokaia taan reirei bwa ana tangiriia naake a reireiniia, e karekea tangiran te mwakuri ni kamatebwai,ao n anga te reirei ibukin te Tamnei.
Iai riki, titiraki ake a kauka taian kibu nako inanon te makoro are a buoka ni karikirakea te maroro ao ni kairiia kaain te kiraati nakon kanoan te reirei inanon te kibu.Titiraki ake a roko imwin taian kibu ana buokia kaain te kiraati ni iangoia raoi, maroroakinna ao ni karaoa are a tia ni warekia.
Booki aika Akea Tokia
Bon ara kaantaninga bwa te boki ae boou aei Ana Reirei te Euangkerio Aika Kakawaki bokinreirei aikai e tere nako arona inanon te mweengara ao maiua kaain te ekaretia ni Boong Aika Kaitira. Te boki ae boou aei e na kaunga te reirei ao ni karikirakea am kamatebwai ibon iroum. Tariu ao mwaneu, ni kakorakoraan am kamatebwai n reirein ana euangkerio Iesu Kristo, am koaua e na rikirake, ao kukureim naba, ao ena bwakariko korakoran kakabwaia iroun te Uea ni maium.
Te Boki n Reirei Ibukin Moan Tua n Te Euangkerio ae Boou kanoana korotamnei aika a karanaki.
N tatabeua nako mwakoro a moanaki ma titiraki ke kibuntaeka aika ana kaunta te iango are e na buoka kakatemanna n ana kamatebwai ao ni karikirakea te maroro inanon te umanreirei.
Iango ibukin te Reirei ni katoa mwakorona e buokia taan n reirei ni kaoaia taan kan reiakinaki ao n reiakinaki iroun te Tamnei.
Korotamnei iroun Robert Casey