Mwaakan te Titiraki
Raraou a titiraki bwa e aera tariu ao ngai ti aki kaea te reirei n taekan te aro. Te titiraki anne e karekea au tai n tuangnga neierei taekan te euangkerio.
Ea reke raraou ae Kerstin ngke ai tebwi ma aua au ririki. Ti uaia n reirei n te reirei ae tii teuana. I a bon kaman kinaa neiei n te tai ae maan, I bon aki ata raoi anuana mai imwaina ibukina ai tibwa tebwi ma uoua ana ririki.
Ti a moanna ni kinaira ibon iroura riki ngke ti uaia n ira te takakaro n te reirei. Tia moanna n riki bwa rao aika a itanigtangiri, e ngae ngke bon uoua te ririki te kaokoro. E bon aki maan imwain ae ti kaitibo n te bwakantaai teuana are tia rianna ni maroro. Te bwakantaai teuana n tain te spring (tiburing), n ara tai n nakonako, neiei e titirakinai te bwai teuana are ea bita maiuna n aki toki.
Kerstin e mimi bwa e aera ngkai ngai ma mwaneu ti aki ira te reirei n taekan te aro n aekaia atain te reirei i Austria. Ia tuangnga neiei taekan rongorongon ana euangkerio Iesu Kristo ao Te Ekareita ibukiia aika a Itiaki ni boong aika Kaitira. Imwiina ao Ia kaota au koaua ao ni kaoa bwa ena ira ana botaki te roron n rikirake. Imwiina ao Ia anganna teuana te katoto n ana Boki Moomon ao te Riahona.
Imwiin anne ao Kerstin ea iriri ana botaki te Ekaretia ake e kakaraoi ao te Taromauri ni katoa Taabati. Neiei ea iriri naba ana maungatabu te roron n rikirake. Ngkana e reke ara tai, ti nakonako nakon te nei ae uarereke are e kaan ni wareki booki aika a tabu ao ni mwakuri iaon Karikirakean Aroia Ataeinaine.
Te angabuaka bwa, Kerstin e aki kona ni bwabetitoaki nikarokoa e koro tebwi ma waniua. Ana karo neiei aki tangiria bwa ana karekea te itabarara ma ana utu ake tabeman. E ngae ngke iai te totoko, Kerstin ea ti ni kaman karekea tinana bwa ena irira te taromauri.
Kerstin a mwakuri naba ma mitinare. Neiei e maroroakin taekan te Ekaretia ma aomata ake e kaitibo ma ngaiia ao ni kaunga tamana n taekan rongorongon te burokuraem n rongorongon te utu, e ngae ngke bon akea nanon teuaei ni kan ongora taekan te aro.
Kerstin bon te banna ni katoto nakoiu ni kaota bebeten te maroro ma tabeman taekan te euangkerio ao te reitaki ma Tamara are i Karawa ni katauraoaia aomata bwa ana ongo n Ana taeka. Ti bon tii kainnanoia bwa tina kaurei wiira ma ara onimaki. Ake imwiina ena bon tabenna.
Tamnei e katamaroaki iroun Amy Thompson