Taeka tabeua

Te Kakai n Ara Utu

N ana koroboki Unimwaane Joseph B. Wirthlin, “Tera are Roko, Tangiria,” ni kanoan te Nobembwa 2008 Riaona (iteraniba. 26), anga te ibuobuoki n tamnei nakoia natira aine, ake a rinanon taian kangaanga.. Inanon bikoukoun natira, te taokita e karaoa te tutuo ae rangin kangaanga—tibura e na bon aki reke maeuna.

Ni katoa tairiki ao n tatannako karaon te tataro ma te koroboki aei e anganiira te kantaninga, aoe riki te kakai nakon ara utu: bwa tibura e a bungiaki. E na riai n tiku n te Onnaoraki ibukin tabeua te tai, ao te namwakaina imwiina te taokita e aki manga kamatoa aron te tutuo are karaoaki ma imwaina.

Ti ataia bwa Tamara are i Karawa e bon maeu ao ara tia Kamaeu ao te tia Kaboira, Iesu Kristo Te Mangauti ao te maeu ae akea tokina ni maeka ma Tamara are i Karawa e bon koaua.

Gennadji ao Tatjana Mitchenko, Russia

Tiaki iaon te Tabati

N te uana te tai ao I kaniwanganaki bwa n na kona n nako n noora te butibooro ae na boo n te Tabati. I wetea kainabau ao n tuanga bwa e na irai ni mataku n te takakaro N onea mwin te kaeka, e taku, “Ngkana ko roko n te mweenga, wareka te Riaona.”

Ngke I roko n te mwenga I wareka aron te ateiaine mai Brazil are aki ira te kabanea ni boo ibukin mwangkon te Aonaaba i France ibukina bwa n te Tabati (nora Suzana Alves de Melo, “Buan mwangkon te Aonnaba,” Riaona, Tuun 2007, 37). I namakinna bwa ai aron ae taetae nakou Tamau are i karawa e tuangai, “ I ataia bwa ko tangira te butibooro, ma te Tabati bon au bong. Tai nako.” Ma ngaia are I aki nako nakon te takakaro. Man te tai anne ngkanne I a bon reitanako ni warekii ana taeka te burabeti. Te maekatin bon te kambwati ibukin maiura. E na kakorakoraira ni kangangan te aonnaba aio.

Anderson Carpejane, Brazil

Akea te bwai ae na makaki.

I aki toki n tang ni katoa reken Riaona inanon waniua te ririki n nako.

I a tia n reiakinna bwa, iai aomata tabeman aika rawawata. Ma bukinna bwa ara koaua, aika tia n ribunako wakaaia n tamnei, bon akea te bwai ae ti na aki konaa .

Te maekatin aio e riki bwa te tia kairi ae onoti ni maiu, ao I ataia bwa anne bukina ae uota te ara ae te Riaona.

Edwin Urrutia, Illinois, USA